للخبيرات ... عجينه البيتزا ....

[jolie_q8]

السلام عليكم بنات منتدانا

بما اني توني مبتدئه بالطبخ

قررت اتطور واسوي معجنات ...بس للاسف اغلب المقادير تكون كميات كبيره مثلا جيس كامل طحين !!

يعني بصراحه ما اتجرأ اسوي جيس كامل

فودي اسوي عجينه حلوه وهشه بمقادير قليله يعني كوب او كوبين طحين ..مو غلط !!

طبعا العجينه اللي ابيها تكون للبيتزا والمعجنات

فياليت الخبيرات يساعدوني ... ويطلعون مافي جعبتهم


وشكرا

 

[كويتية بالغربة]

مشاركة: للخبيرات ... عجينه البيتزا ....

هلا والله جولي في عجينة العشر دقايق والله تهبل انا ماضبطت معاي المعجنات الا فيها
وكل من ذاقها اخذ مقاديرها وانا اسوي فيها كل شي
خلية نحل وفطاير بجميع الحشوات وسينامون وبيتزا ماكواحلى منها
بس اهي 5 قلاصات طحين اذا تبين اكتبها لج حاااااااااااضرين

 

[bnt q8 in usa]

مشاركة: للخبيرات ... عجينه البيتزا ....

ياريت تكتبينها اختي كويتيه

 

[كويتية بالغربة]

مشاركة: للخبيرات ... عجينه البيتزا ....

حاضرين bnt q8 in usa
ماطلبتي شي

المقادير


فنجان قهوه سكر , 2ملعقه اكل خميره .كاسين دقيق

ذره ملح ,كاسين ماء دافي

الطــــــــــــريقه .........

تخلط هذي المقادير مع بعض وتترك لمده عشر دقايق بس لاتزودين

بعد العشر دقايق يضاف لها 3كاسات دقيق ,ونصف الكاس زيت وتعجن

وانا من عندي اقلل من الطحين 6ملاعق واحط بدالهم 6ملاعق حليب بودرة

وطبعا انخل الطحين والحليب
وانا اعجنها بالعجانة تطلع احسن كثير من لما اعجنها بيدي

وبس تخلص اشكلها مثل ماابي

وبهالكمية اسوي خلية وبيتزا وفطابر زعتر ومرات هم سينابون

ان شاالله تعجبكم

 

[^^دموع الكويت^^]

مشاركة: للخبيرات ... عجينه البيتزا ....

هلا وغلا جولي


مبروك التقدم ... عاد خلينا نشوف الصور



وانا كنت يايه بكتب عجينة العشر دقايق انا ما جربتها بس وايد يمدحونها

 

[كويتية بالغربة]

مشاركة: للخبيرات ... عجينه البيتزا ....

دموع الكويت انصحج تجربينها رووووووووووعة

خصوصا الخلية والله كل مااسويها مايخلون ولانتفة

 

[السفيرة عزيزة]

مشاركة: للخبيرات ... عجينه البيتزا ....

شوفي حبوبه
تقدرين تسوين اي طريقه
و اخذي نص المقادير
يعني اذا مكتوب كيس طحين
حطي نص كيس

و انا عن نفسي للمعجنات
هالايام انا هابه بمقادير دموع
وايد ضابطه معاي
و تهبل

اضغطي هنا

جربيها عجيبه

 

[سمسميه]

مشاركة: للخبيرات ... عجينه البيتزا ....

جولي انا اسوي المقدار كامل وبعدين اقسم العجينه كور واخشها بالفريزر وكل ما ييت اسوي اطلعها بره شويه لما تفج من الثلج واسويها جنها يديده تهبل
وهالطريقه تنفع للطواريء

 

[السفيرة عزيزة]

مشاركة: للخبيرات ... عجينه البيتزا ....

خوش طريقه سمسميه

احسن بعد
بس اعتقد اول شي لازم تكون العجينه ضابطه معاج

مو تسويين وايد و تتوهقين

 

[سمسميه]

مشاركة: للخبيرات ... عجينه البيتزا ....

انا ماشيه على هالطريقه من سنين والمقدار ضابط معاي والحمدلله

 

[jolie_q8]

مشاركة: للخبيرات ... عجينه البيتزا ....

كويتية بالغربة

مشكوره على الطريقه ... بس هم المقادير كبيره !! اخاف ما تضبط

ليش اول مره اسوي عجينه


^^دموع الكويت^^

اكيد بصورها لكم ...بس خل تضبط وياي العجينه ... بجرب عجينه الوالده

السفيرة عزيزة

مشكوره على الرابط ... انتي ضبطت وياج ؟


سمسميه

خوش طريقه... بس اي عجينه تضبط وياج ؟؟


bnt q8 in usa

شاكره مرورج

 

[السفيرة عزيزة]

مشاركة: للخبيرات ... عجينه البيتزا ....

جولي اضبطت معاي 100%

و خواتي كلهم يسالوني عنها

 

[كويتية بالغربة]

مشاركة: للخبيرات ... عجينه البيتزا ....

جولي انا ضبطت معاي وكنت اول مرة اسوي معجنات
وحتى حماي ذاقها وقالي انت طباخة من كثر ماعجبته

 

[jolie_q8]

مشاركة: للخبيرات ... عجينه البيتزا ....

عيل شجعتوني

نصايحكم ... بليز

اشكثر تخمر ؟؟

وعقب ما اسويها دوائر اشكثر يبيلها ؟

والا على طول ارقها ؟

 

[جارة القمر]

مشاركة: للخبيرات ... عجينه البيتزا ....

jolie_q8

هلا حبيبتي

شوفي لم تعجنينه غطيه بفوطة وخليه بالفرن تقريبا من نص ساعة تقريبا ساعة ونص أو أكثر


ولم تسوينه دوائر خلية شوي وبعدين رقيه

وشوفي هالرابط فيه طريقتي بالعجينه



رمضــــان قـــرب000كــل عــام وأنتــم بخيــر


والطريقتين أنا مجربتهم

 

[jolie_q8]

مشاركة: للخبيرات ... عجينه البيتزا ....

مشكوره

حبيبتي ..ماقصرتي

 

[جارة القمر]

مشاركة: للخبيرات ... عجينه البيتزا ....

jolie_q8


العفو
وأن شاء الله تطلع خووووش معجنات يارب


وأقولج شغله

سوي خلي العجينه مدور وحطيه بالفرن

عقب ما تطلع فتحيه وحشيه باذنجان وبطاط مقلي ومدور

تطلع نفس الصمون اللي ينباع


وأقولج شغله الفطاير قبل ما دخلينه الفرن

أدهنيه بحليب كارنيشن وحطي عليه شوية سمسم أو حبه سوده

ودخليه الفرن

يطلع لونه عجييييييييب

 

[jolie_q8]

مشاركة: للخبيرات ... عجينه البيتزا ....

ومنكم نستفيد

شكلي باجر بجرب

 

[جارة القمر]

مشاركة: للخبيرات ... عجينه البيتزا ....




أن شاء الله تطلع رووووعه

 

[سمسميه]

مشاركة: للخبيرات ... عجينه البيتزا ....

جولي ضبطت معاي الي فيها كيس طحين كامل بس مو ذاكره باجي المقادير