للي تقول انا قويه .. وفيني العيب الفلاني .... وانا مضايقه زوجي بهالشغله تتفضل ..

[كلي فرح]

فعلا الموضوع حيل حلو
لما الانسان يواجه نفسه بشفافية ويشوف عيوبة هاذي اول خطوات الاصلاح
ومرة سمعت دكتور يقول الانسان اللي مو سوي هو اللي مايتغير
التغير صفة كل شي بالحياة حتى الانسان
والواحد هو اللي يحدد تغيري للاحسن او للاسوأ
يارب كل بنات منتدانا يكون تغيرهم للافضل
مو كاني تفلسفت واجد
بالنسبة لي عيوبي كثيرة مثل العصبية الزعل واجد بي الحمد لله قدرت اتعداهم
بس مشكلة حياتي............
انييييييييييييييييييييي
بطوطة :krkrkr:
وان شاء الله اضعف بصحة وعافية
قووووووووولوووووووووووووا آميييييييييييييييييييين
:yaaaaaarb:

 

[غاردينيا 13]

:eh_s(6):

همممممممممممممممممممم

العناد والزعل والتسرع صفه مشتركه فيكم!!
ليش عاد غبطناكم بعقل
ماهقيت بنياتنا عصبيات

تدرون شنو اسباب اغلب الصفات اللي كتبتوبتها؟
صج صج
ضغط الحياه ونمطها
احنا مضغوطين بالدنيا ولاهين وملهين عمرنا بامور تخلينا مانشوف الصوره الكبيره
يعني احنا نييب عيال مانستمتع فيهم
نربي بدون المتعه المهم اليهال مرتب يطيع الكلام نبيه مثالي مثل المسلسلات!
بس بدون لايكون في هدف واضح
اييب عيال علشان استمتع فيهم اولا ثانيا اربيهم
اتزوج لان شريك حياتي يعني لي نصه وله نصي (ماقدر اقاوم في اغنيه تحوس براسي بهالمعني نص نص نص نص حبيبي ارب بص بص بص بص)
الله يهديهم ويصلحهم هالبنيات هاليومين
تزوجت خلاص سو اوبا ! تذكرون هالحركه بحصه الرياضه!
تزوجت انت ملكي انا حياتك امك ضيفه بحياتنا وانا مرتك وحياتك ودنيتك دوانيتك انساها ربعك انساهم انا اول واهم التزام عندك وكل شي لازم اعرفه عنك حتا قياس فنيلتك وجم فنيله عندك!

ليش حبيبتي ليش
وتعصبون علي اقل شي
ليش؟
وتزعلون ولازم يراضونا
هم ليش

شلكم بعوار القلب
وسعو بالكم
الحياه تعاون ومشاركه
وحياتج ملكلج انتي بالاساس واهو شريك فيها وحياته ملكه بالاساس وانتي شريكته فيها لاتتوقعين تغيرين ريلج علي هواج
ولاتعيشين بالروتين (ماقصد حرقي شعرج سوي نيو لوك ) لا اقصد الروتين لاتعيشيون بدون لاتعرفون قيمه حياتكم مو نعيش اليوم ويخلص
لاوالله
استمتعو بحياتكم المشاكل بهارات الحياه بس مو الحياه نفسها
تزوجتو؟ شنو هدف الزواج؟ انسان تستمتعين بحياتج معاه مو واجبه وواجبي ولازم نمشي مثل الناس
مو لازم نزور لازم نوجب لازم نيب عيال لازم تدللني وتدلعني ولازم انت تعطيني وانا اعطيك وتزعلين
لاتمشون علي المفروض والله العيظم والله اكثر شغله لاحطتها بحياتي
من المنتدى
ماكو تواصل
الزوجه والزوج مابينهم تواصل يعيشون روتين الزواج مو الزواج واكثر مشكله ان الزوجه تفرض ان ريلها داخل عقلها يدري شتفكر شنو تبي ولازم يتصرف علي الاساس
والريال يحاول يتملص وينحاش من المسئوليه قد مايقدر وحيل متاثر بربعه
المهم حبيبابي
نفضو الروتين
لاتضغطون علي عمركم
ولاتعيشون حياه غيركم
وتركو التسرع
ومافيها شي لي تنازلتو وطفتو امور (بس مو عظائمها)
علشان ترتاحون
الله يهنيكم ويهني رياييلكم فيكم واحنا وياكم


انزين الحين دوري

انا شنو تتوقعون عيوبي
:ada:

ياهلا ويامرحبا بهالنور لا والله بكل النور ياهلا .....

عجبني كتيـــر أوي أوي ردك البليغ واسلوبك في طرحك الأنيق والمرتب


في وعي وإثبات ثقافه عاليه جدا من شخصك الغالي من خلال هذا الرد


أحترم أناملك الذهبيه وفكرك الواعي ...

صحيح كلنا ما نخلى ... واطباع الواحد غالبا ما تحكمه وتسيطر عليـه


لكن ما نسـعى إليه أو ما نحاول أن نسعـى إليه هو تحقيق نجاح يذكر في حياتنا الشخصيه وأهم وأبلغ نجاح يتوصل له الشخص

هو التغلب على شي من عيوبنا ... ...

لأن بالفعل ... ليمن قال الواحد بينه وبين نفســـه أنا غلطان تخالجه الراحه بداخله


وتخليه يسعــى إلى ما هو أفضل عكس ليمن خطى الواحد وقعد بينه وبين نفسه يبحبش ويدور الى اتقه نقطه بالموضوع عشان يحمي نفسه من اللوم عن هذا الخطأ


في فرق .. وهو داخل الإنسان من راحه ... ينشأ من وراها تحقيق ما هو أفضل

و نفاق داخلي ينشأ من وراه تدهور الأدب ... والوعي في المواقف والحياه المقبله



الإعتراف بالخطأ ...حتما إن لم يكن حل ... للمشكله ...فبالتأكيد سيكون مفتاح لها


هذا ما أردت إيصاله في هذا الموضوع

بالفعل بالفعل كلامك درر وعسل على قلبي دانسنق كوين

وبالنسبه لعيوبك

احين بيقولون اكيد مشرفه وعرفت وفهمت كل مشاكل الناس ...واكيد انها حاميه نفسها من كل عيب


بصراحه ^_^ كل واحد ما يخلى من العيوب

وعيوب عن عيوب هم تفرق


بصراحه مدري حاولت وعصرت مخي بإني أطلع فيك عيب ما طلع معي شي


لكن مؤمنه ان لكل منا له عيوبه مهمـــــــــــــا كان وأياَ كان



عموما

ردك ومشاركتك في موضوعي فرحوني كتيـر أوي أوي ... وشوووووكرن ع المرور الغالي والحلا والذوق والأدب والثقافه العاليه


وربي ما يحرم هالعضوات منك ...

وانا بصراحه اعدك حسبت امي :dddds::dddds: >>>> اسكتي لا تكوفخك على وجهك

ههههههههههههههههههههههههههههههههههههه


مشكوره ياقلبي مره ثانيه ع المرور الكيوت والنايس ...



وموفقـــــــــــــــــــه ياقلبي

وعسى عينك ما تشوف الا النور بدربك وياربي يسعدك ويهنيك بيحاتك انتي وزوجك وعويلك ياااااااااااااااااااااااااااااارب

 

[بناتي زينة حياتي]

مشكلتي صايره عصبيه واثور لاتفه سبب بس بسرعه اتمالك نفسي واتعوذ من الشيطان

مشكلتي حنانه وابي كل شيء يسويه لي بوقته

وماكانت هذي مشاكلي اول زواجنا بس حسبي على حبوب المانع تدهور الوحده عدل

 

[غاردينيا 13]

انا حنانه وعصبيه ودلوعه ... صج مشكله

وهو بعد عصبي وحنان لووووووووول

تخيلو عاد كله هواش لوووووووول

مشكوووووووووووووووووووووووووره ياقلبي ع المرور


وربي يسعدك

 

[Miss Nouf]

مشكورة عالموضوع الحلو
انا عيبي اني مااادية حيل ابي يخقق لي كل اللي ابي واذا مانفذ زعلت وطنقرت وعصبت واشوووف كل عيوووبه داامي والشيطان يبدى يشتغل علي اعوذ بالله منه
بحاول اتغلب على هالطبع ان شالله

 

[الرها]

انا بصراحه عييوووبي كثيرررررررررررره

اللي ابيه لازم يسويه واذا ماسواه ازعل
اذا طلبت فلوس وقال ما عندي ازززعل
والطااااااااااااااااامه الكبرى دمعتي على خدي يعني لو زعلني على طووووووووووول الدموع اربع ارررربع
وابي اضعف اااااااااااااااااااااااااااااابي اضعف

 

[um_hind]

مممم احرااااج... بصراحه,,,, الي متضايقه منه اني دفشه شوي...دايما يقول لي واحد من الشباب... حاولت اكون رقيقه معاه...واسوي حركات... لكن انسى وارد لدفاشتي... والي في قلبي على لساني.... ومممم صوتي شوي عالي.. احاول اتدرب اخفض صوتي .. حتى مع بناتي...

 

[دمووووووووووع]

عاااااااااااااااااااد انا عيبي اني اكبر شكاااااااااااااااااااااااااااااااااااكة اشك فية بس

 

[sweetable]

واااااااايد استحي زياده عن اللزوم
وهالشي متعبه وايد

 

[Bronze ● lady]

زوجي مرتب ويحافظ على ادواته وشغله
انا مو مثله
فيني فوضوية مقارنة فيه

انا فيني تردد وكل شي أأجله
وهو حاسم ومندفع بعد

مثليييييييي بالضبط وازيد اني انانيه وياه حبتين هههههههههه

 

[Dancing^Queen]

غاردينا حبيبتي
رايج وشهادتج اعتز فيها
واشكرج علي طرح الموضوع المفيد والروعه
بصراحه من زمان مانشدينت اني اشارك بمواضيع
بس ماحرزتي ماي دير
ماني عوده بناتي توهم بفيرست غريد ولا بعد متزوجه صغيره والا بتشببين عمرج؟؟؟ ها علينا علينا هالحركات تبين تصغرين عمرج
لوووووووووووووول
اعتز لو بنتي تكون راكده نفسج

ومثل ماقلت مافي انسان مافيه عيوب
وغششتكم واحد و2 عرفوهم البنات
اولا اني نسايه وهالششي يطيحني مشاكل وايد وياه
ثانيا اني حساسه
وثالثا اني اقلب الامور ضحك مرات اسيئ تقدير التوقييت ويقلب عسكي علي


بعد اين المزيد

 

[القطاة]

حلو الموضوع وشدني
أكبر عيب فيني إني ما أعتبر من الدروس اللي تمر علي بحياتي مع زوجي والخطأ والعيب الأكبر إني من نوعية أدفن نفسي أنسى نفسي علشان هو اللي يستانس ويرتاح حتى لو على حساب راحتي وهذا أكبر عيب وعيت عليه عقب 15سنة زواج وصعب يتغير بس الحين بديت ألتفت لنفسي شوي شوي توني بديت أقول لأ صج صعبة بس أنا مقررة ما أتنازل خلاص لازم أحب نفسي

 

[أبلة مستجدة]

السلام عليكم بنات
مشكلتي مع زوجي تتلخص في الاتي
انا حدي احب النظام والتخطيط و الترتيب بطرقة جنونية او جذي اسميها وهو النجتيف مني
الزبدة اني انا وريلي اطباعنا عكس بعض تماما بس قادرين نحب بعض بشكل متناغم ( فاهمين قصدي) دايما اشبه حياتنا بااطراف المغناطيس انا شمال و هو جنوب فالاقطاب المتشابه تتنافر و الاقطاب المختلفه تتجاذب هذي ملخص حياتي معاه .. للأسف ماكنت فاهمه هالشي في بداية الزواج لصغر سني بس احس عقب ثلاث سنوات زواج تركزت عندي هذي القناعة جدا

 

[وحده ذوق]

عصبية وهالعصبية متعبتني حتى مع عيالي الله يهديهم وهو معاندي وبقوة وهذا يزيد الامر سوء يسلموووووو على طرح هالموضوع وفعلا حنا محتاجينه علشان نشوف وش العيب اللي عندنا ومو حاسين فيه

 

[أحساس نفسي]

انا مشكلتي حساسه حيل وازعل من اي شي وغيووووره


بس مقدر الوضع هو وشغلته كل شوي يراضي ههههههههه بس مرات يزهق ويزعل اسبوع كامل او اكثر لين اراضيه ههههه
كل انسان فيه عيب

 

[نسنس00]

انا مشكلتي اني شكاكه وحيل تعبتني هالسالفه واشك من اشياء قديمة ولم الحين اشوفها شوي بموت واللي يذبحني انه ينكر ويركبني الغلط شسوي تعبت ابي اخلص نفي من المرض هذا ومو قادره وهم حسااااسه يكرهي حتى من الغشمره ويييييييييع اكره نفسي احياناا

 

[رضيت بردى حظي]

انا غيوره حيل وشكاكه وفيني شوي حب التملك وحيل زعول واكبر مشاكل وهالشي حيل مضايقه ومتعيني

 

[نسمه بارده]

اختي لاتحكمني بناء علي واقعج انتي بس
تري في بيوت بلاوي وللاسف اغلب عيال الكويت صارو جذي لامسؤوليه ولا امان ولارعايه للعيال يعني لاتلومين البنات لي تحجو
واذا عندج ريل زين احمدي ربج دايما عليه تري انتي بنعمه تتمناها غيرج كثيرات
الله يرزقنا بالزوج الصح المهتدي يارب وينعم علينا مثل مانعم علي غيرنا امين يارب العالمين

 

[غاردينيا 13]

مشكورين مشكورين مشكورين ع المشاركات الحلوه


وربي يسعدكم ويوفقكم كل وحده هي وزوجها وعيالها ويااااااااااااارب عيونكم ما تشوف الا النور ...


أشكر كل من حب فكرة الوضوع

مشكوره قلبي دانسنق ووووووووو موفقه يارب


عجبني رد احدى الخوات انها شبهت حياتاها بأقطاب المغناطيس

بصراحه قمه التعبير في وصف حياتك

والأكثر ميزه لكل هالكلام انك قادره توفقين بين فكرك وفكر زوجك وهذا ما استوحيته من ردك




اشكركم كلكم


وعسى ايامكم كلها سعيده

والصيف قرب ,...


الله الله بالسفر :dddds: >>>> الله يعين ازواجهم عليهم



موفقين جميــــــعاً

 

[النجوم]

انا عيبي اني مااقول كلام حلو وايد حق زوجي 0 وهم في عيب شرعي مايستحمله زوجي اني بالليل اشاخر وانا نايمه ودايما يقول سوي عمليه
بس انا خايفه من العمليه 0 ودايما يهددني الشمس لازم تطلع يوم 0 ماادري شسوي 0 حرام يكسر خاطري بس هذا الشي من الله ومو مني 0