للي ولدت قيصريه ... ساعدوني :(

[بعد الصبر]

صباح الخير بنات

دكتورتي قررت لي عمليه قيصريه بعد اسبوعين تبي تولدني لان حالتي مافي حل غير العمليه
وهذا اول حمل لي

انا بديت افكر بالعمليه وبدا فيني الخوف

الله يرضى عليكم اشلون تصير العمليه ؟ بدخلوني العمليات وانا واعيه ؟ ومتى اقوم ؟ ابي الشعور بالضبط الله يرضى عليكم

طمنووووووووووووووني

 

[raneen]

رد : للي ولدت قيصريه ... ساعدوني

حبيبتي لاتخافين ولا شي لانربج رح يوقف معاج ان شاء الله ...
ورح تدخلين العمليات ورح يسالونج تبين بنج عام ولو نصفي ... اذا عام مرح تحسين نفسج الا انج قبل لاتنامين كنتي حامل ومن تقومين اتلاقين البيبي ابحظنج ... وبالنسبه للعوار فتختلف نسبته من وحده للثانيه...
وتقومين من البنج بعد ساعه اوساعه ونص مانيذاكره الوقت بالضبط....
والبنج النصفي رح اتكونين واعيه 100% بس ماتحسين من منطقة السره لين اخر ريولج ....
وتره ماتخوف والله فلاتحاتين...
وان شاءالله تولدين طبيعي قبل موعد العمليه ... والله يوقف معاج وخلي زيت زيتون واقري على بطنج وان شاء الله وشربي مي زمزم واقري على نفسج ولاتقطعين الامل برحمة ربج تره هو اللطيف,,,الكريم ,,هو الذي لا اله الا هو .... هو الذي اذا قال للشيء كن فيكون...
الله ابسهل امرج ويوقف معاج حبيبتي ...
وعذريني اذا قرقت عليج وايد وتقبلي مروري لج حبوبه...

 

[بعد الصبر]

رد : للي ولدت قيصريه ... ساعدوني

الله يرضى عليج اختي رنين ويسعدج وفيتي وكفيتي

أنا حامل بتوأم وبتولدني اول التاسع لاني حيييييييييييييييل تعبانه
يعني صعب الطبيعي خصوصا ان روس اليهال فوق ... وانا ابي بنج عام

انا كلش ما كنت حاطه في بالي خوف العمليه أبد .. وحتى الحين بس تييني افكار مادري اشلون


وابي شعور الي جربت القيصريه بالتفصيل

 

[Tom ♥ Jerry]

.


حبيبتي لا تحاتين بنت عمي سوتهآ > عشان مو رآضيه تطلق
و البيبي مآ يصير يتم آكثر من جذي في بطنهآ !
مر عليها 9 شهور و آكثر سوولها قيصريه مآ تحسين بولا شي ّ!
اصلا بنج كآمل يعني عمليه كآمله يعني مآ تحسين بشي

و الله يقومج بالسلامه و يرزقج الصحه و العافيه و البيبي الحلو (=

 

[بطة رشيقة]

حبيبتى الف لا باس عليج وربى يسهل عليج انا والده قصيريه من 4 سنين ونص بس اقولج ان العمليه الحمدلله سهله والدكتور قاللى ان مده العمليه 17 دقيقه بس انتى تتمين مبنجه لى ساعه او اكثر وتالى توعين انتى الحين ما راح تحسين بشى لانج مبنجه وعقب ما تقومين طبعا الالم بيخلف من وحده لى وحده انا كان اينى الم باسفل بطنى يعنى اكيد يعور بس ان شالله يوم عن يوم تحسين روحج احسن ... بس شوفى نصيحه من اخت لى اخت حبيبتى اختى اهم شى انج ما تخلين روحج عقب الولاده يعنى مو تقولين والده قيصريه وما ابى اتحرك كل ما قعدتى وربطتى روحج بالسرير راح تتشبنين يعنى انتى عقب ما تطلعين من الطبيب حاولى تمشين كل شوم شوى يعنى اول يوم خطوتين واليوم اللى وراه لفه بالصاله واليوم اللى وراه ويعنى يوم عن يوم والله راح تحسين روحج احسن وبعدين هالشى احسن لج عشان اسم الله عليج ما يصير تجلط بالريل
للا سمح الله وفى شى ثانى المره المره المره وايد زينه تاخذين مره تنقعينها وتحاولين تشمينها وتشربين منها شوى وتمسحين فيها على الجرح وااايد زينه وتنشف الجرح بسرعه .... ديرى بالج على روحج وان شالله ربى يسهل عليج ويرزقج الخير وتشوفين عييلج وتفرحين فيهم وابى منج شى اند تدعيلى بظهر الغيب ان ربى يرزقنى اخو حق ولدى وما يتركه وحيد ويكتب لى الحمل بالشهر هذا ان شالله ... ومشكوره حبيبتى واى شى تبين انا حاظر ...

 

[عوااار قلب]

رد : للي ولدت قيصريه ... ساعدوني

اسهل من القيصرية ماكو لاتحسين بشي ولا طلوق ولاتخافين على بطنج راح ترد نفس اول انشالله
الله يقومج بالسلامة انشالله

 

[بعد الصبر]

رد : للي ولدت قيصريه ... ساعدوني

توم وجيري يا حياتي ربي يبارك فيج ... ويسلمج ويسعدج على هالرد



اختي بطه رشيقه ردج يبرد القلب الله يريح بالج وقلبج يااااااااااااااااااااااارب
وفيتي وكفيتي وطمنيتيني الله يجزاج خير



عوار قلب ربي يفرح قلبج ويسعدج ... وربي يسلمج من كل شر


الله يرضى عليكم الي رديتوا علي:blueSmCLR:

 

[البخت ضايع]

العمليه سهالات وانا مجربه قيصريتين والحمدالله ...

 

[om-alljoory]

رد : للي ولدت قيصريه ... ساعدوني

لاتحاتين توكلي على الله
انا ببنتي قيصريه لانها على المقعده

 

[الله كرريم]

رد : للي ولدت قيصريه ... ساعدوني

احسن من الولادة الطبييعيه , ماتحسين باي شيئ والجرح اسبوعين ويطيب

 

[:: Diva ::]

سهالات لا تحاتين
الله يخفف عنج

 

[miss mama]

العملية مدتها نص ساعه ..

الاحساس انا اول مره ما خفت الصراحه لاني تعذبت وتعسرت ولادتي والطلق بهذلني يومين ليما قمت اترجا الدكتووور يشق بطني خخخخخخ :016:

ولادتي الثانيه قررت قيصريه لاني مابي امر بشعور الطلق مره ثانيه !! ومع ذلك كنت حييييييييييييييل خايفه واررررررررجف :eh_s(10):

بالنسبة لما تقومين من البنج عقب ما تخلص عمليتج بتحسين نفسج ثقيله ةفي شي يعووورج ( بطنج ) في الم طبعاااا بس الله يخلي المسكنات وبتحسين انه حلجج نااااااشف وفيج كحه قوية ( من البنج ترا ))) :lolo:

ومثل ما قالو البنات راح يخلونج توقفين وتمشين عقب العملية بيوم لازم تمشين حزتها بتحسين نفسج ما تقدرين توقفين سيده من العوار يعني بتمشين نص سيده هههههههه

وماراح يخلونج لا تاكلين ولاتشربين اي شي ممنوووووووووووووووووووووووووع !!
المهم لا تحاتين شي الحين كل شي سهالات من الله والقيصريه سهله ومافيها الا عيب واحد اهو عوار الجرح بس الحلو فيه انه عشرة ايام وتردين عاديه مافيج الا العافية:dfgl:
و الله يعينج على تربية التؤم (( ودعي النوم المريح ) خخ خخخخخخخخخخخخخخخخخخ اتغشمر معاج :eh_s(21):


الله يقومج بالسلامة ويفرحج بشوفة عيالج :aha:

لا تنسين عاد حزتها ردي وكتبين لنا قصة ولادتج بالتفصيل ..


اي ونصيحتي لج لما يجهزونج حق العملية (((((( طلبي منهم انه يحطون لج البربيش مال البوول - عزج الله - عقب ما يبنجونج )) لانه يعور صراحه

 

[miss-chocolate]

عادي انا ولدت قيصريه

بس انا دخلت على اساس ولاده طبيعيه

وعقب تدهورت حاله البيبي فحولوني قيصريه طبعا بنج كامل

عقب الولاده تصحين بس تحسين كأنه حلم انا قمت شفت بطني

بعده منتفخ سألت السستر انا ولدت؟

وعقبها ظليت يومين كل شي اشوفه كأنه حلم وما اتذكر منو زارني ومنو كلمني

 

[أم عبداللطيف]

الله يهون عليج يارب ويهون علي وعلى جميع بنات الحوامل

بخصوص العمليه لاتحاتيييين وان شاء الله بأذن الله طبيعي ماتدرين على كتبت ربج شنو تكون

وانا مجربه العمليه في بنتي اول ياهل وطولت وسبحان الله ما فتحت ومع تحمايل ودنيا ولا اكو شي وكملت شهري كامل واخر شئ تعبت وتعبت بنتي بعديين قال الدكتور نحولها عمليه

حولوني عمليه وانا سبحااان الله ياني شعور برود معنى ريلي وامي وخالتي واختي حواليني ويبجون لما شافوا حالتي تعبت بس انا صبورة واتحمل واسكت ما ابين اللي فيني على العموم دخلوني غرفه العمليات وانا شوي رهبه وخوف بس صابره وساكتة واشوفهم يحوسون وكل شئ اخضر بس لما ياني الدكتور مسك ايدي وحس اني خايفه على طول حطولي الكمام عديت يعني جذي ل 5 ونمت وماحسيت بشي الا لما قمت وجست بطني واحس اخر بطني شئ منشبن من عقب العملية ودريت عقبها اني ولدت بالسلامة وعقبها ودوني غرفتي وانا منهلكة ودايخه عقب البنج وكل ساع انام لانه بصراحه مال دار الشفاء قوي بنجهم تدوخين لمدة يوميييين تعبت منه

وبس من تطلعييين من العمليه على طول حيلج بالشم من المره وشربي شوي منها وحدة بوحدة وكل يوم شمي وشربي شوي ودهني على الجرح من يفجه لج سبحان الله بسرعه يلتم ولا يلتهب والله الحافظ

وطبعا لا يخفى عليج عواار لازم عقب العمليه بس فعلاً مثل ما قالوا البنات امشي عششان بطنج لا ينشبن ويصير عادي عندج وتاخذين على الوضع

بس والله لاتحاتييين كل شئ سهالات ان شاء الله ووايد اشياء تكون صعبه بس ربج يسهلها بس ادعي ربج وامشي على الله تولدييين طبيعي

أسفه على الاطاله واي شي تبينه انا حاضرة