للضرورة القصوى

[تناهيد أنثى]

السلام عليكم

من خلال متابعتي للمنتدى لمست فيكم روح المساعدة ... لهذا ما شفت مكان أفضل من منتداكم علشان استشيركم

في البداية اعرفكم على نفسي ... طالبة بحرينية للتو تخرجت من الثانوية حصدت المركز الاول بالنسبة لمدارس البحرين في تخصص اللغات و حالياً اعيش وضع محير لأن الوزارة عارضة علي بعثة مفتوحة بحيث أختار أي جامعة و أي تخصص في أي دولة بس المشكلة اني طول ثلاث سنوات الثانوية ما فكرت آخذ التوفل و لا الآيلتس

حقيقة ... فكرت جدياً في الكويت ، لهذا ... ألتمس نصايحكم بخصوص أفضل الجامعات في الكويت ... مع الشكر

 

[~ miss NERD ~]

أنصحج بجامعة الكويت حبيبتي

 

[gazl~q8]

تبين جامعه خاصه قصدج؟!

<<اذا خاصه في كذا جامعه بس الحكوميه مافي الا جامعه وحده واهي جامعه الكويت وطبعا هذي احسن شي اذا نسبتج

تدخلج جامعه الكويت دخليها بدون تفكير..

او قصدج تبين احسن كليه بجامعه الكويت؟

 

[تناهيد أنثى]

الي قصدته أحسن جامعة في الكويت

معدلي 97% ... بالنسبة للقبول في جامعة الكويت هل يشترط التوفل مثل الباقي ؟ و شلون عن امتحان القبول ؟

 

[gazl~q8]

مشاءالله زين معدلج..عالبركه..

بس شنو التوفل مافهمت

ومو كل الكليات يبون امتحان قبول على حسب كل كليه..

 

[تناهيد أنثى]

التوفل شهادة أمريكية للغة معظم الجامعات الأمريكية طالبتنها و الوقت ضيق فما أبي يضيع عليي كورس

بالنسبة لكلية الآداب لو بغيت اعلام ... تنصحوني ؟

 

[تناهيد أنثى]

شي مهم ... لازم أجي الكويت عند التسجيل ؟ ما يصير اون لاين ؟

 

[عذاب الضمير]

مبروك التخرج والنسبه ماشالله
بس امتحان التوفل ما يطلبونه عندنا الا الجامعات الخاصه مثل ما قلتي الي نظامهم امريكي
مثل ( جامعة الخليج ، جامعة الشرق الأوسط الأمريكية ، الجامعة الأمريكية .... ) هذول جامعات خاصه
والجامعات الخاصه اتوقع متوفر فيها التسجيل أون لاين

و عندج جامعة حكومية وحدة الي اهيا جامعة الكويت

بس انتي حددي اي تخصص تبين والا شنو ميولج عشان نقولج بأي الجامعات متوفره .. !!!

 

[تناهيد أنثى]

فكرت في إعلام و بالتحديد علاقات عامة بس اني مستغربة ... لازم أجي الكويت عند التسجيل في جامعة الكويت ؟

 

[gazl~q8]

^^

مادري عن التسجيل بالنت على مااظن مافي !

اما بالنسبه حق تخصص اعلام حلوو حيل وله مستقبل..

 

[تناهيد أنثى]

شكراً

 

[عذاب الضمير]

حبيبتي تخصص الأعـلام متوفر بجامعة الخليج بالكويـت
http://puc.edu.kw/index.php?TR=univ&SC=gust


و موجود هم في جامعـة الكويت ( كليـة الآداب )
http://reg.kuniv.edu.kw/


الجامعة الأمريكية فيهـا إعلام إلكتروني
http://puc.edu.kw/index.php?TR=univ&SC=auk



بالنسبـة للتسجيل إذا أون لاين أو لا ما عندي فكرة لأني مو بجامعة الكويت
بس هذا سايت الجامعـة اكيد راح يفيدج بخصوص هالموضوع
http://www.kuniv.edu.kw/index-ar.php

 

[تناهيد أنثى]

مشكوووورة اختي

ما قصرتي

 

[عذاب الضمير]

بس اتوقع فيـه لأن اذا احنـا بالتطبيقي متوفر أون لاين شلون جامعـه الكويت ما فيهـا شي غريب .. انشالله بنات الجامعه اهنيـه يفيدونج

 

[تناهيد أنثى]

ياريت تأكدون ليي بهالخصوص

ههههههه وزارة التربية و التعليم البحرينية دمرت نفسيتي من الصبح و عيوني مقابلة الشاشة