للي تسوي كيرلي بالفيير بلييز ساعديني
- بادئ الموضوع Asoora~
- تاريخ البدء
احلى فير استعملته يمكن سمعتي عنه تلاقيه اكيد عند التاجرات هنا
اسمه jose eber يجي مقاسات 13 و 19 و 25
اللي عندي 25 حلو للشعر الطويل والوسط يعطي لفة كبيرة زي شعر كيم كارداشيان
اخذته من تاجر في منتدى ثاني وبصراحة حسيته سهل في الاستعمال وحرارته عالية بس مايحرق الشعر ابدااا عشان طبقة السيراميك فيه حلوة
جربت بيبي ليس و جربت ريفلون وكونيير حلوين
بس بأمانة مو زي جوسي ايبير من جد فرق شاااسع في لمعة الشعر و ثباته و حتى مع تكرار استعماله ماتحسي شعرك يبهت وينحرق بالمرة
مقطع من يوتيوب عنه
http://www.youtube.com/watch?v=I0A_EviPguA
شوفي حبيبي بعطيكي طريقتي وان شاء الله شعرك يثبت لثاني يوم حتى لو شعرك ناعم زي الفلبينيات
اول شي زي ماقالت وحدة من الاخوات اهم شي تاخذي رغوة ماركتها كويسة لوريال او ويلا حلوين وتلاقيهم في السوبرماركت او الصيدليات
ممكن تستخدمي الجل برضه ينفع بس يكون من النوع اللي يعطي لوك رطب مو الجل القوي اللي ييبس الشعر عرفتي ؟
لو شعرك محتاج سشوار سشوريه على خفيف
لاتسويه سشوار تملسيه كثير .. تمليس الشعر بالسشواريصعب عليكي تثبتي لفة الفير بعد كذا
سشوار خفيف اهم شي الجذور تكون مرتبة والباقي بس مشطيه بالسشوار عشان ينشف والفير بيتولى مهمة ترتيبه
اما لو شعرك ناعم حاولي تغسليه بشامبو من غير بلسم نهائيا لان البلسم ينعمه زيادة ويصعب ثبات اللفة
وطبعا اتركيه ينشف بالمرة
قسمي شعرك خصل صغيرة لاتكبري الخصلة يعني خليها بعرض اصباعين من اصابعك وسماكتها اصبع واحد مو اكثر
ان شاء الله فهمتي وصفي ..
الخصلة العريضة تخليكي تزيدي مدة اللف بالفير واخر شي تلاقيها انفكت بعد ساعة
بينما لو كان حجمها زي ماوصفت لك بتثبت لك اسرع ومابتاخذي وقت اللفة اكثر من عشر ثواني
الخصلة تجهزيها وتحطي رغوة في يدك وتمشيها على الخصلة تخليها تتبلل بالرغوة تمام
مشطيها قبل ماتلفيها بالفير وابرميها برمة خفيفة عشان تقدري تتحكمي فيها وماتتفكك معاكي وانتي لافتها
لفي الفير عليها وعدي من واحد لعشرة
فكي الفير والحقي اللفة قبل ماتفك وارفعيها لفوق ثبتيها بمشبك عريض اللي يستخدموه الصالونات زي اللي في الصورة
مو البنس العادية الصغيرة لانها بتسوي لك كسرة في الخصلة تصير واضحة لمن تخلصي شعرك تخرب شكله
هذي المشابك هي الافضل لانها مسطحة و تمسك الخصلة تمام من غير ماتكسرها
وخلصي كل الخصل وكل خصلة تخلصيها لفيها في لحظتها لفوق
ولمن تخلصي شغل الفير خلي شعرك ملفلف بالمشابك ربع ساعة عشان تضمني ان اللفة تكون قوية وثابتة
وبعد الربع ساعة فكي المشابك من الخصل و فرقي خصل شعرك باصابعك ورشي سبراي وخلاص
بكذا شعرك راح يثبت تمااااااام وتروحي مناسبتك اللي بتحضريها وترجعي وشعرك ماتغير
هذا مقطع من اليوتيوب يوضح لك طريقة لف الشعر بالمشبك بعد الفير عشان يثبت لك وقت اطول
انصحك تسويها بتعطيكي تسريحة روعة وثابتة غير انها تبين الشعر اغزر واحلى
http://www.youtube.com/watch?v=39tpnOUcHcE&feature=related
http://www.youtube.com/watch?v=I9PYZQBsj6w&feature=relmfu
لو حبيتي تستغني عن فكرة اللف بالمشبك لو شعرك مافيه نعومة شعور الفلبينيات وحابة يكون شكله طبيعي وناعم
ممكن تلفيه عادي خصلة خصلة وترشي سبراي في الاخير
http://www.youtube.com/watch?v=w6xfR2kO1eo
لاحظيها كيف تمسك الخصلة بعد ماتلفها شوية لين تبرد وهي ملفوفة على يدها وهذا سر ثباتها
المشبك يريحك من وقت مسكة الخصلة بس لو ماعندك المشابك ممكن تمسكيها شوية لين تبرد وتفكيها ورشي عليها سبراي على طول
او اتركي السبراي للاخير براحتك
المقطع الاخير البنت مستعملة فير جوسي ايبير اللي قلت لك عليه
جدا مريح في الاستعمال وتتحكمي فيه بوساطة القفاز باليد الثانية اكثر من الفير اللي فيه حركة المقص المزعجة
اتمنى اكون ساعدتك والبنات قبلي ماقصروا ماشاء الله عليهم بس زيادة الخير خيرين زي مايقولوا
كفييييييييييييييييتي ووفييتي مشالله
الله يجزاج خيير والله فدتيني حيييييييييييل
مشكوووره :eh_s(7):
