للهدرجة هالبنات مايخافون الله!!!

[blue ocean]

في ناس ماتخاف الله .. وانا اللحين بصراحه قاموا يطيحون من عيني
وايد نماذج من البنات اللي اشوفهم يوميآ ..

 

[أميره بلا قصور]

حسبي الله نعم الوكيل

شهالناس اللي ماتحس

الله يسامحهم
والله يعين المعاقين ع هالاوادم

الحمدلله الذي عافانا مما ابتلاهم به

 

[رقي]

الله يشافيه ويعافيه
ولا يبلانا

 

[music_teacher88]

هذول الي مانحرجو منه يمكن لي كلمتيهم بيغلطون عليج ويلعلعوون بالكليه والله المعاق ابرك منهم

شكثر بنات معاقين بالكليه معاي والله درجاتهم كله A الله يتمم عليهم لاتقولون يتساهلون معاهم لا والله اذكياا ويسجلون المحاظرات

 

[shai5at al3arab]

واااي مسكين .. الله يعينه ياارب


هذا بالعكس احسن منهم بمليون مرة ..


مع اعاقته قاعد يجاهد وايي الكلية ويدرس ،


والله على قولتج خل يحمدون ربهم على النعمة ،


للحين في ناس جذي عقولهم عقول يهال ،

الحمد لله والشكر .

 

[%عـجـمـيـه صـريـحـه%]

أشكرج على هالشعور الطيب منج
حبيبتي زين ما كلمتيهم اذا اهم ما خافوا من ربهم تبينهم يسمعون نصيحتج
هالنوعيه من البنات تشوف عيوب غيرها ومستصغره عيوبها
ادعيلي الله يشافيهم ولا يبلانا

 

[املاك ss وافي]

بياااااااااااااااااااااااااااربي حرام عليها اذكر مره بنت جيرانا استهزئت على وحده معاقه وسبحان الله جابت بنت نفس اللي استهزئت فيها الله لايبلانا

 

[^marioOom^]

الله ما يطق اب عصى باجر الله بيازيها او ما يعيب الا المعيوب

 

[فتفوتة...سكر...]

لا حول ولا قوة الا بالله

 

[DBDOB3 DES]

لاحول ولا وقوة الا بالله

 

[إنسانه بكل حالاتي]

بصراحه هالإنسانه حقيره ماتخاف الله حسبي الله عليها ماتخاف الله يبليها بنفسها او بعيالها الحمد لله والشكر على العافيه

 

[gazl~q8]

هلااااااااااااا بناااااااااااااات حياكم.............

 

[*برونزيه شقره*]

شلونج الوردة

بصراحه موقف حيل يظايق لو انا منج قطيت عليها كلام تنقيد عشان تراعي الله بالانسان
شنو ذنبه اذا رب العباد ابتلاه ياقلبي عور قلبي جد
انا مره شفت بمجمع جذى معاق مايمشي عدل ولا بنات مراهقات بكل وقاحه تمشي نفس مشيته وتضحك بصوت عالي
انا احتريت ولا اقولها اختى عيب قولي الحمدالله والشكر مو يمكن بحلظه تصيرين نفسه واردى منه
اهيه انحرجت ولا اللى معاها تقولي بكل وقاحه اشفيها الداعيه
ولا التفت عليها واقولها هذا اندل يدل على اصلج وعيب تكلمين وحده اكبر منج جذى تعلمي الادب
ولا امشي ولما صعدت فوق عند المطاعم اصعدوا وراي قعدت ولا تييني البنت وتأسفت منى قلت لها حبيبتي
اعتبريه هذا اخوج ترضين احد يتمسخر عليه جذى حسبالج الناس بتفرح بحركاتج ولا تسكت وتأسفت وراحت
بنات والله حره بالقلب فينى طبع ما اسكت بهالمواقف
ذكريتني فيه والله ورده فديت قلبج

 

[شيخة الزين كله]

والله لو آنا مكااانج جان قلتلهااا خوووفي ربج ......!

الانسان مإختار انه يكون معااااق عشان تضحك علييييييييييه .. الله قدر جذي يعني تضحك على قدرة الله !!!
اففففففففف

شكثر أشوووف بنات جذي..

هم بكلية الاداب في واحد جذي بس يمشي و جدامه مثل شي يتمسك فيه و يحفظ توازنه .. حتى أذكر أول مره شفته حاشني فضول ودي أطالع لإن حالته غريبه عمري ماشفت جذي .. يعني يمشي و يرجف جسمه كل و بطئ بالحركه .. بس مسكت نفسي لإني مو لابسه نظارتي الشمسيه فخفت ينتبه و ينجرح إحساسه اذا شافني اطالعه ..
وماشفته عدل الا لمن لبستها .. والله ماقلت إلا : ياااااربي لك الحمد على نعمة الصحه .. وياااربي ترفع عنه و تشافيه و لا تبلاناااا يااارب ...


هذول يحسون مو طوفه عشان نضحك عليهم .... واالله بعض المعاقين أفهم و أذكى من شكثر ناااس صاحيه ..
والدليل شوفيه وصل الجامعه و غيره ناس صاحيه ومو قادره تطلع من الثانويه!!!

سبحان الله االله يبنا نعتبرر ..

وشكرآ اختي

ايييي عرفته اللـــــــه يشافيه يعور القلب

تسلميييييييين حبوبه على موضوعج بس صــــــــــــج هالبنتين فيهم وقاااااحه مو طبيعيه

يعني تصد عنه بعد .. فوق شينها قواة عينها قلة ادب

كافي الصبي عنده طموح رغم اعاقته للحين يدرس !!

 

[AL-N7EESAA]

لا حول ولا قوة الا بالله :<

 

[om mariam]

يا حبي كل شي بالدنيا سلف ودين
وما يعيب الا المعيوب
الله راح يوريها باعز ماتملك علشان يحرق قلبها
ولو قايلتلها جان زين بس خلاص مدام ماقلتي انسي الموضوع وادعي ان الله يهديها ويهدي كل امة محمد انشاء الله

 

[بنت الوفا]

حسبي الله المفروض يتحمدالله

مويضحكن

 

[مسك الغلا]

اااااااف حسبي الله و نعم الوكيل

 

[gazl~q8]

هلا بنات حيااااااكم..........

زين سويتي فيهم برونزية يستاهلون عفية عليج..........

 

[منورة الكويتية]

هذي انسانه وقحة وسوقية
المعاق ينجرح من النظره مو بس من الكلام والضحك
ش يضحك حسبي الله عليها اهيا ورفيجتها
يبون ربي يبلاهم يالله يحسووون!!
وزين انج ماكلمتيها لان هالاشكال الحمدلله والشكر لسانها متبري منها