للي مدخلين عبالهم روضه خاصه..ليش مو حكومه؟؟

[sugar & spice]

شلونكم بنات..اتمنى تفيدوني..تدرون تسجيل روضه والمدارس وانا حايسه ما ادري وين اودي بنتي خاصه اني انا اللي بقطها من الصبح..وانا متردده حكومه والا خاص وليش؟؟
نصايحكم الله يعافيكم

 

[مارون جلاسيه]

نصيحة خاص علشان تتاسس عدل قبل الأبتدائي لان الحكومة مايعلمون شي بس حفلات وخرابيط أم الخاص يعلمونهم و يأسسون عدل واذا تبين اي سؤال انا حاضر

 

[sarah125]

بالفعل حبيبتي الخاص يهيء الطفل لمرحلة الابتدائي اما العام فمثل ماقالت الاخت ماعندهم غير الدق والرقص..انا نفس حالتج وفريت وايد مدارس واخير استقريت على كمبريدج حولي.

 

[حضاره]

مايبيله اختي عشان الطفل يتأسس عدل موحرام يقعد بالحكومه سنتين يغني ويرقص ويغيب ؟؟؟

بيقضي سنتين بالخاص يتعلم وتتفتح مداركه ويستفيد وبتشوفين بعينج النتيجه ان شاءالله والله يوفقج

 

[كوكو لاتي]

انا ولدي كي جي 1 بالتكامل العالميه بصراحه انا دخلته عشان اللغه الانجليزيه ابيه يكون فلته واحس ان الخاص تصقل شخصية الطفل مو بس دراسه وبصراحه انا مو ناويه اطلعه وانشاله اخليه يكمل حتى الابتدائي والمتوسط بس صج بالانجلش فرق معااااي حييييل وهذا توه بكي جي

الحمدالله

 

[حامل يديدة]

لهدالدرجة الحكومة مو شي!!!


زوجي مو راضي بالخاص ابداااا>>>>>>>>شسوي؟؟؟؟؟؟؟

 

[بناتي حياتي]

من غير تفكير الخاااااااااااااااااااص طبعآ

اذا تبين تأسيس باللغه والشخصيه والتهيأ للابتدائي والتزام طبعا خاص

اذا تبين غناوي ولعب ويوم يداوم و10 يغيب وعادي عندهم طبعا حكومه

واذا على زوجج قنعيه قوليله كلها سنتين وعلشان مصلحة بنيتكم عسى الله يحفظها لكم صدقيني انا عندي بنتين الله يخليهم لي تخرجوا من الروضه يعرفون يكتبون ويقرون بالانجليزي وتاسسوا عربي للابتدائي

نصيحه حرام تدخلينها حكومه بتضيعن هالسنتين باللعب والغناوي

 

[حرم_طيار]

وين الحكومه وين الخاص فرق بين السما و الارض

 

[شواهد]

هلا والله وحياج الله
وربي يخلي لج بنوتج يارب
لاتعليق لان نفس كلام خوات ربي يصونهم
الخاااااااااااااااااااااااااااااص
الخاااااااااااص الخااااااااص
لان الله يرحم الحكومه خلاص والله يعينا علي الخاص بس ماهي ندامه ..علي الخاص
نصيحه دخليها خاص
وربي يوفقج وفق جميع يااااارب
وي شي تبين هلا فيج.
سلام عليكم

 

[كويتيه ذربه]

بدون تفكير الخاص وانتي مطمئنه
نفس ماقالوا البنات خلج عالخاص

 

[سفرجل]

انا دخلت ولدي الحكومه وتحسسسسسسسسسسسفت واااااااااااااااااااااااااااااااااااااااااااااااااايد مو اشويه
وحتى ريلي تحسف مع انه رافض فكره الخاص
والحين قررنا ان شاءالله حق بنتي بدخلها خاص بس الروضه
وماادري وين اوديها ومحتاره بين التكامل والبلي قرووب بالسلوى

 

[ام دودو المزيونه]

حبيبتي بالنسبه لي جربت التعامل بالخاص فرق عن الحكومة طريقة تعاملهم مع الياهل واهتمامهم ونضباطهم وظروفي كوني الي اودي للمدارس واخذ اخر الدوام ما يناسبني غير الخاصه الحكومه دوامهم 8 للساعة12و15 دقيقة يطلعون اليهال عكس الخاص فيه مناوبه من الصبح تاخذ الياهل من باب السياره وتتأكد انه دخل وبنهاية الدوام للساعة 2 اقدر اخليها بدون لا احاتي منو اييبها
اختي يوم بنتها بالحكومة تلعوزت معاها منو يودي ومنو ييب بنتها امبجر ومسئولها مو راضي كل يوم تطلع علي ال12 وحتي تضايقة من تعامل المدرسات تقول نفس خايسة ومرتين تلقي بنتها اموسخه عمرها بالسروال تقول ان بنتها مستحية جدام الصبيان تقول ابي الحمام كانت بأول روضة ويوم كلمت الأدارة قالوا لها المفروض بنتج تدخل الحمام ابروحها وتعتمد علي عمرها لأن الفراشه مو فاضيه حق كل ياهل
بس شهر طلعتها وودتها الخاص تقول فعلا حسيت بفرق
بالنسبه لي ما يبيله كلام ولدي بدخله خاص احتمال بلي غروب مثل اخته امان اكثر وتعامل راقي وتعليم ممتاز

 

[ام ريان3]

انا معاكم بدخل بنتي خاص والابتداء احولها

 

[حرم سي السيد]

من صجج خاص بدون تردد

حرام تضيع سنتين من عمر عيالنا عاللاقل يتأسسون عدل

 

[الأصيله]

اهم شئ التاسيس خاصه وانت مغمضة والله الابو ماهو قاعد معاه ولا بيدرس كل علي الام خااااااااااااصه وبس

 

[يمة يادلبي]

دششيها خاص وانتي مغمضة

 

[دمثة]

الاهتمام اهم شي

 

[om deaj]

واي ضيقتو خلقي

يوم كلمت اخصائية نفسية>> مرت رفيج ريلي قالتلي دخليه حكومة لانه هذي المرحلة الوحيدة بحياته راح يستانس فيها وخليه يعيش كل لحظة فيها ولا تحرمينه منها

بيني وبينكم ولدي مو ذاك الزود بالطلعات بس الالعاب ترس البيت طبعا

وانا من النوع الي شديد وراح اتابعه بالابتدائي

 

[ام _خلودي]

الطفل بهالعمر يبي من يوجهه ويستغل قدراته الذهنيه

ووسع مدراكه حرام هالفتره المهمه من عمر الطفل تضيع

بلعب ورقص وعلى فكره هم بالخاص بهالفتره يراعون انه ياهل

ويحتاج للعب فطريقه التدريس تكون جد مشوقه وتعتمد على الالعاب

التعليميه وراح تشوفين بعينج شلون ولدج يلعب ويستانس ويحب قومة المدرسه

وبنفس الوقت سلوكه ينضبط ويتعلم شنو تبين اكثر من جذى