للى جربت المشى على جهاز المشي والا الممشي احسن ؟

[السفيرة عزيزة]

مشاركة: للى جربت المشى على جهاز المشي والا الممشي احسن ؟

انا عن نفسي احب الممشى

الجهز مادري يملل شوي

بس اذا انتي عندج اراده و تقدرين تمشين بالجهاز كل يوم و ما تملين

عيل الجهاز وايد زين

انا شفت ولد اختي ما شاء الله عليه

نزل بالجهاز وااايد

 

[حبيبة أهلها]

مشاركة: للى جربت المشى على جهاز المشي والا الممشي احسن ؟

مافي احسن من المشي

 

[هيه دنيا]

مشاركة: للى جربت المشى على جهاز المشي والا الممشي احسن ؟

يعطيييييييكم العافيه ماقصررررررررررتوا

 

[شكليطه]

مشاركة: للى جربت المشى على جهاز المشي والا الممشي احسن ؟

من رايي..........يعتمد على الوحدة


يعني اذا انتي ملووله ....وما تحبين تتقيدين بمكان واحد.......اعتقد الممشى احسن
اما اذا كنتي من النوع اللي مرتبط وعنده التزامات بالبيت او ماعندج وقت تطلعين للمشى.....فالمشايه احسن

يعني في ناس ترتاح للمشايه...........يقولون متى ما طق براسنا مشينا....ما نتقيد بحاله الجو غبار هوا مطر حررر
لأ....عادي المكيف شغال وماخذين راحتهم لاحجاب ولا لبس يضايق او يزيدج حروووووره
وطبعا البعض يحط المشايه جدام التلفزيون وينسوووووووووون عمرهم

يعني تخيلي شكثر راح تمشين او ما تحسين بالوقت وانتي تطالعين التلفزيون




بس اذا حاطه المشايه جدام طوفه ..........هههههه
اتوقع الممشى وااااااااايد ارحم

 

[هيه دنيا]

مشاركة: للى جربت المشى على جهاز المشي والا الممشي احسن ؟

اشدراج اني حاطتها جدام الطوفه هاهاها

ولا بغرفه معزوله

 

[شكليطه]

مشاركة: للى جربت المشى على جهاز المشي والا الممشي احسن ؟

الله يعينج والله


شلون شدراني

خو احنا مستحيل نحط شي بدار التلفزيون ويسبب ازعاج
ولا يخرب ديكورها



احنا جذي اول ماشرينا جهاز المشي حطيناه بغرفه زايدة مالت الطوارئ والضيوف
وطبعا كالعاده اول جم اسبوع متحمسين ونمشي عليه ولا يهمنا طوفه ولا باب

لكن بعدين طققققققت جبودنا
الوقت شطووووووووووووووووله
بسم الله ما يمديني اشغل الجهاز قمت اطالع الساعه
والدقيقه يااااااااااااااااااااااااااااااا ثقلها



الحين كاهو يسمع حسج .........................



وترى انا من النوع الملول...........يعني حتى الممشى ما نفع وياي
خصوصا اذا تمشين وتشوفين نفس الناس.......او ماتلقين احد
ماكو الا انتي جنج هنديه منحاشه تمشين بروحج



فقمت انوع...........كل شهر بممشى


والحين اعتزلت



وفي ضغوطات خارجيه ...........يمكن تخليني اتخلى عن قرار الاعتزال


خو كلش ولا طلبات الجماهير


ههههههههههههههههههههههه

 

[كويتية أمورة]

مشاركة: للى جربت المشى على جهاز المشي والا الممشي احسن ؟

وترى انا من النوع الملول...........يعني حتى الممشى ما نفع وياي
خصوصا اذا تمشين وتشوفين نفس الناس.......او ماتلقين احد
ماكو الا انتي جنج هنديه منحاشه تمشين بروحج






ههههههههههههههههههههههه

لوووووووووووول اي والله ذكرتيني قبل اطلع من بيتنا واتمشى لي الممشى وارجع صج جني سيلانية منحاشة ههههههههه

انزين ياربي وايد اسمع ان الجهاز يعور الركب
انزين شرايكم بجهاز اوربت ترك وايد يقولون يضعف ويشد ويقسم الجسم واحسن من جهاز المشي لانه مايعور الركب
واحسن من الدراجة الثابته لانه مايخلي الخلفية مسطحه لوووووووول

 

[شكليطه]

مشاركة: للى جربت المشى على جهاز المشي والا الممشي احسن ؟




اشوا في احد نفسي

عاد والله يا اموره اكره شي اذا سويتي روحج تبين تغيرين الممشى وتروحين للمنطقه الثانيه عن طريق جسر المشاااااااه


اول شي كنت ونااااااااااسه استانس.............بعدين تخيلت شكلي عدل

@@



حده اي شي




بالنسبه للاوربت ترك ما جربته وحالي حالج اسمع يمدحونه


بس المشاية العاديه تدرين ليش تعور الركب.......لانها مو كبيره كفايه

انا جربت مشايه النادي شحلووووووووووووووووووووووووووووها ولا تتعب
اصلا ماودج تنزلين منها


بس المشايه اللي عندي بالبيت تذذذذذبح ..............من اول نص ساعه احس ركبي جنها خشب يحك في بعضه





والله توهقنا
ما ندري وين نروح


انا متحجبه............ولازم البس عبايه...........وتعالي تخيلي مشي وعبايه و حرررررررررررررررررررررررررررررررررر


اموت والله.......................

 

[Brounzi_girlly]

مشاركة: للى جربت المشى على جهاز المشي والا الممشي احسن ؟

آنا جربت الأثنين بس مليت من الجهاز وأفضل المشي بالهواء الطلق
مع تحيااااااااااااتي............

 

[واحشنى موت]

مشاركة: للى جربت المشى على جهاز المشي والا الممشي احسن ؟

المشى بالهواء الطلق احسن مليون مره --- الممشى الكهربائى خساره تملين منه والله لاتغلطين وتشترينه
مثلى واللى عندها اراده صدقينى بسرعه تضعف

 

[flowerlife]

مشاركة: للى جربت المشى على جهاز المشي والا الممشي احسن ؟

اقووول .. انا بصراحة احب امشي و ودي اروح الممشى
بس جونا ما شاء الله يجنننننننننننننن حق المشي خخخخ
نص ساعة الا انتي ذاااااااااااايبة مرة وحدة ..
انا من رايي بلا هوا طلق و لا شي اشتري الجهاز و فتحي الدريشة و امشي
يصير ممشى بس بالبيت

خوووووووووووووووووووووووش حل

 

[هيه دنيا]

مشاركة: للى جربت المشى على جهاز المشي والا الممشي احسن ؟

شكــرا على الردود