للي متزوج زوجها عليها

[الحلا و الزين]

أنا زوجي تزوج علي بس الحمدلله عطاني رضوتي و ماع هذا خايفه لاا للحين بس ملجه الله يستر اذا جاء العرس لايقلب علي ويطنشني و يحبها

 

[قطوة@@]

الله يعينج ويهديه

 

[** رش رش **]

الله يعينج و يفرج عنج همج يا رب

 

[الـفـجـر الـبـعـيـد]

بما انج تطلقتي وباعج برخيص انتي وعيالج ولا سأل فيج

طنشيييييييه وبيعيه ولا تردين عليه وروحي لمحامي شااااااطر

خليه يدفعه النفقه والخدامه والسايق والسكن من عيووونه

نتفيه خليه يتحسف على زواجه ولا يقدر يتحمل مصاريف بيته وعياله

 

[منال $]

بما انه هيك عمل معك وما في ترااااجع ابدا
عيشي حياتك حتى لو بدك تضلي على ذمتة
اهتمي وفكري بنفسك واولادك وببتك
واشغلي نفسك باي شي

والله يصبرك يارب

 

[Roty]

الله يصبر قلبج

انا مع فوفو وبنت شتره

 

[Kocheko]

عادي جدا بيقولوج حلال والشرع حلل اربع وانتي لازم ترضينه وتفرحين وتسوين ليله حمرا وخضرا

ظل راجل ولا ظل حيطه اهو يستانس وانتي عيشي بقهر ..انتي لازم تدورين حبه وانتي قلبج للجحيم عادي!!

حبيبتي تبين الصج وكلام الواقع

انه راي مثل راي كلي دلع..

والله ما عاش ولا انخلق اللي يذلج ويقهرج انتي عزيزه وبتمين طول عمرج عزيزه

حذفيه وانتي راسج مرفوع

مو من الشهامه ولا المروءه ولا الرجوله ان الوحده بعد هالعشره والعمر والكفاح بالحياة الزوجيه بحلوها ومرها

يعاملها بهالطريقه القاسيه ويتزوج عليها

كلامه لايهز فيج شعره العيب طلع منه مو منج

والنقص فيه وفي اللي بياخذها بعد!!

انتي الحمدلله ما عليج قاصر خذيتي واحد شاب لج بروحج وعشتي معاه احلى سنين شبابه كنتي فرحته وحبه

الثانيه توها بكر وماخذه واحد متزوج كبير بوعيال ..انسان شبعان وعايش حياته اهي مجرد نزوه وزياده عدد

انتي عشتي حياة المتزوجين بخصوصيه وراحه واستمتعتي واهي بدايه حياتها مسؤليه وعنده زوجه وبيت واعيال!!

انتي الأولى وراس المال وام العيال والثانيه حتى عقد زواجها مكتوب فيه متزوج انتي حقيقه وواقع بحياتها...

يعني اهي المفروض تغار منج مو انتي ...اهو واهي النقص فيهم مو انتي..

اللي باعج بيعيه ولا تبجين عليه وربج معاج ما ينسى المظلوم وراح ياخذ حقج منه والقانون والدين بصفج

انه مو مع اللي يقولون اشتري بيتج واعيالج لا والله اشتري راحتج و اعيالج

اذا اهو ما قدر ولا حافظ على الحياة الزوجيه ورخص فيها ليش تدوسين على نفسج وتحافظين عليها

ليش تتحملين الألم والقهر والغيره اذا انتي مو قادره ان الله لايكلف نفسا الا وسعها

واعيالج بيعشون بحظنج وبيوفر لج سكن ومصروف ونفقات توصل لي عندج لأن حتى زواج الأب مؤلم نفسيا للأطفال ويكسرهم مثل ما يكسر امهم بعد..وشوفيه اشلون وقتها اذا انتهت نشوته بزواجه
الثاني مثل اي شي يديد يمل منه..وقتها اشلون راح يدورج ويفقدج ومستعد يسوي المستحيل عشان ترجعيله الريال ما ينسى اول مره حبها وتزوجها وعاشرها انتي بالنسبه له غير..

يهددج ويخوفج من الطلاق يقولوج انتي الخسرانه لأن متاكد محد غيره الخسران!!

حسبي الله ونعم الوكيل انه استغرب فعلا من اللي ترضى تتزوج واحد متزوج ..الريال عمره ماراح يفهم مشاعر المراه

بس المراه تحس وتفهم شنو يعني الريال يتزوج على مرته عادي عندها المره العيال يتالمون ما يهمها احد!!

قالت كل اللى فقلبى

 

[هـــنـــاء]

آسفة بس بعض العضوات لا تعطون نصايح بالطريقة هاذي

شنو ذنب عيالج يتعقدون نفسياً زياده بعد .. خلاص لا تهتمين فيه أحسن انا معاج بس تطلقين أنا ضد هالشي

 

[الحلا و الزين]

انا من رايي اختي انج تقعدين على جبودهم و طلبي نفقه و أنتيي على ذمته و خليه صدقني في نهاية بيجيج يبجي و الله يعينج و يعيني و يصبر قلوبنا

 

[صادقة بكلمتي]

حبيبتي اللي تنصحها تتطلق ترا كل حرف تكتبونه يتسجل بصحيفه اعمالكم عند الله الله يهديكم و ترا اللي تطلق بدون سبب عليها لعنه من الله ولا تشم ريح الجنه يعني ظلمج وتزوج عليج اعتبريه امتحان من الله صبرتي عليه اكيد بياجرج عليى صبرج وبعوضج خير وان كان الظلم محكم عليج انتي لا حول لكي ولا قوة استخيري وتوكلي على الله والخيرة فيما يختاره الله لكن نامي مظلومة ولا تنامين ظالمة واهو الله يدري بظلمه لج وحسابه عند ربه واسال اللي ما تنام عينه انه يمسح على قلبج ويوفقج ويرزقج من حيث لا تحتسبين

 

[دلوعة الحلوين]

الله ياجرج بمصيبتج ما ودي اقول شي يدمر حياتج بس واحد مثل هذا ما حفظ العشره ما يستاهل تفكرين فيه والبكر الي فرحان فيها لو تفكرين فيها عدل بتقدرين اتكرهينه فيه والمثل يقول رضينا بالبين والبين ما رضا فينا والعمر كله ساعه ماتسوى اعيشه بنكد يا اعيش مرتاحه ولا طز بالعيشه معاك

 

[RO0O7Y KUWAITYA]

حسبي الله ونعم الوكيل عليه وع الي مثله
الله ع الظالم)؛؛؛ لاتبينين ضعفج او حاجتج له
شنو حاولي تكسبين شايف نفسه امير زمااانه
ع قولة وحده من البنات ارفسسسسسسيه ولا عليه حسوفه دام هذا كلامه

 

[اميره1980]

اذا عندي منه عيال اصبر علشانهم و اعامله معامله عادية مو مثل قبل
بس اذا ما عندي منه اشووووووووووووووووووووووووووووووته و فرقاه عيد

 

[بسمةجود]

عجيبة الي تقول طلاق من غير سبب الظلم والاهانه وعدم النفقة وحرمني من بيت العمر وضعف شخصيته جدام اهله كلها اسباب بس انا كنت متحمله لما كان لي بروحي قلت يمكن مع الزمن يتبدل لكن بعد كل هالصبر يتزوج علي وبدال لا يصبرني ويرضيني يهيني ويذلني عشان وحده للحين ماعرف خيرها من شرها كاهو الحين عنزها ماسال حتى عن عياله ولا قط عليهم دينار مع يدري اني ماني موضفه واستقلت من الوظيفة عشان ارضيه مع ذللك عمرة مارضا
انا فعلا افكر بمصير عيالي وهذا شي مضايقني بس يليته اهو فكر بعد على القل مصرفهم خمسين الحكومة هذي حقتهم مايمن عليهم فيها تزوجت حافي منتف لما طلعل ريش اول شي فكر فيه الزواج وياليته قال انتي مافيج شي بس انا من حقي اتزوج لا طلع فيني عيوب الدنيا عشان يبررحق نفسه انه من حقة يتزوج بس ربي يصبرني على تربية الخمسة اللي عندي ويصلحهم ويعوضن خير حسبي الله فيه وفي اهله اللي مافيهم واحد فيه خير

 

[بلاك اوركيد]

ياعمري والله يابسمة جود الله يعوض صبرج خير ويخلية يعرف قديرج لما يجرب غيرج
والله يصلح لج الحال
ان الله قادر على كل شئ

 

[القلب الطيب]

الله يعينج

 

[Beyoncee]

حبيبتي الله يعينج ويبرد قلبج
الحمد لله على كل حال
انتبهي لنفسج والله محد يستاهل تحرقين دمج عليه
الله بيعوضج بعيالج

 

[~*~الملكة~*~]

حبيبتي مافكرتي بعيالج !!!

ليش طلبتي الطلاق

ليش تنازلتي عنه انتي زوجته الاولى وام عياله وفرحته الاولي


خلج على ذمته مهما كان بوعيالج وعيالج محتاجين ابوهم انتي ماتكفين لهم

الحين تطلقتي اهلج واللي حواليج بس اول شي معاج بعدين كل من بيلهى بعمره وبينسونج

انتي اللي راح تتعبين بروحج وراح تشيلين الهم بروحج

اسمحيلي انتي انانيه مافكرتي بهاليهال حرام تشتينهم وتضيعينهم وتخلينهم

يسمعون كلام عن ابوهم يسم البدن

لاتحرمينهم من عزوتهم بالدنيا هذا ابوهم

نصيحتي لج ردي لبيتج ولزوجج

ومالج شغل بالنصايح الهدامه

يعني انتي ماراح تعيشين حياتج الا اذا تطلقتي غلطاااااااااااااانه ثم غلطانه ثم غلطانه

عيشي حياتج وانتي معاه ومع عيالج

ماكو وحده ترضا زوجها يتزوج عليها بس اللي صار صار ولازم تحلين امورج بحكمه

لاتتركين زوجج لها ردي لزوجج وردي عياله له وعيشي ملكة بيتج معززه مكرمه

والله الكل فتره بيهتم فيج وتالي ينسووووووونج وبيلهون بحياتهم

 

[NOOOR]

الله يبرد على قلبك هدي نفسك علشان أولادك مابعد المحنه الامنحه والله معك. وخليك قويه الله هو الرازق مو زوجك والله يفرج همك ويسخره لك ولاولادك امين

 

[صادقة بكلمتي]

عجيبة الي تقول طلاق من غير سبب الظلم والاهانه وعدم النفقة وحرمني من بيت العمر وضعف شخصيته جدام اهله كلها اسباب بس انا كنت متحمله لما كان لي بروحي قلت يمكن مع الزمن يتبدل لكن بعد كل هالصبر يتزوج علي وبدال لا يصبرني ويرضيني يهيني ويذلني عشان وحده للحين ماعرف خيرها من شرها كاهو الحين عنزها ماسال حتى عن عياله ولا قط عليهم دينار مع يدري اني ماني موضفه واستقلت من الوظيفة عشان ارضيه مع ذللك عمرة مارضا
انا فعلا افكر بمصير عيالي وهذا شي مضايقني بس يليته اهو فكر بعد على القل مصرفهم خمسين الحكومة هذي حقتهم مايمن عليهم فيها تزوجت حافي منتف لما طلعل ريش اول شي فكر فيه الزواج وياليته قال انتي مافيج شي بس انا من حقي اتزوج لا طلع فيني عيوب الدنيا عشان يبررحق نفسه انه من حقة يتزوج بس ربي يصبرني على تربية الخمسة اللي عندي ويصلحهم ويعوضن خير حسبي الله فيه وفي اهله اللي مافيهم واحد فيه خير

حبيبتي انتي طلبتي النصيحه وكل وحده بدش تتكلم من ضميرها او موقف بحياتها او عواطفها لكن الامر كله انتي ابخص واعلم فيه انا عن نفسي نصحتي قبل بما يرضي ضميري وربي ولا اقبل اني اكون اداة تهدمين فيها حياج انا قلتلج حاولي معاه ما تدرين يمكن يسخره لج ربج لكن ان انتي مصممة بداخلج على الطلاق وشايفه ما منه رجاوحياتج من اسوء لاسوء كلميه بالحسنى على نفقتكم ان ماكو مجال هذي حياتج استخيري ولا تنطرين احد يشجعج على الطلاق اخذي القرار بروحج وفكري فيه من كل الجوانب ولا تنسين عيالج مو معنى كلامي انج تظلمين نفسج لكن اهم بعد لهم حق وبياثر عليهم وحقهم من ابوهم طيب غصب لازم ياخذونه الله امره دام قرر يكون اب يتحمل مصرفهم ورعايتهم والله يكون بعونج وبعونهم ولا تنسين كما تدين تدان والله ان لج حق معاه بياخذه لج عاجلا او اجلا