للي سبق وعالج بالخارج او يعرفله احد يدش

[غـــــنـــــى الـــــروح]

السلام عليكم بنات
احنا نسمع ان في ناس كثير سافرت بره اتعالج للحمل وماشالله ردوا الكويت ومعاهم عيالهم على الرغم انهم ماصارلهم مدة برة مع انهم سنين متزوجين وما حصل حمل
انا ابسأل وين أحسن للعلاج امريكا والا لندن والا بلجيكا لأني اسمع اشكثر يمدحون امريكا بس انا احس ان العيشة فيها صعبة.
والله يرزقنا أجمعين

 

[أحلى عيون]

اختي الغاليه ربي يرزقك ان شاء الله الحمل عاجلاا غير اجل

انا بصراحه ما طلعت عن الدول العربيه انا ولله الحمد عالجت في الاردن عند زيد الكيلاني وربي رزقني بولدي ربي يخليه لي والحمدلله وانا انصحج فيه

 

[ام يوسف القمر]

والله انا رحت لندن لندن صارت تجارية حيل وماانصحج كلة على حسابي

يمدحون بلجيكا مع الله سبحانة وتعالى

 

[غـــــنـــــى الـــــروح]

مشكورة اختي احلى عيون والله يخليلج ولدج ويرزقج اخوان له انشالله.
اختي يارب ارزقني بطفل ادري لندن الحين مايمدحونها و بلجيكا يمدحونها للي زوجها فيه ضعف مشكورة حبيبتي والله ينولج اللي في بالج انشالله.

 

[أسيل]

حبيبتي توكلي على الله وروحي بلجيكا لأنها تنفع لعلاج العقم لطرفين سواء الزوجه او الزوج وانا مرجبتها شخصيا والحمدلله الله رزقني والفال لج ولكل البنات

 

[غـــــنـــــى الـــــروح]

مشكورة حبيبتي أسيل

 

[بلووو]

يمدحون بلجيكا

ويمدحون مصر


ان شاء الله اذا الله كتب بروح مصر مركز ابوالغار للعقم سوي بحث عنه في النت وبتشوفين شكثر يمدحونه

وان شاء الله نحمل قبل يارب

 

[Amory]

انا رحت بلجيكا وما ارتحت لعلاجهم ابد لأسباب وايده.

عن نفسي الحين ودي اتعالج يا بلندن يا بأمريكا

 

[غـــــنـــــى الـــــروح]

مشكورة اختي بلووو واختي Amory انا انشالله راح اروح امريكا وانشالله الله يرزقنا أجمعين بالذرية الصالحة:yaaaaaarb:

 

[عسووله]

بنات انا رحت لندن وصراحه العلاج اي شى لان الدكتور ما عطى زوجي ولا شي لا فيتامينات ولا ابر ولا هيئه للعمليه على طول سواها ولاطلعنا بنتيجه عموما الله يسامحه حولنا على د. مسالك بوليه وانتو بكرامه وهناك بنفسه الدكتور حولنا على أمريكا وهذا اكبر اثبات ان امريكا تقنياتهم وتطورهم بالعلاج افضل والله يوفق الجميع واعولي بليز بنات وانشاء الله ياربي يفرجها على الجميع يااااااارب

 

[حلم الأمومة]

ماعندي فكره ........... بس العالم تمدح بلجيكا ؟؟ بس امريكاااااااا ياليت لو البنات يفيدونا

 

[باقة ورد]

مساء الخير كلكم...
حبيبتي amory ممكن نعرف ليش ما ارتحتي من العلاج في بلجيكا ..مع ن الاكثرية يمدحونهم
يار ريت تفيدينا بتجربتج.....شكرا

 

[حلم الأمومة]

amory .................. دزيت لج بعد عمري رسالة على الخاص .. ناااااطره ردج ؟؟