للى جربت المشى على جهاز المشي والا الممشي احسن ؟

[هيه دنيا]

بنات ابي نصيحتكم على شنو ضعفتو اكثر علي جهاز المشى الكهربائي وجم الوقت ؟ والا المشى بالهواء الطلق وجم الوقت ابي اضعففففففففففففففففففففففففففففففففففف؟

 

[متميزه]

مشاركة: للى جربت المشى على جهاز المشي والا الممشي احسن ؟

انا احس ان المشي بالممشى واااايد احسن !

علشان تستنشقين هوااااء طللللللللللللللق وايد احسن .. بعدين مره سمعت دكتور يقول ان المشي بالممشى يحرك كل الجسم و يضعفه بس الجهاز لأ .. مع اني مو مقتنعه بس هذا الي سمعته !!

لازم تمشين كل يووووم 20 دقيقه على الاقل ..

و الله يضعفج بالصحه و العافيه .. اجمعين ان شاء الله

 

[ღღعبير الشوقღღ]

مشاركة: للى جربت المشى على جهاز المشي والا الممشي احسن ؟

شوفي عزيزتي

آنا جربت الأثنين

المشي في الممشى

كنت أمشي باليوم من 4 إلى 6كيلو تخيّلي!!يعني نص أو ساعة إلا ربع

خلال إسبوعين تقريباً..

للأمانة..مانزلت كيلو واحد..رغم إني أكلي خفيف مو أكولة..

المهم..

وبما إنه عند أبوي جهاز صرت أمشي عليه ربع ساعة أو أقل..وصرت أسوي تمارين لمدة

من عشر إلى ربع ساعة

وطبعاً أكلي مثل ما أهو..بس فيه شيء تجنّبته بالمرّة

الأكل بين الوجبات

إنتبهوا يابنات والله مايلعب فيكم إلا الرمّة بين الوجبات..

وبعد الساعة ثمانية ونص بالليل ما آكل شيء

خلال عشرة أيام تقريباَ

نزلت 4كيلو..بس جسمي تقولين خاسة 8كيلو

صج صج تغيّرت

والحمد لله رب العالمين​

 

[سارا ديور]

مشاركة: للى جربت المشى على جهاز المشي والا الممشي احسن ؟

السلام عليكم

معاج سارا ديور

معلمة تربيه بدنيه

المشي بالممشى احسسسسسن بكثير من جهاز المشي

ونتائجه افضل ...

إما الجهاز ... يكبر العضلات على الفاضي

 

[bnt_kwt]

مشاركة: للى جربت المشى على جهاز المشي والا الممشي احسن ؟

جربت الاثنين
طول عمري امشي بالممشى كل ما اسوي رجيم امشي بالممشى والقا نتيجه
وطق براسي اني اغير واشتري جهاااز مشي وما مشيت عليه الا 3 مرات عن الحلال والحرام وتم عندي بالبيت شهرين من غير استعمال وتالي بعته بنص قيمته ولا فادني ولا شي
بس المشي بالهوا الطلق اصلا صحي اكثر حتى حق القلب والرئتين وطريقه التنفس


اقول اشتري لج جوتي رياضه من النوع الزين وتريننج سوت حلو وروحي الممشى وخلي فلوس الجهاز حق احسن بسرعه ينمل الجهاز ما ادري ليش

 

[PearL]

مشاركة: للى جربت المشى على جهاز المشي والا الممشي احسن ؟

الممشى اكيد افضل نفسيا افضل والهوا يا حلاته بالبيت شتسووووين بالمشايه تملل
غير هذا البعض يقول انه المشايه تسبب خشونه للمفاصل مو مثل لما تمشين بمكان واسع
لانه بعض المشايات ما اتكون اوكى يعنى يكون قياس السير مو اوكي يعنى مشيتج مو سليمه

 

[جاي وحليب]

مشاركة: للى جربت المشى على جهاز المشي والا الممشي احسن ؟

ماادري انا اشوف ان المكان ماله علاقه ايهو يضعف اكثر...

بس بالنسبه لي انه امشي على الجهاز .. تقريبا نص ساعه ...

بس انه اشوف ان الممشى احسن علشان ما تملين ... جو حلو .. واذا عالبحر بعد احلى ... وبس ..

اما الجهاز .. تتملين .. ماكو الا تحطين لج هالهدفووون .. تجنباً للملل

 

[sadan]

مشاركة: للى جربت المشى على جهاز المشي والا الممشي احسن ؟

هيــــــــــه دنيا وبعد هيـــــــــــــــــــه ممشى بالهواء الطلق

طبعا ماكو وجه مقارنة

حبيبتى مدام الجو حلو انتهزيها فرصة وشفطى بالممشى

قبل لا يجيج اللاهوب

وانا امشى ونزلت 6 كيلو من شهر بس ها مشى ساعة مع صك الحلج من الساعة 7 ونص بس الماى

وتنزلين باذن الله

 

[^^دموع الكويت^^]

مشاركة: للى جربت المشى على جهاز المشي والا الممشي احسن ؟

انا جربت الأثنين وترى الاثنين اييبون نتيجة بس طبعا المشي بالممشى احسن بوايد


انا عندي جهاز بس جديد بجياسه :d يملل بس بالممشى وناسة وما تحسين بالوقت



طبعا اذا مشيتي بالجهاز نص ساعة يتعب حيل جنج ماشيه ساعة بالممشى


فرق وايد

 

[xxx]

مشاركة: للى جربت المشى على جهاز المشي والا الممشي احسن ؟

كلهم يضعفووووووووووون

بس المشي بالهواء الطلق أونسسسسسسسسسسس

 

[كويتية أمورة]

مشاركة: للى جربت المشى على جهاز المشي والا الممشي احسن ؟

انزين بنات الجهاز مايعور الركب؟

 

[زيـنـه]

مشاركة: للى جربت المشى على جهاز المشي والا الممشي احسن ؟

الجهاز يملل و يعور الريل و الركب اذا نزلتي منه جنج تمشين على اسفنج مو على الارض بس ميزته يخليج تعرقين اكثر و باي حزه و اي لبس تقدرين تمشين عليه.

الممشى شرح و تشمين هوا بس عيبه الزحمه و انج مو اي وقت تقدرين تمشين ..و ما تحسين بالتعب كثر الجهاز .

 

[نفنوف كشكش]

مشاركة: للى جربت المشى على جهاز المشي والا الممشي احسن ؟

الممشا احسن الجهاز ايملل ومع الوقت يعور الركب
نص ساعه عالجهاز = ساعه مشي عادي

 

[هيه دنيا]

مشاركة: للى جربت المشى على جهاز المشي والا الممشي احسن ؟

مشكورررررررين على الردود

بس انا ساعات امشى بالممشى وبعض المرات امشى على الجهاز الحلو بالجهاز انه باي وقت امشي فيه واعرق بسرعة بس حيل اتعب، انا ابي الشي اللى يضعف اكثر فقالت لى اختي ان الجهاز يضعف اكثر من تجربتها فحبيت استفسر اكثر من اللى جربو الجهاز صج اهو يضعف اكثرمن الممشى،
وطبعا الممشى احلى واشرح .

 

[bnt q8 in usa]

مشاركة: للى جربت المشى على جهاز المشي والا الممشي احسن ؟

حبيبتي بحكم خبرتي بالرياضه اثنينهم نفس المفعول اهو طريقة المشي شلون والمسافه

يعني اخذيها مني شغل بو 1\2 ساعه مايعطيج الوزن الي تبينه

امشي ساعه وبسرعه كبيره وقبلها استرجات وخل تكون ايدج فوق يمج عرفتي مثل مشية العسكري بس مجفوسه

 

[ظلال القرآن]

مشاركة: للى جربت المشى على جهاز المشي والا الممشي احسن ؟

اذا مشيتي بالممشى ما تحسين بالوقت

الجهاز ممل

 

[مستشاره قانونيه]

مشاركة: للى جربت المشى على جهاز المشي والا الممشي احسن ؟

انا جربت المشي عالجهاز وبالممشى

لقيت نتيجه مع الاثنين بس شنو الفرق ان جهاز المشي كنت امشي بالنادي ساعه تقريبا وغيره في اجهزه ثانيه وسباحه الخ لاني بنادي

بس بالبيت لا امشي نص ساعه احس اني تعبت ومالي خلق لاني بروحي واحس بملل بس بالنادي اشوف الكل يمشي ورياضه فاتشجع

هذااا قبل السنه اللي طافت

بس الحين كل يوم امشي بالممشى ساعتين وواحس اني ضعفت اكثر من جهاز المشي بالبيت والكيلوات اكثر والساعات اللي امشي فيها اكثر

واهم شي ان تغيير جووو

وانا افضل المشي بالممشى واييد احسسسن

 

[الحــــــلا كله]

مشاركة: للى جربت المشى على جهاز المشي والا الممشي احسن ؟

والله انا عندي الاثنين الممشى عندي احلى ما احس بالتعب والله لكن الجهاز يالله يالله اركبه ويالله يالله امشي عليه ملل مو طبيعي

 

[هيه دنيا]

مشاركة: للى جربت المشى على جهاز المشي والا الممشي احسن ؟

ما قصرتوااااااااااااااااااااااااااااا

 

[bedour18]

مشاركة: للى جربت المشى على جهاز المشي والا الممشي احسن ؟

انزين ليش تتمللون من الجهاز ؟؟؟

حطوه قبال التلفزيون و امشوا و انتوا تتابعون مسلسل او فلم !!!!!!!!!!!!!!!!

انا ناوية اشتريلي جهاز مشي عقب الولاده لأني بصراحه ما عندي وقت كللللللللللللللللللللللللللللش اروح ممشى ، دوامي طويل حيل و بعدين بيصير عندي ياهلين ما احب اكون هادتهم طول هالوقت بروحهم، على الأقل اكون يمهم في البيت .

و شغلة ثانية بعد ، في الممشى لازم اكون لابسة عباه و شيلة و اموووووووووووووووووووت من الحر و اللي يبط الجبد اكثر الخز الله لا يوريكم ، عاد انا دم ضروسي المخازز .

هذي اكثر نقطة عاجبتني بالجهاز ، اني اكون يم عيالي بالبيت و اني البس على راحتي و امشي على راحتي.