لمن تييبين خدامه يديده شتسوين؟؟

["النووور"]

السلام عليكم
شلونكم بنات؟

بغيت اسأل وأبي تفيدوني .. اذا يتلج خدامه يديده شلون تعلمينها؟ شتقولين لها؟ شلون تعلمينها شغل البيت والتنظيف؟ شلون تعليمنها انها تمشي شغلج اليومي بدون ماتذكرينها كل يوم؟
شلون تعلمينها تغسل عيالج وتبدلهم؟

أبي بالضبط خطوه بخطوه ترى تعبت من الخدم وبلاويهم وتعبت من حنة ريلي
دايما يقولي انتي غير مباليه وماتباعين الخدم

شلون تباعونهم؟ شلون تعرفون انها سوت شي غلط أو مانظفت عدل؟ أو ماسوت اللي قلتيلها عليه بالضبط؟

بليز ردوا علي ناطرتكم

 

[LaSt WoMeN]

من المكتب اتفقي معاها جدامهم على كل شي ..

قولي لهم السبوح يومي ,, و ما تبين تفقدين أغراض من بيتج , و لا تبين لسان طويل ..
و اذا تبي شي خلتقول لج و اذا ما عرفت شي خلتسألج..
اظافرها على طول لازم تقرضهم .. و شعرها على طول ترفعه و تسويه كبه ..

بيني لها الساعة جم تقعد و متى وقت راحتها ..
اول مرتين شرفي عليها و هي تنظف و تمسح و تكنس و علميها الارشادات شلون تستخدم الأجهزة و شلون تنظف
تركز على شنو و شنو المنظفات اللي تستخدمهم .. و الفوط ..

علميها على الأوتي .. الملابس الخفيفة - الشيفونات - رقم واحد و القطن رقم 2 .. مثلا ..
شنو اللي تعلقه و شنو اللي تصفطه .. و وين تحطهم ..

علميها على الغسالة و كمية الصابون و الكومفرت ..
اول مرتين استخدميها جدامها بعدين خليها اهي تسويهم جدامج .. بس لا تعتمدين عليها اعتماد كلي .. فرزي الملابس بنفسج احسن .. و بين فترة و فترة جيكي عليها و على شغلها ..

علميها على الثلاجة و تنظيفها .. على الكبتات و ترتيبهم .. يعني شغلج اللي انتي تسوبنه علميها شلون تسويه ..

بس شوي شوي عليها مو كل شي مرة وحدة اول شي تنظيف الحمامات و كنس الأرضيات و المساح ..

و يوم ثاني مثلا الأوتي و غسيل الملابس ..

ثالث ترتيب الكبتات و الثلاجة و المطبخ ..

و هكذا ...

اتمنى اكون فدتج ... و الله يكافينا واياج شرهم

 

[cat-girlq8]

حبيبتي اذا بتعلمينها علي شغل التنظيف وخدامتج عوبه ماتعرف شي
لازم تاخذين علي الاقل اجازه اسبوع عشان تعلمينها علي الكراف والغسال وتنظيف اليهال وشلون اطلع الصحون والفواكهه من الثلاجه وتقعد تنظف الثلاجه من داخل وشلون تطبخ هذا اذا كنتي تبينها طباخه بعد

بس انا اوفر عليج كل هالحجي

ليش ماتحاولين اتيبين لج فلبينيه واااي علي نظافتهم عندنا 4 فلبينيات كل وحده اشطر من الثانيه
نظافه وذرابه وطباخ وغسيل

يعني صديقاتي اذا يوو بيتنا يقولون لي واي بيتكم يفتح النفس وخدمكم يفتحون النفس من النظافه والسنع

والله يعينج

 

["النووور"]

last woman
مشكوره حبيبتي ماقصرتي كفيتي ووفيتي

cat-girlq8
انا طالبه فليبنيه مشكوره حبيبتي

 

[كعبية]

والله استفدت من هالموضوع وخاصه العضوره last woman