للي بروحنا مع اهل ريلهم شاليه او مزرعه بعطلة العيد

[الراقيه 81]

السلام وعليكم
اشلونكم يالغاليات
ابي اشلون تحطيلج نضام لما تروحين مع حمولتج لمزرعه او شاليه
انا حمولتي ماجرين الخيران اسبوع العيد كله ان شاءالله ابي اشلون احطلي نظام اني متى اقعد ومتى انام ومتى افج عنهم و متى اجابلهم وخصوصا انا رايحه ومعاي حريم حمواني 3 فأكيد بصير مقارنه هذا احسن من هذي هذي حطه وهذي يابت وانتوا عارفين الحموله وسوالفهم
يالله ابي ردودكم وتفاعلكم مع الموضوع

​

 

[++MesK++]

؛


؛


حبوبه انتي رايحه تستاااااانسين مو رايحه تثبتين انج الأحسن !!!




خلج عفويه و استانسي مع الكل و عيشي حياتج




لا تشغلين بالج بأحد




ارضاء الناس غااااية لاااااا تدرك



؛



؛

 

[الراقيه 81]

رد : للي بروحنا مع اهل ريلهم شاليه او مزرعه بعطلة العيد

صح كلامج بس هم لازم اعرف اشلون انضبط مع الناس يعني متى اقعد معاهم اي وقت ومتى ايي شاليهم يعني يمكن اذا سهرت ما اييهم الصبح هل يزعلون ولا عادي واخاف اقعد واييهم امبجر يقولون اشتبي ابي اشلون يكون نظامكم اذا كنتوا نفس حالتلي

 

[krkosha]

انا اقول سهري مع ريلج وقومي الضحى سويلج اكله خفيفه اوسلطه او حلا وروحي عالغدا عندهم وتغدو معاهم واهم شي ساعديهم بالنجاب بعد تدرين الحموله قرقه لايقولون عنج رفله ومتى ماحبيتي تمشين العصر المغرب روحي استانسي مع ريلج وعيالج
والاهم لااااااااااااااتضغطين على عمرج صدقيني راح تتعبين دام انتو 4 جناين الله يحفضكم لازم تتصير المقارنات بس انتي خلج طبيعيه واستانسي ولايهمج احد اممممم وهم لاتنسين التزقرت والميكب الخفيف وعليــــــــج بالف عافيه ياقلبي

 

[الراقيه 81]

رد : للي بروحنا مع اهل ريلهم شاليه او مزرعه بعطلة العيد

اي من ناحيه التزكرت والميك اب لاتحتين و مشكووووووووووووووووووره وما قصرتي يعمري على الرد اللي يريح القلب

 

[عذآب إلـ أنآ]

مو كفو ومآيستآهلون ودام عندج 3 حريم حموآن الله يعينج عليهم
قطيعآ دنيآ بآيخه وجهله بس مآعندنا إلأ لبسي وتسنعي وتكشخي وسووّي وجيبي ويحطي ولآ حمدّ ولآ شكر

أهل زوجي بيروحون الشآليه ولآيعه جبدي مآودي آروح بس الله يهداه زوجي لآزم يوديني

 

[الراقيه 81]

رد : للي بروحنا مع اهل ريلهم شاليه او مزرعه بعطلة العيد

بالعكس هذي حلاة الدنيا لبسي واستانسي ليش معصبه روحي واستانسي بالشاليه هذا حلاه العيد باليمعه

 

[عذآب إلـ أنآ]

المشكله مآ يعرفون يقولون مشكوره وجزاج الله خير بس يقعدون يمدحون بمرت حمآي اللي مآتدري عنهم وصآكتهم بآلطوفآ ،
أوف لآعت جبدي من سوآلفهم المآصخه أقعد آخذ سيئآت لي الرآس من سوآلف الحش

 

[الفنانة لؤلؤة]

خلج طبيعية حبوبة،، بس أهم شي لا تنامين واااايد لأنهم ينقدون

 

[Miss McDonald]

رد : للي بروحنا مع اهل ريلهم شاليه او مزرعه بعطلة العيد

.

وعليكم السلآم والرحمه ,

روحي استانسسي وكششخي ولبسسي ^_^ , وساعديهم لو مجاملة !

=)

 

[Nokia N95]

رد : للي بروحنا مع اهل ريلهم شاليه او مزرعه بعطلة العيد

الصراحة ماجربت هالشي ....

بس اخذي معاج بعض الشغلات اللي يحبونها من حلويات و كاكاو و بطاط و مكسرات.. عصير تانك .. فيمتو .... وكيك امريكانا وغيره من الشغلات اللي ممكن تحطينها من غير ما تتعبين نفسج

انتي رايحة تستانسين ....
اخذي معاج كاميرا وصوري فيديو ولقطات للذكرى ....

اذا عندج عيال .. جابليهم وديري بالج عليهم وحتى اذا قصرتي مع حمولتج .. عذرج عيالج ( الصراحة ديري بالج عليهم واااااايد بالخيران .. ترا في ناس ما يخافون الله هالايام )

و كل شوي سئلي ... تبون شاي ؟ تبون قهوة ؟ احطلكم شي ؟ احد يبي عصير ؟
وقبل ما تطلعين من الشاليه سئلي .... تبون شي واحنا راجعين ؟

انا ما اعرف طبيعتج وطبيعة اهل ريلج ....
يعني هم متحفظين شوي ... والا متفتحين ... انتي ادرى بكل هذا ....

اخذي مسرحيات طارق العلي .. حق السهر بالليل ( اغلب الفنادق والشاليهات الحين فيهم dvd بس ما ادري اذا في بالخيران ! )

اخذي لج ملابس ولـريلج و عيالج تكفيج اسبوع علشان ما تغسلين شي

حاولي ما تعتمدين على خدمهم ... ولا تتكلمين عن ريلج جدام حريم حموانج ... الغيره تشتغل ...

هذا كل اللي عندي الحين ... اذا تذكرت شي راح اقول لج

وان شاء الله تستانسون هناك .... وعليج باذكار الصباح و المساء و المعوذات .... واستودعي عيالج وريلج عند الله ....

 

[خليجيه وافتخررر]

خليج عاديه الروحه الي فيها تحدي وانا احسن وهاذي رفله بلاها روحه

 

[chanel N22]

الله يعين رضاء الناس غايه لاتدرك
بس انا اقول سوي الواجب وهم استانسي بعد

 

[i'm so happy]

انا اقول يبي معاج الحلى والمكسرات وقت العيال وابو العيال قعد وياهم انتي روحي قعدي وياهم ولين زوجج مشى ريلج على ريله
وكشخي وكشخي العيال واستانسي ماعليج من هذي وهذيج اهم شي وناستج ياقلبي اذا بشوفونج بشوفون شيبتي معاج بيدج وشلون ترتيبج
في مثلا السفرة ولا توزيع الاكل مرتب ولا كل شي بدفاشة ومالج بارض خلج دوم مبتسمة وعادية ضحكي وسولفي ومثل ماقالوا البنات
كــــــشخي

 

[الأميرة جوري]

رد : للي بروحنا مع اهل ريلهم شاليه او مزرعه بعطلة العيد

كشخى واستانسي ولا تركزين وتشوفين اشلون تصيرين الاحسن بتتعبين ....خليج علي طبيعتج

 

[دانة من البحرين]

؛






؛


حبوبه انتي رايحه تستاااااانسين مو رايحه تثبتين انج الأحسن !!!




خلج عفويه و استانسي مع الكل و عيشي حياتج




لا تشغلين بالج بأحد




ارضاء الناس غااااية لاااااا تدرك



؛



؛

كلامها عين العقل صراحة :eh_s(15):

 

[حبـ admant ـك]

رد : للي بروحنا مع اهل ريلهم شاليه او مزرعه بعطلة العيد

خلج طبيعيه
واستانسي لا تفكرين شنو سوت و شنو قالت

 

[بنت الواوان]

رد : للي بروحنا مع اهل ريلهم شاليه او مزرعه بعطلة العيد

خليج على طبيعتج مع تامروون على شى ناقصكم شى الكلام بلاش منتى خسرانة شى

 

[جنون العشق]

ماشوف فيها شي او محتاجه تفكير



امشي علي اطباعهم وشيسوووون سوي نفس نظامهم

 

[انا مو هني]

رد : للي بروحنا مع اهل ريلهم شاليه او مزرعه بعطلة العيد

تصرفي بطبيعتج واحترمي الي جدامج وساعدي كثر ماتقدرين وخلج كشخه وزقرتيه
وهالله هالله بالعطر وعيالج خليهم مرتبين مو وانتي خلج عفويه وغراظج كامله وجناطج حلوه وبس