للي بولدها حساسية الحليب البقري تساعدني

[ام ننا]

السلام عليكم

انا ولدي عمره 7 شهور واسبوع
من عمره ثلاث شهور واكتشفنا فيه حساسيه من الحليب البقري
حليبه ايسوميل فول الصويا
وياخذ دهان وشامبو وشراب عن الحكة

واكله الجاهز
وما يحبه نهائيا
حاولت اعوده بس شوي ويشبع

بس يحب البرتقال الطبيعي

ابي اوكله يكسر خاطري

شنو افطاره وغداءه وعشاءه

شاركونا وفيدونا

والسلام

 

[reham123]

اب علشان كتكوتج الله يحفظة

 

[ام ننا]

تسلمين

 

[هيبة الطاووس]

مادري أكليه خضار فواكه
وان شاء الله البنات يفيدونج

 

[ام ننا]

تسلمين اوكله بس ما يحب

حاولت معاه ممن واهو قبل السادس

شنو تريقون عيالكم
وشتو تغدونهم
وشنو تعشونهم

؟؟؟

والممنوع على ولدي ما اوكله

 

[ندى العبير]

اب لعيونج

 

[أحبج يمه]

ما عندي فكرة حبيبتي

بس روحي حق دكتور تغذية إهو يفيدج اكثر

 

[dandooosh]

الله يساعدج حبوبة
ما يصير تعطينه سيريلاك ؟؟؟ او طحين الرز؟؟ وترا حليب الصويا كثرته مو زينة
اعتقد في بدائل أنتي سألي الدكتور او اخصائي تغذية
موفقة يا قلبي والله يخلي لك النونو

 

[وحدة كويتية]

المصيبه ان انا اللي فيني حساسيه الحليب مو عيالي
ودربالج اختي من نقص الكالسيوم
الله يشفيه انشالله لأني مجربه هالمعاناه
واذا لقيتيله علاج ياليت تفيديني لأني من ١٨ سنه فيني هالحساسيه ومالقيت لها علاج

 

[ام ننا]

ندى العبير تسلمين ع أب والرد
احبج يمه : اعالجه عند دكتور سيد شمساه
دندوووشه : يساعد الجميع

وحدة كويتية : اعالجه عند دكتور اطفال ومروا عليه مثل ولدي والحمدلله لحقت عليه
وخووش دكتور والله
لا طفح فيه بس حكة شوي واعطيه قطرات
اذا وكلته شي فيه حليب او قمح يموت من الحكة وتزيد الطفح
فلازم اكله نباتي

اوكله اكل جاهز
ووزنه زين
وعمره سبع شهور واسبوع
بس يكسر خاطري يبي اكلنا

عندكم شي تفيدونا بالاكل النباتي من االبيت

كوسة بطاط جزر

 

[ام ننا]

(
)
(
)

مساعدة

 

[الأميرة كيرارا]

الله يخلي لج حبيبتي و تشوفينه معرس
بالنسبة للاكل وايد يهال عسرين
في كتاب اسمه الطفل السليم
للدكتورة ريم قنواتي
كله أكلات للأطفال
يبيعونه بصيدلية انترناشونال كلينيك
إذا الوصفة فيها حليب بدلي بحليب ولدج
و الله يعينج

 

[ام ننا]

تسلمين حبيبتي عالرد
يعني يصير اسوي شي حقه بس ابدله بحليب ولدي؟

مثلا عيش بحليب
اطبخ العيش لين يصير لين واحطه بالصحن واحط مقدار من الحليب؟؟

 

[د/ احمد الخباز]

سلام ام ننا

حساسيه بروتين الحليب البقري هي الأكثر انتشارا من الحساسيات كلها في الأطفال..
من أعراضها وجود الدم في الخروج, المغص الشديد, الترجيع, الإسهال او الإمساك, طفح جلدي او تورم بالوجه, اوإكزيما.

فيه نوعين رئيسين:
1. نوع فحص الحساسيه فيه إيجابي
2. نوع فحص الحساسيه فيه سلبي

حليب فول الصويا غير مناسب ولا توصي فيه منظمات الحساسيه لانه يحوي تأثير هرمون الإيستروجين أحيانا وكذلك لأنه يتشابه مع بروتين الحليب البقري في نسبه كبيره وممكن التحسس منه كذلك.

الحل الأفضل أخذ حليب خاص للحساسيه. وهو يعتبر حليب فيه البروتين مكسر ومجزأ بدرجه عاليه. لذلك الجسم يتحمله ولا يتحسس منه.

حسب نوع الحساسيه قد تستمر لغايه عمر السنتين أو ممكن لفتره أطول, خصوصا اذا كان فحص الحساسيه ايجابي.

يجب الحذر من مصادر الحليب الخفيه في السيريلاك مثلا او الأيس كريم او الروب....الخ

من المهم إضافة الكاسيوم والفيتامين د للطفل اذا لم يستطع شرب مقدار 500 مل من الحليب المدعم بالكاسيوم. وهذا مهم جدا لتفادي هشاشة العضام في الأطفال.

​

أرجو الإطلاع علي الموقع بالقسم العربي للإفاده اكثر: www.kuwaitallergyclinic.com
أو متابعة المعلومات والأسئله في الإستضافه او على تويتر @kuwaitallergy

سلامات وشكرا