Turquoiseya
New member
السلام عليكم ورحمة الله وبركاته
اليوم بكتب لكم عن لعبة استمتعت وانا العبها ولا حسيت بالملل نهائيا
اللعبة تصنيفها اكشن فاحداثها متسلسلة ومافيها الغاز وترتكز بشكل كبير على التحدي
القصة تبدأ في مدينة منهاتن نيويورك لما يستيقظ آلكس مرسر ويكتشف انه داخل غرفة الجثث morgue (ما ادري شسمها بالعربي ) الخاصة بشركة جينتكس واللي تخصصها هو هندسة الجينات وهدفهم تطوير الجسد البشري لاهداف خاصة. عند استيقاظه دخل عليه جنود الشركة وحاولوا قتله لكنه استطاع الهرب منهم. آلكس يعاني من تشوش في الذاكرة واكتشف انه له قوة بامكانها تمتص وتتغذى عليهم وتزيد طاقته وايضا تستولي على ذاكرتهم واشكالهم. اما قوة الجسدية فهي كبيرة جدا ما ادري شلون اوصفها لكم مرة تتحول ايدينه الى اشواك قاتلة ومرة مثل الساطور الكبير بس على شكل مثلث وبضربة وحدة يقضي على دبابة كاملة. عنده قدرة طيران عجيبة حدها، وهو طاير فجاة تحسين قلبج طار معاه بسبب التاثيرات القوية والخيالية. غير لما يسقط على الارض يهز القاع كله. من خلال ابتلاع الناس تقدرين تتحولين على شكل الشخص اللي انبلع: سيدة رجال شرطي قوات خاصة
لعبت العطلة بشهر ستة واكثر شي كنت مركز عليه هو اغسل الوحوش والاوادم، اعداءج هم الناس اللي اصابهم الفيروس اللي صنعته الشركة والوحوش وجنود الشركة والشرطة.
طريقة اللعبة:
التحكم باللعبة واستخدام القوة المتعددة صعبة نوعا ما في البداية ، لكن في ما بعد راح تتأقلمين عليها.
الحين الشخصيات:
alex mercer :
الشخصية الرئيسية للعبة، اكتسب من الفيروس قوى خارقة، يحاول ربط ماضيه بالتهام ناس معينين كانوا متورطين في صنع الفايروس.
dana mercer:
اخت آلكس الصغرى، ما شافت اخوها من فترة وانصدمت لما التقت فيه وخصوصا انه اخبرها باللي صار له. ساعدت اخوها وجمعت له المعلومات عشان يربط ذاكرته بالاحداث اللي صارت له.
elizabith greene:
فتاة صغيرة عندها نفس قوة آلكس لكنها مشوشة اكثر. حبستها الشركة في المبنى لخطورتها. اكتشفها آلكس من خلال الذكريات اللي ابتلعها من الاشخاص وبدون قصد حررها آلكس. ولأنها فتاة كانت قادرة على صنع الاماكن ( الهايفز ) اللي منها يطلع الوحوش بلا نهاية وعرفت على انها الام للفايروس.
blackwatch:
مجموعة مسلحة وسرية تابعة للجيش، مدربة تدريب عالي على حالات الاشخاص المصابين بالفايروس، تخصصهم هو القتل حتى لو كلف حياة المدنيين ولا يوقفون عند اي حد للتعامل مع الخطر البيولوجي.
هذي اهم الشخصيات وفي شخصيات ثانية بس نوعا ما انا ناسية اساميها وبنفس الوقت تعتبر شخصيات ثانوية
طريقة اللعبة:
اول شي تلقين نفسج وسط الناس والشرطة كلهم يتذابحون وانتي معاهم وسط الزحمة لكن الفرق انه عندج كل قوتج وتقدين تحطمين اي شي تشوفينه من دبابات وهليكوبترات.
بعدين تبدأ القصة اللي قلت لكم عنها في البداية، طريقته في اكتساب القوة هو كل ما ذبحتي الشرطة والناس المصابين بالفايروس والوحوش كل ماصار عندج فلوس او نقاط تقدرين تشترين فيها قوى جديدة وتطورين فيها آلكس.
في اشياء واجد باللعبة بس مادري شقول وشنو أخلي من كثر ما اهي حلوة
هذي صور من اللعبة:
يذبح الاوادم المصابين بالفايروس
وبالصورتين يواجه البلاكووتش وجنودهم وبعض جنودهم المطورين بيلوجيا
وهني آلكس في المورغ او ثلاجة الموتى مادري شسمها بالعربي :dddds:
وهني تحصلين بعض القوى اللي تشترينها وبضربة وحدة تعطبين لج دبابة:
هني صور بعض الوحوش اللي اسمهم هانترز:
يتبع ....
اليوم بكتب لكم عن لعبة استمتعت وانا العبها ولا حسيت بالملل نهائيا
اللعبة تصنيفها اكشن فاحداثها متسلسلة ومافيها الغاز وترتكز بشكل كبير على التحدي
القصة تبدأ في مدينة منهاتن نيويورك لما يستيقظ آلكس مرسر ويكتشف انه داخل غرفة الجثث morgue (ما ادري شسمها بالعربي ) الخاصة بشركة جينتكس واللي تخصصها هو هندسة الجينات وهدفهم تطوير الجسد البشري لاهداف خاصة. عند استيقاظه دخل عليه جنود الشركة وحاولوا قتله لكنه استطاع الهرب منهم. آلكس يعاني من تشوش في الذاكرة واكتشف انه له قوة بامكانها تمتص وتتغذى عليهم وتزيد طاقته وايضا تستولي على ذاكرتهم واشكالهم. اما قوة الجسدية فهي كبيرة جدا ما ادري شلون اوصفها لكم مرة تتحول ايدينه الى اشواك قاتلة ومرة مثل الساطور الكبير بس على شكل مثلث وبضربة وحدة يقضي على دبابة كاملة. عنده قدرة طيران عجيبة حدها، وهو طاير فجاة تحسين قلبج طار معاه بسبب التاثيرات القوية والخيالية. غير لما يسقط على الارض يهز القاع كله. من خلال ابتلاع الناس تقدرين تتحولين على شكل الشخص اللي انبلع: سيدة رجال شرطي قوات خاصة
لعبت العطلة بشهر ستة واكثر شي كنت مركز عليه هو اغسل الوحوش والاوادم، اعداءج هم الناس اللي اصابهم الفيروس اللي صنعته الشركة والوحوش وجنود الشركة والشرطة.
طريقة اللعبة:
التحكم باللعبة واستخدام القوة المتعددة صعبة نوعا ما في البداية ، لكن في ما بعد راح تتأقلمين عليها.
الحين الشخصيات:
alex mercer :
الشخصية الرئيسية للعبة، اكتسب من الفيروس قوى خارقة، يحاول ربط ماضيه بالتهام ناس معينين كانوا متورطين في صنع الفايروس.
dana mercer:
اخت آلكس الصغرى، ما شافت اخوها من فترة وانصدمت لما التقت فيه وخصوصا انه اخبرها باللي صار له. ساعدت اخوها وجمعت له المعلومات عشان يربط ذاكرته بالاحداث اللي صارت له.
elizabith greene:
فتاة صغيرة عندها نفس قوة آلكس لكنها مشوشة اكثر. حبستها الشركة في المبنى لخطورتها. اكتشفها آلكس من خلال الذكريات اللي ابتلعها من الاشخاص وبدون قصد حررها آلكس. ولأنها فتاة كانت قادرة على صنع الاماكن ( الهايفز ) اللي منها يطلع الوحوش بلا نهاية وعرفت على انها الام للفايروس.
blackwatch:
مجموعة مسلحة وسرية تابعة للجيش، مدربة تدريب عالي على حالات الاشخاص المصابين بالفايروس، تخصصهم هو القتل حتى لو كلف حياة المدنيين ولا يوقفون عند اي حد للتعامل مع الخطر البيولوجي.
هذي اهم الشخصيات وفي شخصيات ثانية بس نوعا ما انا ناسية اساميها وبنفس الوقت تعتبر شخصيات ثانوية
طريقة اللعبة:
اول شي تلقين نفسج وسط الناس والشرطة كلهم يتذابحون وانتي معاهم وسط الزحمة لكن الفرق انه عندج كل قوتج وتقدين تحطمين اي شي تشوفينه من دبابات وهليكوبترات.
بعدين تبدأ القصة اللي قلت لكم عنها في البداية، طريقته في اكتساب القوة هو كل ما ذبحتي الشرطة والناس المصابين بالفايروس والوحوش كل ماصار عندج فلوس او نقاط تقدرين تشترين فيها قوى جديدة وتطورين فيها آلكس.
في اشياء واجد باللعبة بس مادري شقول وشنو أخلي من كثر ما اهي حلوة
هذي صور من اللعبة:
يذبح الاوادم المصابين بالفايروس
وبالصورتين يواجه البلاكووتش وجنودهم وبعض جنودهم المطورين بيلوجيا
وهني آلكس في المورغ او ثلاجة الموتى مادري شسمها بالعربي :dddds:
وهني تحصلين بعض القوى اللي تشترينها وبضربة وحدة تعطبين لج دبابة:
هني صور بعض الوحوش اللي اسمهم هانترز:
يتبع ....
,, اللعبه ذكرتني بلعبه العبها مع عمري 7 سنين :eh_s(6):
