لماذا نعرض قدسية لفظ الجلالة للانتهاك ؟

[*E.B.D.A.3*]

يا حلوي وانا قاعده الصبح يوم اليمعه !!
هذا لو ايام الدوام جان انا بسابع نومة
ادش بالموضوع

بنات مثل مااحنا عارفين ،،
اكو دول تحط لفظ الجلالة على اعلامها
استعرض منها :

و

على قد ماترتاح قلوبنا لهالشي .. وتنشرح الصدور لمه نقراه
على قد ما هالشي بحد ذاته قاعد ينتهك قدسية لفظ الجلالة ..

تفضلوا :
الاخت مسويته باند على الراس ولفته على معصمها جنه اكسسواره :

لفظ الجلالة على كبوس مضحك !! :

لفظ الجلالة ومواكبة الموضه :\

لفظ الجلالة بحلجه !

طبعا هذا الظاهر ،،
لحد يقنعني ان ولا مرة هالاعلام ماطاحوا بالارض
مالعبوا فيهم اليهال
ما انداس عليهم بالغلط
ماحاشهم غبار وتآكلوا ..

السؤال الي يطرح نفسه ،
شلون نبي الغرب يحترم مقدساتنه وقت الي احنا قاعدين ننتهكها قبلهم واكثر منهم؟؟
ليش الجهل وصل فينا لدرجة ان بس همنا نحط لفظ الجلالة على اي مكان على اي صوب، بدون لا نراعي قدسية هذا اللفظ واحترامه ؟؟
مو بس قاعده اتكلم عن الاعلام اهني، حتى الملصقات الي فيها اسم نبينا واسم عائشة ..
يعورني قلبي لمه اشوف ان البوستر عفى عليه الدهر ولونه اجلح ونصه امقطع !!!
والا يكون ملزق على باب دورات المياه!!

كله كوم والحفلات الي يسوونها الروضة كوم ثاني، مثلا عن دول الخليج وتيي فقره دولة السعودية
واشلون اليهال بدون علم او درايه ، يقطون الاعلام ويدوسونها !!

يمكن انا مالوم الناس وايد .. لكن الوم المسؤول عن وضع لفظ الجلالة بهالشكل !!
بالله طلعلنا واحد سفيه ، وقاعد يدوس على علم السعودية والا قاعد يحرقه !!
شتسوى علينا الي عطينا مجال للسفهاء بتدنيس مقدساتنا جذي؟

انا اقترح وبشدة ،، ازالة لفظ الجلالة من على الاعلام
:eh_s(4):

 

[*E.B.D.A.3*]

اووباااا نزل موضوعي

 

[نجمة كويتية]

حبيبتي هذا علمهم يفتخرون فيه شنو ذنبهم اذا حطوه بحلوجهم الذنب ذنب الحكومة تقدر تمنعه من العلم نفسه وصورة الريال اللي حاطه بحلجه اعتقد مادرا عن العلم كثر ما هو محترق قلبه ع القوووول ( الهدف ) هههههههههههههههه

 

[نجمة كويتية]

اما اللي حاطته على معصمها او ع الراس ارد واقول هذا علمها تتباهى وتفتخر فيه تحطه ع الراس مثل ما احنا يالكويتيين نلبس علمنا بهلا فبراير او نرسمه ع ويوهنا

 

[نجمة كويتية]

بالعكس انا اشوف ما ففيه اي اشي انا قريت موضوعج توقعتج بتحطين الجواتي اللي مصنوعه من لفظ الجلالة وامنعتها البلدية او توقعت ان في عضوات يكتبونه بشكل مو حلو

 

[*E.B.D.A.3*]

تظل وجهة نظرج!
لكن مافكرتي اذا توصخ العلم ؟
مافكرتي اذا غبر وتقطع
مافكرتي لو طاح وانداس عليه؟

طبعا انا مالوم هالناس وهالشي ذكرته بموضوعي
لكن اعتب على الجهات المسؤولة!

 

[ذوق الرياض]

أعجبتني وجهة نظرك

 

[PuPa^^SWeeT]

صااجة


بالهدوم واباند هذا انتهاك

 

[Maybe_87]

بصراحة ما أييد لفظ الجلالة يكون بالأعلام
خصوصا إذا كان فيه حفلة غنائية ويايبين الأعلام ويرفرفونها
وبالنسبة لي بكروت الهدايا ما أحب اكتب لفظ الجلالة
مثلا الحمد لله على السلامة وجذي
لأني ما اعرف إذا اللي راح اهديها ما تقط الكرت

 

[متوفيه امس]

موضوع جميل ومهم
مشكورة

 

[سمسمة كويتية]

صح الاعلام خصوصا الورقية بالحفلات تنقط و تنداس
المفروض يحافظون على لفظ الجلالة من الامتهان
مشكورة حبيبتي

 

[manoooram]

اعتبره انتهاك وتعدي موبس لأنه علم ..
لأنه يحمل اسم الله سبحانه

 

[أم ريــــما 22]

والله ياقلبي ماب ايدنا شي الله يصلح الامه

 

[جنون الغيم]

من ناحيه الدوله ف السعوديه هي الدوله الوحيده اللي ماينكس علمها باي حال وذلك لوجود لفظ الجلاله يعني الحكومه ماخذه بالها من هذا الشيء
اما وجود الاعلام والمناسبات وخاصه حفلات اليوم الوطني معك حق لان الكل حامل العلم حتى الصغار ومو منتبهين للفظ الجلال
بس الحين فيه اعلام تكون بلون الاخضر والابيض والسيف بس بدون اللفظ افضل انها تستخدم ف الاحتفالات

 

[mf6nt el3lat]

ايه صح توني انتبه ، يمكن اول كان القصد من علم السعوديه او العراق الاشاره الى انها دوله اسلاميه لمن حطوه وما كان في بالهممم انه راااح ينتهك في الشكل لان الاعلام مصممه منذووو مبطي يعني قبل لا تطلع هالفنااااتق اللي يالييييت يمنعووونها،


ومشكوره *

 

[Patcholli]

مافكروا لو دوله حاقده عليهم حرقت العلم وداسته ..؟؟

 

[بدوردا الأموره]

بالنسبه للسعوديه نقاشوا هالموضوع قبل كم سنه و قالوا انهم بيسسون اعلام خاصه للتشجيع في الملاعب و لليوم الوطني يكون لونها اخضر وفيها سيف بس بدون قول الشهاده لكن الى الان ما تنفذت الفكره !!

 

[manoooram]

^
^
^
^

الفكرة حلوة

 

[Beyoncee]

يزاج الله خير على هالغيره على الدين
صج شي يعور القلب وما تقدرين تسوين شي
الدين بالقلب مو اعلام وصور