لمن تزعلين عليه شنو تسوين ؟؟

[Daleela]

هلا فيكم

والله لا يجيب الزعل

 

[LATOFA]

رد : لمن تزعلين عليه شنو تسوين ؟؟

اذا كنتوا متزاعلين ليش تروحين الزواره ؟
ولا حتى تروحين حق اهلج
قضبي شقتج وقعدي لما تتراضون احسن . هذا رايي

ونصيحه ثانيه
لا تخلين ريلج زعلان يوم كامل او ينام وهو زعلان
حتى لو اهوا غلطان .. ما اقصد غلط بكرامتج او اهلج او احترامج .. يعني غلط شي عادي وطنقرتي
حاولي تفتحين الموضوع معاه بعد (جم ساعه )
وابدي بكلمه حبيبي او حياتي بعدين الموضوع اللي تبينه وطول ما انتي تتكلمين نزلي راسج لا تشوفينه
وخلج قاعده يمه بس مو لازقه فيه .. علشان يلمج ويقولج سامحيني
مو تروحين تقعدين اخر الصاله علشان لا يعصب اذا ماقدر يلمج وماتدرين وقتها ليش عصب عليج لووول
والله رياييل ماينعرف لهم
وخلج حتى وانتي زعلانه رومانسيه وانثى وتنقي الفاااااااااااااااااظج عدددددددددددددددددددددل
وانتي لامته قولي حبيبي انا ما احب المشاكل واتضايق لما تزعل مني واتضايق اكثر لما تقولي هالكلام ومابي شي يفرقنا
وبعدين استهبلي وعفسي حواجبج وخزيه على ضحك وقوليله لا تكررها .. عقبها ضحكي على طول لا يصدق انج مطنقره لول وتنقلب السالفه

وصدقيني اذا مشيتي على عالشي بكل هوشه عاديه .. راح يستانس وتكبرين بعينه ويدري انج تموتين عليه
واذا صارت هوشه ثانيه جايده وماراضيتيه اهوا بنفسه بيعتذر ويطلب تسامحينه لان يدري انج دايما تراضينه وهالمره ماراضيتيه لانج صج شايله بقلبج وزعلانه حيل وبيحس بتأنيب الضمير وبيحس بكل كلمه يقولها لج قبل لا يقولها
بس ترى بيطول علشان يحس بالتانيب طولوا بالكم جم ساعه على ما يتكرم ويعتذر لا تصيرون مطايير وثقلوا p;
وحتى لو ماراضاج بنفس اليوم .. لا تبخلين عليه ب ولا شي من حقوقه ترى والله غلط لا تردين غلطته بغلط انتي سويتيه انج ماعطيته حقوقه
عطيه كل اللي يبي بس بدون دلع وبدون غزل ونامي جنبه ولا جنه في شي بس خلج شوي ثقيله بزياده ان قال شي ابتسمي نص ابتسامه
وكلمه ورد غطاها
حسسيه انج متضايقه بس بركاده
بيني ان لج شخصيه قويه مو كل سالفه جايده تطوفينها هم بركاده مو بدفاشه
نبرتج صوتج ماتعلى عليه لو مهما صاااار ومهما سوى
لا تنسين مهما صار اهو الرجل وهو ولي امرج وانتي تحت شوره وكلمته هي الي تمشي
وانتي ماتقدرين تستغنين عنه بلا عياره بنات لول


جني هذرت واايد لووول
بس حسيت ان هالنصايح بتفيدكم نفس ماهي قاعده تفيدني ومابي ابخل عليكم :*

 

[DooLy88]

مو وايد اكبر السالفة
اذا شي يسوا اسكت عنه ليما يحس ان فيني شي
تالي يسألني بعدين يراضيني << اذا كان الغلط منه
وبعدين اناقشه بالموضوع عدل مدل

 

[كيكة الكرز]

انا يبين علي بسرعه