للصبــــر حدود ...؟ لي متى عاد .. !

[BeBa Q8]

اختي سمعيني عدل ولو انج تقرين كلامي بس المهم ...
طولي بالج واستهدي بالله .. وان شاءالله ماكو الا العافيه
شوفي حبيبتي الواحد في فترة الملجه يحس بتوتر وبقلق ويفكر زوجتي زينه ولا مو زينه مرتاح مو مرتاح ويحس بمسئوليه وبالوفت نفسه يحس بعاطفه وووله وشوق فالمشاعر متضاربة وهذا شي طبيعي لانه شي يديد .. انتي من بيت واهو من بيت انتي شخصية واهو شخصيه اكيد تحتاجون وقت عشان تفهمون بعض !! الحين حتر الرفيجه تحتاجين وقت عشان تفهمينها وتطيحين الميانه...
اهو زوجج كان مستانس في بداية الايام ومرتاح والحين العكس .. ماكو مشكله .. مو نهاية الدنيا

حياتي صارلنا 3 شهور مالجين وعلاقتنا احسن مايكون ، ماكانت خالية من الزعلات الخفيفة اللي ماتعدي يوم !

كلمبه بجديه بعيد عن السوالف والرسميات .. قوليله شتحس فيه ؟ شنو تفكر فيه ؟ انته ليش مو مرتاح ؟ خاش عني شي ؟ فاهم عني شي بالغلط , قوليله انا خليتك الفتره الي طافت عشان تحدد مشاعرك وتعرف شنو الي في بالك ..
واعتقد انه الحين من حقي اعرف شلي تفكر فيه ..
قولي الاسباب ليش مو مرتاح ..
اذا قالج الاسباب خير وبركه شوفي نفسج غلطانه او لا

ناقشته مساع بكل هدوء وسألته والله العظيم كل اللي قلتيه سألته اياه ! يقولي ماكو شي بس جذي فجأة احس اتضايق لما اكلمج واحس مو مرتاح ! يقولي كل شي فيج حلووو وعسل وطيبة وحبيبة واذهبة وماقصرتي بشي كلش بس جذي والله ماكو شي ! يقولي شنو تبيني اجاملج واتم معاج ! قلتله احنا تمينا فترة مع بعض ماكنت تحس هالاحساس ، بالعكس انت كنت تقولي من كثر ما انتي على مودي ومستانس معاج اخاف اصك نفسي عين عليج ,,, تصدقين سكت ماعلق ولا كلمة ،، يرد يقول مو مرتاح ! شسالفة لعب يهال ياربي ! يحسسني اني رفيجته مو مرته مل مني والحين مايبيني ؟؟

واذا قالج ماكو شي بس جذي احس مو مرتاح .. تبين نصيحة مجربه ؟؟؟
اقري على نفسج وعليه واقري المعوذات وسورة البقره وادعي الله احنا بشهر فضيل فرصة
واختي ترى طول الزعل والعناد والمكابر ماييب وراه الا الفتور والهجران ...
شفيها اذا راضيتيه ؟ الريال يحب يحس بقيمته .. انتي بفترة ملجه طلعي بصورة حلوه ..
يشوفج تحقرينه بقول هذي ليش بايعتني ولا هامها من اولها مو حاطتلي اعتبار بحياتها من اولها بتذلني لا يبه غيره مليووون ..
الريال مهما يغلط مايحب المره تحقره ...
وكلام البنات صح انه الريال يحب البنت الي شخصيتها قويه بس انتبهي في فرق لما تكون شخصيتها قويه مع الناس وبمواقفها وبتحملها للمسئوليه وبين انها تقوي راسها وتسوي روحها سبع البرمبا عشان يتعلق فيها ويركض وراها ..
الريال يحب المره الضعيفه الحنونه القريبه منه الي تدور راحته ورضاه ..
اختي وحبيبتي .. طول ما انه الريال ماسوا غلط كبير يستحق انج تزعلين وتنطرينه يراضيج طووفي طوفي لا تصيرين دقيقه بهالشكل اشتري راحتج بس حزة الغلط الكببير اوقفي وقفه بس هالسوالف طنشي .. الله يقول والكاظمين الغيظ والعافين عن الناس والله يحب المحسنين ..
كلمي ريلج وتفاهمي معاه واخذي مافيه خاطره وحلوا اموركم ..
قلبي معاج

ليش موراضين تفهموني والله علاقتنا كانت طبيعية جدا وحلوة ومريحة وزعل بسيط ونرد نفس اللحظة ، اذا انا غلطت مااقصر اراضيه و اشتري خاطره بعد ، بس اخر فتره صار يطول لسانه و يصرخ على اقل شي ! فأطنشه أأدبه !
ماقصرت معاه بشي وهذا كلامه مو كلامي ، والله كان يقولي اشكثر استانس لما اكلمج احس صج الله وفقني فيج
،، انا قاعدة اتكلم عن فترة 3 شهور مو يوم ويومين !! يعني مدانا عرفنا بعض وحبينا بعض وارتحنا لبعض ومشت علاقتنا بأروع ما يكون ،،،، بس مو فاهمة اشصار الحين

 

[BeBa Q8]

حبيبتي انا اقول قولي حق احد من اهلج تمونين عليه مثل اختج العوده وشوفي شتشور عليج وتفكر معاج لازم احد يعرف بالموضوع من اهلج لا قدر الله صار شي في اخد يعرف بالموضوع لي متى بضلين جذي ولا دقين عليه وتبينين انج رخيصه انتي مافلتي شي بعدين بيصير جذي طووول عمره بيزعل على اتفه الاسباب ويبيج تراضينه عطيه طاااف

لا بعد اللي صار وين ادق ! مستحيل خلاص اوضحت الصورة ,,,, بس بنطر يومين و بكلم اهلي ,,, الظاهر مالنا نصيب ببعض ،، الحمدالله على كل حال

 

[BeBa Q8]

وااااااي والله يموت من الحرة ،، المشكلة وراي دوام ولا قادرة انام للحين قاعدة ،،، تعبت من التفكير ،،، حسبي الله ونعم الوكيل

 

[ديانا سبنسر]

وعسى ان تكرهواشيئيا وهو خير لكم عادي حبيبتي لاتضايقين روحج خيرة

 

[دانة حبيبها]

رد : للصبــــر حدود ...؟ لي متى عاد .. !

:
:


يا بعد قلبي !!!

ذبحني كلامج احسج مقهووره عليه و تحبينه ..

لا تدقين عليه ..

وخلاص سويتي الي عليج ..

بس اخر شي دزيله مسج و قوليله بقول حق اهلي ان خلاص بننهي زواجناا !

/
/
/

ويمكن عين !!

لان واحد اعرفه ملجوا و البنت طايره فيه وهو بعد
وسوو حفله و باقي على العرس اسبوع بس!!!
و البنت قامت بس ايبون طاري الصبي تنهار و تصارخ و تبجي !!
و تطلقوا !!

ذكروا الله على نفسكم !!

:
:

 

[Hanoodah]

السلام
نصيحة حبيبتي لاتسوين ولا شي ولاتقولين لاهلج ولاتكلمينه
ادعي ربج وانتي ساجده انه يحببه فيج ويرده لج مشتاق ومايشوف غيرج .. والله حاسة فيج يمكن لاني انا بعد بفترة ملجة واعرف دلع الرياييل الماصخ .. بس خلص لاتقطين روحج عليه وتوكلي على ربج والله ماراح يخليج .. وانشالله اذا الريال فيه خير لج يرجع لج .. واذا بيتعبج وبيظلمج الله يفكج منه على خير .. لاتنسين ربج بصلاة الليل ادعي والله ما يردج انتي الحين مالج الا الدعاء

الله يسخره لج يارب

 

[Sarooii]

وااي يا عمري عليج

بس بغيت اقولج ، قبل لا تكلمين اهلج .. عطيه خبر انكم بتنهون كل شي بينكم
يمكن يحس شوي .. ترى حزة الصجية غير
الله يهديه لج انشالله

عورتي قلبي حيل والله

 

[رواية]

رد : للصبــــر حدود ...؟ لي متى عاد .. !

نفس الي عندي بالضبط

انا صار له اسبوع ويومين لا اتصال ولاخبر ادق وادز مايرد ابدا

سبحان الله حتى نفس الاخلاق والتصرفات اعوذ بالله قطيعه تقطعهم

وانا ماغير اراكض له واراضيه واطنش وكاني مااسمع

اليوم اتصلت 3 مرات ودزيت مسجين ولاحياة لمن تنادي

 

[عجمية ماتهاب]

هذي سوالف الربع وما تسوي
وعلى قولت ديانا سبنسر وعسى ان تكرهو شيئا وهو خير لكم
الله يوفقج وييسرلج امووورج يااارب

 

[شــــــــــــــوقــــه]

لا حول ولا قوة الا بالله محد يعرفله والله

بس بعد على قولتج وضحت الصوره اكثر من كلمه ما ارتاح لج شنو يعني

و المشكله هم ما قال و وضح يعني بيهدج ولا شنو راح يسوي !

مالج الا الله صبري على ما يقولج شي تفهمينه

وَبَشِّرِ الصَّابِرِينَ * الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ *
أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ

 

[BeBa Q8]

مشكورين كلكم ماقصرتوا على اهتمامكم ،،، امداومة ومونايمة وراسي بينبط :23_asmilies-com:

بخصوص اهلي انا بنطر يومين بالكثير ثلاث وافهمهم السالفة ،،، بعد مو حلوة انطر اكثر والا اهله داقين واهلي مايدرون وين الله قاطهم ،،، وما راح ادزله مسج ان بقول حق اهلي ولا شي جني اقول ها رد عن قرارك ! لا يبا لي اهني وكافي،، بعد ليش اقوله انا ماقصرت عطيته فرص وايد ،،، ماسوا شي طول ما انا ساكتة ، بيتحرك حزة لما اكلم اهلي ،،، كيفه ذيج الساعة خل يتفشل و يبتلش فيهم !​

 

[ام الذوق]

الله يفرجها عليج ياااااارب ويشرح لج صدرج ويكتب لك الخيره ياقلبي

 

[حلاتي بديرتي]

واااي قلبي وااااايد معورني عليج
والله كفيتي ووفيتي اختي ما عليج قصور
بس نصيحه بس سوي هذا آخر شي ... عشان بس عقب يكون قرارج سليم وردج مضبوط
صلي استخارة في الموضوع كله من الإنفصال وانج تكلمين اهلج ..وبسسسسسسسسسسس
صبعا مع الاستغفار والدعاء ان الله ينور بصيرتج .. والله ان اي شي بتسوينه عقب راح تكونين مرتاحه
وعسى الله يهديكم .. طمنينا عليج

 

[anome]

الله يفرجها عليج ياعمري ضيقتي خلقي عليج بس اقول عسى ان تكرهو شيئا وهوا خيرا لكم الحمدالله على كل حال بس انت كثري الاستغفار بنيتة ان الله يهدية

والله يكتب مافيه الخير لج والله
الله يكون بعونج وعسى انشاءالله تصافه القلوب

 

[Miss.6Mo7]

عين مآصلت على النبي


الله يفرجها عليج حبيبتي

 

[مهفهفة]

بيبا ما كان المفروض تتصلين !

غلط ..

مع تصرفاته معاج بالفترة الاخيرة ماكو شي يدل على انه اتصالج بكون لصالحج !

مابي الومج

بس والله يوم قلتي اتصلت ورد معني مو معنه هالخطوة بس فرحت لج

ضاق خلقي يوم قريت كلامه وطريقة تجاوبه معاج

باين انه بايع

خلاص انتي ابدي الخطوة الاخيرة دام الموضوع وصل لي هالحد وما فاد معاه لا ثقلج ولا اهتمامج ولا اي طريقة !

انا معاج باستغرابج تغير فجأة من حقج تستغربين ويمكن هذا الي يضايق اكثر

لو الامور من اولها مو ماشية زينة الواحد ما يستغرب ويتحسف بس الامور كانت زينة وفجأة قلبت

يا انج ادزين مسج بصريح العبارة : تبيني ولالأ

او تبلغين اهلج وتتشاورين معاهم وتحطينهم بالصورة واهم صدقيني تلاقين ملاحظين بس ساكتين

وتوصلون لنتيجة مرضية باذن الله

وعسى ان تكرهوا شيئا وهو خيرا لكم

والخير فميا اختاره الله

محد وده يمر بجذي تجربة .. وصدقيني مو لعلها خيرة اكيد خيرة

يمكن من صالحج انه الموضوع ينتهي بالملجة ولا عقب الزواج

اظن اهو واضح برايه والدليل انه عاده لج واهو هادي يعني مومعصب الي نقول قال كلمة ما ثمنها

والله الواحد ما يتحسف عليه كثر ما يتحسف على نفسه الي ضيعها وهاذي تاليها

بس والله كله خير حطي ببالج انه كله الي يسير لج لو ما يوزلج بس اهو خير .. بترتاحين

وانشالله يارب أي تغيير يسير لج يكون للأحسن

 

[شنوووفه]

رد : للصبــــر حدود ...؟ لي متى عاد .. !

واااي حبيبتي والله قطعتي قبلي مبين علييج خووش بنيه والله وكافي انج فرفوشيه واجتماعيه مايحمد ربه
بس انا اقوول لاتتسرعيين عله الاقل دزييله مسج وضحييله انج بتعلميين اهلج علشان يكوون بالصوره ولاتحاتين مافي الا الخير انشالله
واذا كااتب لج نصيب معااه بتكملوون واذا مافي الله يرزقج بلي احسن منه الي يحترمج ويقدرج
وطمنينا حبيبتي موفقه

 

[dectora 7elwa]

سبحان الله
ساليه انت قلت مومرتاح واشلوم اتم معاج واجاملج يعني شنو تقصد وشبتسوي الحين
خليه ينطقها عشان لحد يحط الغلط عليج وعشان لما تكلمين اهلج تقولين اهو قال هالاكلام موبس ايحاات وهم لا تستعجلون ان شاء الله تكون سحابه صيف والله مو هاين علي دقرتج
الله لا يكب شفاتج ويسمعنا عنج كل خير يارب
ادعي ادعي ادعي
اللهم لامانع لما اعطيت ولا معطي لما منعت

 

[dectora 7elwa]

عادي خل اهله يدقون واهلج ما يدرون خل تجي منهم
تدرين اذا هو عايف حتى المهر لج
انا ادري الفلوس مو مهمه بس خليه ا للي ابيه محد يحط الغلط عليج بمجتمعنا النظره للمطلقه شوي صعبه

 

[BeBa Q8]

الله يفرجها عليج ياااااارب ويشرح لج صدرج ويكتب لك الخيره ياقلبي

بعد عمري والله العظيم اني محتاجة اسمع هالكلام الطيب منكم اللي يبرد على قلبي
ماقصرتي