للمسافرات غير الدول الاسلاميه!!

[malekatsabaa]

السلام عليكم!

بنات انا توني داشه موضوع عن امريكا وكانت ردود البنات بخصوص اكل المطاعم انها ممكن تاكلين بكل ثقه من مطاعمهم لانهم من أهل الكتاب..

حبايبي منو قالكم ان المسيحيين يتبعون طريقة ذبحنا للدياي والخرفان والبقر عزكم الله؟؟؟

تر الي اعرفه انهم غالبا ما يخنقون الذبيحه اويطلقون عليها الرصاص وتعتبر في هذي الحاله ميته ولا يجوز أكلها..

اما عن اكل اليهود ..ففعلا يجوز الاكل من مطاعمهم لانهم يذبحون بنفس طريقتنا ..

ديروا بالكم لان ما يجوز تاكلون من اي مكان لان لما تروحين سياحه ما تكونين مضطره ولا مافي اكل غيره!!

يعني ممكن تاكلين منهم الخضار والاجبان والاسماك وتبتعدين عن اي شي فيه منتجات لحوم وذبح الا اذا كان المطعم مكتوب عليه من برا كلمة (حلال)

وبهذا تكون اغلب المطاعم في الدول الغير اسلاميه ما يجوز تاكلين منها..ديروا بالكم تر هالشي ضروري ..لا تستهينون بهالسوالف والله ما منعنا منها الا اكيد انها مضره لنا..كل شي ولا أكل الحرام

وسامحوني عالمداخله الطويله ولا تتضايقون انا موقصدي اعلمكم بس قصدي انبهكم ..

تر قريت جم مره ان في ناس عادي ياكلون بس كنت ما أعلق..
لكن هالمره اكتشفت ان الاغلبيه ياكلون قلت انبهكم
وسألوا بدقه اكثر والله يسهل علينا وعليكم السفر!:tek:​

 

[أمواج البحر]

بالنسبة لي في السفر ندور المطاعم العربيه

واذا ما لقيت نطلب سي فود او نصير فجيتيريان

وجزاج الله على التنبيه

 

[malekatsabaa]

بالنسبة لي في السفر ندور المطاعم العربيه

واذا ما لقيت نطلب سي فود او نصير فجيتيريان

وجزاج الله على التنبيه

والله انا مثلج ياعمري

والله يسلمج!!:friends:

 

[كويتية أصيله]

آنا عن نفسي آكل لحم ودجاج بس لازم أسمي قبل لا آكل

لأني سألت شيخ دين .........قالي أكلي بس لازم تسمين أما المطاعم اليابانيه والصينيه لاااااااااا ما آكل فيها....... ثانيا منو قالج الذبح عندهم بالرصاص ....... عطيني أسم المصدر إللي يقول الذبح بالرصاص أو الخنق ........الذبح عندهم يختلف من مطعم لي الثاني

ومشكوره حبيبتي موضوعج إن دل فأنه يدل على حبج للخير وغيرتج على المسلمين:tek:

 

[dan]

صح كلامج انصح الجميع يدور على المطاعم التركية و اللبنانيه صارت حيل منتشره خصوصا بأوربا و اذا ما حصلتو خلكم على الخضار و البيتزا و الاجبان تقزر

 

[nero]

عدل كلامج

احنا ما ناكل الا النباتي .. وحتى عن الدهن الي يقلون فيه البطاط نسال ويكون دهن خنزير ف ديرو بالكم من هالموضوع

وسالفة انسمي وناكل .. انا ما احط نفسي بهالموقف لاني اقدر استغني عن اللحم والدياي وكلها شهر وفي بدائل وايد


ومشكووره على الموضوع

 

[malekatsabaa]

آنا عن نفسي آكل لحم ودجاج بس لازم أسمي قبل لا آكل

لأني سألت شيخ دين .........قالي أكلي بس لازم تسمين أما المطاعم اليابانيه والصينيه لاااااااااا ما آكل فيها....... ثانيا منو قالج الذبح عندهم بالرصاص ....... عطيني أسم المصدر إللي يقول الذبح بالرصاص أو الخنق ........الذبح عندهم يختلف من مطعم لي الثاني

ومشكوره حبيبتي موضوعج إن دل فأنه يدل على حبج للخير وغيرتج على المسلمين:tek:

حبيبتي انا مو داشه اغلط تصرفات احد فيكم لا حشا بس كنت ابي انبه لان في سوالف صارت مغلوطه ومقلوبه عندنا مو لقلة الايمان لكن احيانا يصير سقط سهواً..

يعني انا ما ادري شنو المصدر لكل مطعم بالذبح لاني مو مولوده هناك ولاني كل سنه عندهم ولا اعرف طريقة الذبح عندهم ..بس اللي اعرفه ان لما دولتنا تييب دياي من دول بره يكون مكتوب عليها (ذبح على الشريعه الاسلاميه) بعني بالعقل هذا خاص للمسلمين واكو شي ثاني خاص لغير المسلمين..

واذا ماتدرون تر الذبح عندنا له شروط وهي سقي الذبيحه والتوجه للقبله وذكر اسم الله عليها ..وما اعتقد انهم بسوون جذي ؟؟؟؟

وعلى فكره اهم كفااار وليسوا اهل الكتاب لان اهل الكتاب هم فقط الي ما غيروا بالدين المسيحي والي يعتبرون ان سيدنا عيسى رسول و ليس ابن الله..قوليلي في مسيح الحين ما يقولون ان سيدنا المسيح ابن الله؟؟؟الي اعرفه لأ وبذلك نسميهم مشركين وليسوا اهل كتاب لانهم جعلوا لله ابن.. والعياذ بالله وكافي صليبهم اعتقد هذا اكبر دليل انهم غيروا بدينهم لان سيدنا المسيح عليه السلام ما انصلب في الحقيقه.

مو قصدي اغلط الشيخ الي عطاج المعلومه بس جدا مستغربه من رده لج ؟؟شنو العلاقه باني اسمي وآكل والذبح الاسلامي .. اذا تقدين اسألي شيخ اكبر ومعروف اكثر ..انتي الربحانه في النهايه.

ادري اني حولت الموضوع الي درس ديني ..لاني فعلا مثل ما قلتي ابيلكم الخير وغيوره على ديني ولما ادري ان في غلط وناس ما تدري لازم انبهم ..هذا واجب كل المسلمين على بعض​

 

[malekatsabaa]

صح كلامج انصح الجميع يدور على المطاعم التركية و اللبنانيه صارت حيل منتشره خصوصا بأوربا و اذا ما حصلتو خلكم على الخضار و البيتزا و الاجبان تقزر

يعطيج العافيه!

 

[malekatsabaa]

عدل كلامج

احنا ما ناكل الا النباتي .. وحتى عن الدهن الي يقلون فيه البطاط نسال ويكون دهن خنزير ف ديرو بالكم من هالموضوع

وسالفة انسمي وناكل .. انا ما احط نفسي بهالموقف لاني اقدر استغني عن اللحم والدياي وكلها شهر وفي بدائل وايد


ومشكووره على الموضوع

اي والله اعتقد ان الي بيروح لازم يحط في باله انه بيستغني عن اللحوم قد ما يقدر ..

وصحيح البدائل وايد وما راح انموت من اليووووع!!
وفرصه بعد حق الي يبون الرجيم..لوووول

تسلمين ياعمري..​

 

[ام مهودي]

اصلاا بنااات هالشي ما يبييله حجي اي احد يسافر دوله مو اسلاميه لازم يسأل اذا حلال ولا لا لانه ما يجووز ناكل الدجاج واللحم واعرف وايد يدرسوون برا عادي عندهم ياكلوون بناااااااات حراام والله ديربالكم اكلوو اي شي ثاني

 

[rawona]

يعطيج العافيه على التنبيه .. بس هم انا سألت شيخ وقالي نفس الكلام اللي قاله لكويتيه اصيله اني اسمي واكل وعموما احنا اكثر اكلنا سي فود او باستات وسلطات بس ساعات تشتهين تغيرين تملين من السي فود على طول وخاصه ساعات ما يصادف في مطاعم عربيه او هنديه اقريبه فتضطرين تاكلين بعد شتسوين؟؟

انا عموما ما اكل بس زوجي ساعات ياكل منهم وما كلا الا بعد ما سألنا وعموما اغلب المطاعم اهناك يهوديه وخاصه ماكدونالدز اللي بامريكا وطريقة الذبح عندهم نفس المسلمين ..

وهذا الكلام مو افتاء من عندي بس كلام شيخ دين وعلى ذمته .. ومشكوره مره ثانيه على التنبيه

:tek:​

 

[malekatsabaa]

يعطيج العافيه على التنبيه .. بس هم انا سألت شيخ وقالي نفس الكلام اللي قاله لكويتيه اصيله اني اسمي واكل وعموما احنا اكثر اكلنا سي فود او باستات وسلطات بس ساعات تشتهين تغيرين تملين من السي فود على طول وخاصه ساعات ما يصادف في مطاعم عربيه او هنديه اقريبه فتضطرين تاكلين بعد شتسوين؟؟

انا عموما ما اكل بس زوجي ساعات ياكل منهم وما كلا الا بعد ما سألنا وعموما اغلب المطاعم اهناك يهوديه وخاصه ماكدونالدز اللي بامريكا وطريقة الذبح عندهم نفس المسلمين ..

وهذا الكلام مو افتاء من عندي بس كلام شيخ دين وعلى ذمته .. ومشكوره مره ثانيه على التنبيه

:tek:​

مو المشكله ان الواحد بالسفر يتحرك وايد .. ولما تيوعين ..تبين شي يترس البطن عدل..انا عن نفسي اذا كل يوم ما اكلت عيش وايدام ..تييني حالة انهيار عصبي..لوووول مع اني عصله

بس شاسوي لما اسافر هالدول اتجه للسيفود والفجتيريان ..وما اخلي روحي لما اموت من اليوع بعدين آكل عشان لا تييني حالة الانهيار العصبي..:dddds:واكل اول بأول ..يعني فرينش فرايز اقزقزفيه ولا حلقات بصل..

بس انتي متأكده ان مطاعم مك يهوديه؟؟عشان اطيح فيهم اذا رحنا امريكا..عاد جنه الحين بيعطونا الفيزا..لوووول!!

وحياج ياعمري ..مرورج اسعدني:tek:

 

[أم صالح]

يعطيج العافيه وبميزان حسناتج ان شاء الله

 

[أمانيQ8]

صح كلامج .. والله انا اسمي واكل بس احاول ابتعد عن اللحم
وفعلا كل كلامج صح وانا وزوجي نقول جذي بس في وايد عارضونا...

 

[دمـوع الشـموع]

جزاك الله خر على التنبيه

وفعلا اكل اليهود ينوكل منه لان ذبحهم مثل ذبح المسلمين
وعموما انتشرت المطاعم العربيه بالدول الاجنبيه وصار ملاكها عرب
يعني في امريكا اغلب المطاعم هناك مثل صب واي وماك يشتغلون فيها لبنانيين ومصريين ومن المغرب العربي ان شاء الله امان

وصح لازم الواحد ينتبه بعد يكون لحم خنزير ولا شي

واهم شي الحذر من التشاينيز والجابنيز فود ( ذول وسخين واكلهم دود )

 

[rawona]

هلا حبيبتي ..

والله يوم كنت بامريكا قالولنا اهناك ان ماك صاحبه يهودي فمادري والله عن صحة هالكلام 100% وعموما مثل ما قلتي اهم شي السي فوود والباستات والسلطات والفرنش فرايز لوووول اهم شي والله كريم

اهم شي اللي يروح امريكا لا ياكل من فرايديز اغلب اكله 90% منه داش فيه لحم الخنزير استغفرالله حتى الشوربه شكو مادي اهو وروبي تيوزداي وموفقين جميعا :tek:​

 

[غيـ الناس ـر]

في فتوى نسيت لمنو من المشايخ .. بس من المشايخ الكبار بالسعوديه


قالو بجواز اكل اهل الكتاب باوروبا وغيره .. والواحد ما يدقق بطريقة الذبح !!

يسمي وياكل ..


وهذا اللي انا اعرفه

 

[malekatsabaa]

يعطيج العافيه وبميزان حسناتج ان شاء الله

الله يعافيج ياعمري..

 

[malekatsabaa]

في فتوى نسيت لمنو من المشايخ .. بس من المشايخ الكبار بالسعوديه


قالو بجواز اكل اهل الكتاب باوروبا وغيره .. والواحد ما يدقق بطريقة الذبح !!

يسمي وياكل ..


وهذا اللي انا اعرفه

حبيبتي في عندنا بالكويت مشايخ كبار ومعروفين وثقه...والانسان اللي يكون حريص على دينه اهو الربحان في الدنيا والاآخره..

بس الواحد لازم يدقق عيل شنو الفرق بينا وبينهم؟؟وبصراحه انا ما سألت اي رجل دين ..لان الموضوع ما يبيله سؤااال ..واضح وضوح الشمس ..والمسلم ما ياكل من ذبحم الا اذا كان مضطر...

والامر راجع لكم في النهايه!

 

[malekatsabaa]

صح كلامج .. والله انا اسمي واكل بس احاول ابتعد عن اللحم
وفعلا كل كلامج صح وانا وزوجي نقول جذي بس في وايد عارضونا...

صح بدنج يا حبيبتي..

والانسان الي ينصح لازم يتوقع بعض المعارضه..انت عليج النصيحه ولج الاجر .. :ggdw:

وانا بصراحه من زمان هالمضوع يقرقع ابقلبي .. حيل مستغربه من الفتاوي الي يقولونها البنات عن مشايخ..موقصدي اشكك فيهم لا والله ...بس أحيانا يصير ان الواحد ما يفهم المسأله عدل .. أولما يتناقولونها الناس بين بعض تلقينها تتغير..مثل الاشاعات!!:gathering:

تر والله انا مو سائله اي رجل دين بس الي درسته بالمدرسه واضح واحنا بالكويت ما ناكل الا الي مكتوب عليه ذبح حلال..عيل اشلون بره مو الاوجب ان الانسان يكون حريص اكثر في الدول الغير اسلاميه؟؟

ما يبيلها كلام!!!