لما تزوجتي .. غيرتي خط تلفونج ؟؟

[انا لحبيبي .]

لا ما غيرته ،

 

[saro0ona]

انزين ما فكرتو شنو حكمة الريال لما اييب حق مرته موبايل يديد وياه خط ؟؟؟؟

احس موبايل كافي (جهاز) بعد خط شحقة ؟ اكيد عندها خط المره !

همممممم شرايكم فيني ?

 

[جنون الهوى]

انا ما غيرته للحين موجود
معجبني رقمي

مع انه حاول يشتري لي كتجديد​

 

[على الطيب تربيت]

انا اهلي قالوا غيريه يوم ملجت عشان انا بطبيعة عملي عندي جمهور من كل مكان طبعا حريم بس فكانوا يدقون بكل وقت يرسلون بكل وقت وكنت فاضيه لهم بس لمن ملجت قالوا اهلي غيريه الرجال مايحب جذي كل الناس تدق وعطيت رقمي لامي واستخدمته وخطي هذا لمن تزوجت بس لرفيجاتي حيل ولدوامي

 

[أسوول]

انا بغيررره بعطيه اخوي الصغير اهوا والاي فون

وبخليه هو يشتري لي لازم نخسر بوالشباب

 

[بسبوسة بالعسل]

لاوالله ماغيرته

 

[لـــوز]

واااااي انا قاعده انطر يقرب العرس واروح اطق لي بذاك الرقم اللي يجننن
ومميز وسبشل وكل شي
مو الخط اللي معاي كان لاختي ومطشر من امه / مافيه ولا رقم متشابه
وكل من ياخذ رقمي يقول ولا رقم هندي
ف ابي ابرد خاطري برقم ممممييييييز


وبعدي مستحيه يشوف رقمي مطشررر واتفشللل خخخخخ

 

[..~Goolz]

مو شرط لها سوابق
بس عشام ما تصر لها ازعاج من رفجاتها ومعارفها يباركون وجذي بداية الزواااج
فتطلع خط يديد لامها وخواتها فقط لشهر العسل
وبعضهم يستمر معاهم او ترجع لخطها القديم

 

[الجمووووح]

انا عن نفسي بغيره لاني انتقلت مرتين من مقر عملي

ورقمي عند الكل وهذا غير الجامعه وناس تدق علي من دول العالم

اغيره وارتاح

 

[جود المري]

أول ما تملكت سألتني وحده من البنات بتغيرين رقمك ؟؟!

قلت لا وليه أغيره قالت لا بس أسأل !!

يعني أتوقع إن الموضوع مجرد موضه

 

[Peony]

انا ماغيرت خطي وتزوجت وما غيرته
حرام خطي حلو والكل يعرفه ليش اغيره ؟!!!

 

[نـور الكويت]

انا زوجي الي غيره لي مايبي خطي القديم مادري ليش مارضى ..

 

[وردة^الكويت]

زوجي هو اللي غيره لي يبيلي رقم ذهبي ماكان عندي مشكله برقمي القديم

 

[متوترة]

اممممم
شوفي في بعض البنات تصير تعرف بنات وبينهم كراهيه ويعرفون رقمها

فتخاف انهم يضرونها او يوصلون رقمها ل شباب او تصير مشاكل ومصايب ببيتها وتفرح عدوتها

فتضطر انها تغيره وتعطيه اقليه من صديقاتها بس

بس انا عن نفسي ماغيرته ولا راح اغيره ..

 

[نحوله عسوله]

انا شرالي ريلي خط يديد بس خطي القديم عند بابااتي يستعمله

بس في بعض البنات يغيرونه ويحرقووونه بعد او يقولون ضاااع


فلم هندي

 

[ana mo ana]

رجلي شرا لي خط يهيبببببل وتشجعت اغيره ^_^

 

[روونــا]

بالعادده يكون هديه منه
بس لو هي مغيرته احس عادي خل تفتك من الغثا
صصارت مره خخخ

 

[قطوووة]

خوش ..

 

[فيلسوفة قلبي]

أنا غيرته لأن زوجي هدآني رقم يديد ..

ويبيني أكون نفس خطه و الشركة

بالرغم ما كنت أبي أغيره

 

[magnolia]

الصراحة كنت اعيب على اللي تتزوج و تغير خطها
يا مخربطة قبل الزواج و لا بتقطع علاقتها مع رفيجات السوء
و لا و تقولج اذا احد سال قوالي مادري



و كثرت ما عيبت الله بلاني

انا خطي كان زين كروت و نهبوني

توظفت خلال الملجة و قلت بحوله فواتير طلع الخط باسم اخوي و اهوا كان مسافر
و كنت ابي خدمة البي بي
رحت فيفا و فتحت خط ذهبي
و لغيت زين

بس الحمدلله هذا مو معناته اني كنت مخربطة