للي سافروا ماليزيا من قبل منو جربت تسكن بأفامووسا ؟؟؟؟؟؟؟؟؟

[شواآاقه]

زوجي وايد إمدحوا له ربعه إنه نقعد ليلتين في فيلا بمنتجع أفاموسا
بس أنا وايد قريت مواضيع بالنت إنها ماتسوى

عفيه قبل لانحجز ابي نصايحكم *_*​

 

[سبكهاوا]

ياليت لو اقدر اساااعدج بس للاسف مارحت له

 

[شواآاقه]

مشكوره عالرد حبيبتي
إن شاءالله أحد يفيدني والله قاعده انطر على ناااااااااااااار *_*

 

[Goss!p G!rl]

والله وناسه انا رحت مع مع اهلي امي وابوي واستانست
انتي مع ريلج من امه راح تستانسون
الحوض مصكر مع الفيلا
عادي قطي حجابج وتسبحي
اصلا المكان هادي لما احنا رحنا ما كان اكو احد فقطينا حجابتنا وتسبحنا بس عادي ابوي زفنا اول يوم بس لما شاف الوضع تمام قال كيفكم
وعندهم عروض يعني طول الليل عندهم عروض وجذي
والصبح رحنا بعد شفنا عروض
المكان يهبل روعة
وعندهم مطاعم حلوه انا ما ذقت كل المطاعم بس ظلينا ليلتين
بس كليت من الايطالي البيتزا لذيذة

 

[شواآاقه]

أشوااااااااااا طمنتيني الله يطمنج ميس زرافه
انا رايحه مع ريلي وبنتي وولدي صغار
وأول مره نسافر
ماكنت أبي أتوهق >_<

 

[Goss!p G!rl]

لا وناسه انشاءلله راح تستانسون وايد

 

[شواآاقه]

إن شاءالله
الله يسمع منج ^_^

 

[أميرة طفولتي]

حبيبتي روحيييييييييها وانتي مغمضه وااااااااااااايد حلوه قعدت فيها اربع ايام ليلتين بمنتجع وليلتين بهولداي ان وناسه وناااااسه والسوق مووووووصج احلى من كوالالمبور راح تستانسين

 

[sweetkoko]

بالعكس افاموسا تعتبر مدينه كامله فيها ملاعب وتجديف واكوابارك وسفاري وسيارات غولف فيها رمي وركوب خيل فيها ركوب طياره هوائية وااايد انشطه عروض وكرنفال ليلي فيها مدن كوبوي الحي الصيني وفيها مدينة والت ديزني واستيديو هوليود فيها عربات اوروبيه مدينة ملاهي تمشي وااايد سوالف والفلل حلوه ولها خصوصيتها وفيها مسبح خاص والفندق هم حلو والخضره حواليج وبره المدينة او المنتجع سوقة ومطاعم بس شوي الشوارع قديمه بالمنطقة بس كل المطاعم بره حواليج بيتزا هت كنتاكي ووايد مطاعم بعد عندج الدكاكين والمحلات سوالف تلقط وفي كذا مجمع حلو واسعارهم نفس كوالا علي فكره هو يبعد عن كوالالمبور حوالي ساعه بالتكسي يعني تقدرين تروحينه رحلة من العاصمه والله المشكله الوحيده ان افاموزا شوي الرطوبه عاليه عندهم والله يوفقكم انشاالله بالسفره

 

[q8 sun]

اي و الله حتى انا ودي أعرف

 

[عذوب الشمال]

واللللله بصرااااااااااااااااااااااااااااااحه انا رحتلها تلوووع االجبد كنا حاااجزييين 3 اياام رحنا ساعتييين وردينا كوالالمبووور كلهاا بق وتضييييق الخلللق ومااافي حررركه وحرر ومااافي مطاااعم كلللش كلها المطاااعم حراااام كلش كلش مو حلوه والله انا هذي وجهة نظري روحيي جنتنق او جزيييره وبحر احلى بالصيف البحر ينن افاموووسا حرررمووووووت وحدها صخههه

 

[@الليدي لين@]

انا رحلتها من الصبح لي المغرب جذي وماحجزنا فيها ليله

بس اذا سفرتج طويله ميخالف قعدي فيها ليله والا ليلتين اما اذا سفرتج مو طويله حرام تقعدين فيها

اهي حلوه حق يوم بسس راح ادورينها كلها وتلعبين وتخلص

 

[1-2-3-4-5-6]

الى قريته بمنتدى ثانى انه ماتسوي تنامين صج اهيا حلوه بس مشكلة فنادقها حشرات وزهيويه

 

[bent_elnuor]

كلام أختي عذوب الشمال صحيح 100%

انا رحت لها بتاريخ 28/5/2009
كنا حاجزين من الكويت كل شي
رحت لأفوموزا كنا حاجزين شالية ( فيلا + حمام سباحه)
في الصباح تسبحنا وكل شي ok يوم جا بالليل الا 3 خفافيش داخل الفيلا
والله لا يوريك ذاك الليله ما نمنا اتصلنا على الفندق اللي الشالية تابع له وبعد ربع ساعه
ارسلوا لنا سياره اخذنا اغراضنا وانحشنا للفندق
الأكل يا عزيزتي راح تتعذبين هناك لان اكلهم ماصخ ويلوع الكبد
وزحمه وازعاج ورطوبه

والله يستر عليكم يا عزيزتي ​

 

[شواآاقه]

مشكورين كلكم عالنصيحه الصراحه رحنا مكتب ثاني نحجز مامدحها لنا كلش وكنسلنا الفيلا قلنا راح نزورها بس إن شاءالله و يعطيكم ألف عافيه وادعوا لي اتوفق بسفرتي >_<