للمنقبات بس

[DaLa3 BeBe]

السلام عليكم

خواتي المنقبات بسألكم جم سؤال وابي الاجابه الصريحه

1- هل تنقمتون من النقاب ؟ يعني صعوبة تنفس شوي او ضيقة بالتنفس

2- شلون تقدرون تاكلون بالمطاعم اذا مافيه كباين ؟

3- شلون ينلبس النقاب فوق الشيله ولا تحتها وشلون طريقة الشيلة شلون تنلبس اذا مع نقاب ؟

ويعطيكم العافيه

 

[soosooa]

رد : للمنقبات بس

السلام عليكم

وعليكم السلام ورحمة الله وبركاته



خواتي المنقبات بسألكم جم سؤال وابي الاجابه الصريحه

1- هل تنقمتون من النقاب ؟ يعني صعوبة تنفس شوي او ضيقة بالتنفس


ابداً بالعكس تحسين براحه من تلبسينه وتلتزمين فيه


2- شلون تقدرون تاكلون بالمطاعم اذا مافيه كباين ؟

عن نفسي ما اروح للمطاعم



3- شلون ينلبس النقاب فوق الشيله ولا تحتها وشلون طريقة الشيلة شلون تنلبس اذا مع نقاب ؟


فوق الشيله اذا كان نقابج ينربط .. واذا سير تحت الشيله



ويعطيكم العافيه




الله يعافيج بس ليه تسئلين حابه تلبسينه ؟

 

[soosooa]

رد : للمنقبات بس

النقاب فرض ع كل مسلمه

قال الله تعالى (( يا أيها النبي قل لأزواجك وبناتك ونساء المؤمنين يدنين عليهن من جلابيبهن ))

 

[DaLa3 BeBe]

ماقصرتي يالغلا اي والله ودي بس جربته احس كأني منقمته شوي مو قادره اخذ راحتي بالتنفس احس هوا حار ههههههههه

وشوي يحز على خشمي

اممم متردده شوي زين مو عارفه البسه اذا تحت الشيله شلون طريقة لبس الشيله اخليها نازله شوي ولا شلون ابي طريقتها بالضبط لان طريقتي بالشيله ماتنفع مع النقاب ابي طريقه

ويليت بعد البنات يجاوبون

شكلهم اللي مو منقبات ذابحهم الفضول يطلون ويطلعون هههههههههههههه

حياكم الله كلكم بس انا خصصت المنقبات لان ابي واقع تجاربهم واهم خبره :hjy5jewf:

 

[آدمنت قربككِ]

رد : للمنقبات بس

1- هل تنقمتون من النقاب ؟ يعني صعوبة تنفس شوي او ضيقة بالتنفس
لا والله بس اول الاياام بعدها تتعودين عليه وترتااحين اكثثر
2- شلون تقدرون تاكلون بالمطاعم اذا مافيه كباين ؟
اعطي ظهري واقابل الطووفه لوووول ارفع طرف النقااب واكل يعني عاادي حاولي تروحين اماكن فيها كباين اكثثثر

3- شلون ينلبس النقاب فوق الشيله ولا تحتها وشلون طريقة الشيلة شلون تنلبس اذا مع نقاب ؟
لا ياقلبي تحت الشيله اذا كان سيييير واذا برقع او البوشيه اعتقد فوق الشيلة او تحتها عاادي



الله يثبتج ان شاء الله وانصصحج فيه الصصراحه تحسسين برااحه ويقربج من ربج وبيشفع لضيقه القببر واهوااله ولا تنسسسين كثثثر الحسسنات الي بتكسسبينها ان شاء الله بسسبب انج استغنيتي عن جززء من هالدنيا واهوا الزينه والتبرز ولا يكون هدفج التكششخ فيه لانه واايد بنات قامو يلبسسون مججرد كششخه وموضه =)

 

[اميره الخجل]

رد : للمنقبات بس

[COLOR="Black"- هل تنقمتون من النقاب ؟ يعني صعوبة تنفس شوي او ضيقة بالتنفس
[COLOR="DarkRed"]حبيبتي عادي بس اول الايام بعدين صدقيني راح تتعودين عليه انا بحكم اني بالكليه فاحس اني حيييييل تعودت عليه[/COLOR]][/COLOR]
[COLOR="Blac- شلون تقدرون تاكلون بالمطاعم اذا مافيه كباين ؟
[COLOR="DarkRed"]عادي عطي ظهرج للناس واخذي راحتج[/COLOR]

- شلون ينلبس النقاب فوق الشيله ولا تحتها وشلون طريقة الشيلة شلون تنلبس اذا مع نقاب
انا البسه تحت الشيله والفه عدل وصدقيني كله سهالات اهم شي النيه انج تبين تلبيسينه
وقبل لاتلبسينه سوي بروفات بالبيت :wqedqw:

 

[bent-oboha]

مشاءالله عليج ربي يثبتج :blueSmCLR:

 

[DaLa3 BeBe]

ياقلبي تسلمون كلكم ماقصرتو عالتشجيع

بس والله ابد مو قرضي الموضه حتى باللي يسوونه اذا ماكان مناسب ما اتبع موضتهم فما بالج بالنقاب

ابيه ستر عسى الله يسترنا وياكم دنا واخره يارب

وانا سويت بروفه لوول عجبني بس حسيت شوي بقمته وخايفه ماحب شي يقيدني جذي يعني هل اهي مسألة تعود
يعني اذا طلعتو برا لفتره طويله واهو عليكم عادي تكونون مرتاحين ؟

وبعدين صدقوني مو عارفه طريقة الشيله البس النقاب تحت وبعدين شلون اسوي الشيله عشان تضبط مع النقاب اتوقع له طريقه خاصه؟

وتسلمون بعد ماقصرتو

 

[Dana]

رد : للمنقبات بس

السلام عليكم

وعليكم السلام

خواتي المنقبات بسألكم جم سؤال وابي الاجابه الصريحه

1- هل تنقمتون من النقاب ؟ يعني صعوبة تنفس شوي او ضيقة بالتنفس

لا والله بالعكس يمكن صح اول الايام راح تحسين بخنقه لانج مو متعوده عليه بس بعدين بتحسين نفسج تعودتي عليه وما تقدرين تستغنين عنه

2- شلون تقدرون تاكلون بالمطاعم اذا مافيه كباين ؟

عادي مثل ما قالوا عطي الناس ظهرج واكلي


3- شلون ينلبس النقاب فوق الشيله ولا تحتها وشلون طريقة الشيلة شلون تنلبس اذا مع نقاب ؟

لا تحت الشيله اذا نقاب سير
واذا تبين ترتاحين اكثر لبسي " باند " وبعدين لبسي النقاب ولفي الشيله عليج

-
والله يستر عليج وعلينا دنيا واخره ويثبتج ان شاءالله صدقيني بتحبينه انا من عمري 13 سنه وانا البسه صرت ما استغنى عنه وموفقه ان شاءالله

 

["ملح بدويه"]

والله بقولج الصج

انا النقاب يضايقني بـ مطاعم وبالذات لي شريت استار بوكس مادري اشلون اشربه شكلي غلط

واذا عن التنفس لا عااادي بالعكس ماتحسين بالغبار ولا الهوا الباااارد لا ممتاز خخخخخخخخ

انا البس الطاقيه(القبعه) بعدين النقاب وبعدين الشيله وبطريقه الي تريحج انتي

 

[بنت اوسكو]

بالنسبة للمطاعم لي تعودتي عليه بيصير عادي تقديرين تاكلين تحت النقاب انا وجبة أكلها بالسياره عادي :hjy5jewf:​

 

[DaLa3 BeBe]

تسلموووووون الله يجزاكم الخير

 

[العود والبخور]

رد : للمنقبات بس

ماشاء الله البنات وفو وكفو
الله يثبتج الى مايحب ويرضي.,