للخبيرات بالرجل ... ليش زوجي ما يقول اسمي جد والله اسأل الي ماره عليها السالفه ترد

[شيوخه @]

طبعه محير





اشكر كل من رد علي واحس ليما اللحين ماعرفت ليش محد عطاني اجابه معقوله عبالكم الموضوع هين تقولون كله اسم بس والله لو تكونون بمكاني بتموتون قهههههرررررر يعني ليش اسمي اف والله بلشه هالرجال







شرااااايكم اهفه بوكس هاااا شتقولون






لوووووووووووووووووووووووووووول

 

[sanforty a7bch]

حالت زوجج غريبه اول مره تممر علي هسالفه ,قولييله عندي اسم لول

 

[اميره1980]

لا تستغربين
ترا انا معاي العكس ريلي يناديني و انا ما اناديه
يعني مثلا اقوله اقول او عفيه خلنطلع او شوف التلفزيون و جذي و نادر ما اناديه و اسويها و اناديه اذا كان بعيد عني مثلا في بيت اهلي او بيت اهله

 

[فركيته]

قوليله على سبيل الغشمره انا ناويه اغير اسمي اذا سأل ليش قوليله لان ثقيل بلسانك بسمي نفسي مي والا في اسهل بالنطق شوفيه شيقول

 

[شذا الياسمين]

حبيبتي انا اول ما اتزوجت ماكان يقول اسمي بس كان يقول تعالي - هاتي .. ولما قلت له قال موقصدي تطلع تلقائي وصار لما يبي شي ما ارد عليه الا لما يقول اسمي طبعا اقولها عن ضحك قول اسمي اول بعدين أسوي اللي تبي لين صار يقول اسمي كل مرة ..لووول ..

 

[شيوخه @]

مشكورين عالرد كلكم



ويسلموو

 

[قطوووة]

انا بعد نفس السالفة احيانا وينج وساعات يامره ولما ارد عليه نعم ياولد يبقق عيونه زعلان ولما اساله ليش مايناديني يقول اسمج اصلا دلع مع ان لما خطبني قال لي لما يرزقني ربي بنت راح اسميها على اسمج لانه ماحد يقول انه شين سبحان الله
ولا الي يرفع ضغطي لما نكون بمكان عام سوق او شيء يناديني عبد الرحمن واحيانا محمود

@@ هههههههههههههههههههههههههههههههههه

 

[Freakya]

ريلج مو طبيعي

لازم تعلمينه ينادي اسمج

لي عاد الكرة قولي له ما عندي اسم تناديني فيه

او طنشيه ولا تردين عليه

حسسيه انج متضايقة من هالشي

 

[Tom ♥ Jerry]

.


عادي وآيد رياييل دي
صفي النيه مو قصده شي .! أو يقهرج

و اذا انتي مقهورة من السالفه لهالدرجه
قعدي وياه وطلعي الي بقلبج

 

[$$درر والماس$$]

أنا نفس حالتج والله أنى نسيت أسمى لدرجة امسك بنت الصغيره وأخليها تردد أسمى جدامه ابى يحس بس ماكو فايده


وانا العكس مليت من كثر ما اقول اسمه

 

[قطوووة]

لاحظت شيين
انه خجؤل

ؤان مؤ برؤحج تعانين هالشي


يعني اهؤ زين ؤياج مؤمتعمد

 

[تآعِبنْ قَلْبِيْ]

لووووووول حتى زوجي مايقول اسمي واذا قال اقول عيييييده ماستوعبت شقلت

 

[شيوخه @]

اهو زين بس شينقص منه اذا قال ههههههه ودي ما اقول اسمه واقهره بس استانس اذا نطقت بحروف اسمه يمه يجنن والله اموووووت عليه وقمت احب حتى اذا زفني بس عشان استمتع ليما يحط عينه بعيني


ههههه مجنونه صح شسوي اعشق ترابه احبه عشان جذي محسسه من سالفه الاسم

 

[شيوخه @]

والله والله من جد مشكورين الي يردون علي حسستوني اني مهمه ههههه وبعدين احس اهني مشالله الكل فاهم بعض




احبك يامنتدااااااي الغالي



فديت كويتياااات انا امووواح هاذي لكم

 

[شيوخه @]

قطوه فديتج حبيبتي

 

[اخت خالتهم]

جربتي مرة تقولينله فلان ودي أسمع إسمي من لسانك قولها و تحرشي خل يقولها
وبعدين قولي دلع اسمي
تحرررشي بدلع

 

[ليتني مـآ كبرت]

ذكرتيني بوحدة أعرفها مستحيل تقول اسمي
آْنـَا مانتبهت ألا بعد فترة
وقلتلها قعدت تضحك ماعطت رد مقنع
بس بصراحة كشيت منها حسيتها معقدة

 

[شيوخه @]

ياكثر ما اقول بس تجي فترااات امل جد انا اللحين مليت منه من زمااااان ما جبت له طاري بس تعرفون بيني وبين نفسي متضايقه

 

[shy rose]

صح أنا أعرف وحده بعد ريلها مايقول اسمها واذا يبي يناديها يقول ... وينج...أحاجيج....أقول
واذا يبي يقعدها من النوم يقول لها .... ها قاعده؟!!!

الله يهديهم ويصلحهم هالرجاجيل

هههههههههههههههههه اما عااااااااااااااااااد:d

 

[ذهب.]

عادي ابوي عمره ماينادي امي بسمها وكنت استغرب منه وبعدين اخوي طلع نفسه ما ينا دي مرت واذا يبي شي يقول وينج اويطلب من غير ما يناديها وبعدين عرفت ان يستحي يناديها جدامنا واتوقع ويراثه من ابوي لوووووووووووووووووووووووول