والله يا الغاليه انتي شكلج وااايد قويه وهالشي في صالحج ...عندي بعض الملاحظات ويا ريت تتقبلينهم ...لما تقولين انه يسوي مشكله
لما تهادينه او يهاديج ..هالشي ما يسويه إلا شخصين : الرجل البخيل والرجل اللي عنده خرابيط ويحس بتأنيب الضمير
فإذا كان بخيل هذا زوجج وتحملي..والرجل اللي عنده خرابيط ردة فعله نوعين : يا يغرق زوجته بالهدايا علشان يخفف على ضميره يا يكون عصبي وما يبي يهاديها ولا تهاديه علشان ما يأنبه ضميره .
ثانيا دامه يبيج تكشفينه فخذي حذرج ترا هذا له دلالات مختلفه... يا يبيج تعيشين هالواقع وتتعايشيين معاه وفي شي جايد وما عاد عنده استطاعه انه يخشه بعد اليوم وما يبي يمثل ..رح يعيش حياته وانتي فالصوره أريحله.
أو الريال مل ويبي يفتك من هالخرابيط ويبي يحطج فالصوره علشان تكونين سبب في ترك هالامور
فكوني حذره وذكيه فالتعامل معاه ... وانا حاسه من تصرفات زوجج وطبيعته إن اللي في باله هو الدلاله الأولى يعني يبيج تكونين فالصوره ورح يسوي اللي يبيه...
ليش يا عمري تقولين إن انت معلمته الإسلوب!! ..وإن رح تواجهينه بكل برود!!......حتى لو كان هالشي صحيح فهالشي يمكن جزء من المشكله !!
يمكن زوجج يشوفج شي كبير وشخصيه وحلوه وهالشي ما يقدر يجاريه ! فتحسسينه انه اقل منج فلجأ للي يحسسونه انه اهو الافضل واللي كل الصفات الحلوه فيه!!
يا ربي موضوعج حده حساااااس والله يبيلج ناس متخصصين يقولون لج بالضبط شنو الخطوه الصحيحه فهالمرحله!!
بس نصيحه ...لا تواجهينه ببرود!! إنت قويه ما شاء الله عليج فخلج ذكيه ومثلي دور العاشقه ..هذي فرصتج انج ترجعينه لمملكتج
يعني حتى لما اكتشفتي خيانته رح تحسسينه انها ولا شي وعادي!! رح يموت قهر وإهانه إنه مو مهم!
لا ...خلج ذكيه أول خطوه ..تغيري وغيري اسلوبج وشخصيتج معاه حسسيه انج حبيبته واهو حبيبج ..طبعا عطيه سبب لهالتغير المفاجئ. مثلا قوليله إن زوج وحده رفيجتج توفى وهالشي أثر فيج وذكرج بالنعمه اللي انتي فيها وبحبج له وان الله لا يحرمني منك وجذي ... وابدي مرحلة التغير والعشق...وخذي وقت كافي وصبري وشوفي شنو رح يصير.
إذا هالشي ما ياب نتيجه ساعتها سوي عمرج أكتشفتي خرابيطه وطبعا إياج والبرود!! ترا انتي صرتي رومانسيه واهو شي مهم فحياتج
وهم مو بالعبط والصراااخ! باسلوب ذكي وراقي وفنفس الوقت اسلوب وحده تحب ومنصدمه فحبيبها
ويااارب يسخره لج ويسخرج له وترتاحون من كل هم وضيج...
