للحوامل كلهم .. والقيصريات خصوصاً .. تجاربكم

[انجبر قلبي]

انا عطوني طلق صناعي باسبوع 37 لان اخر مراجعاتي كله ضغطي مرتفع


و قالت لي الدكتورة خلينا انزل ضغطج ونولدج قبل لا اييج طلق مع ضغط مايمدينا انسوي شي


عطوني تحميله طلق صناعي و طولت ما انفتحت بسرعه


و لمه عطوني التحميله الثانيه عقبها بنتي تعبت و ضعف نبضها و حولوني قيصري عشان يلحقون عليها

بصراحه تجاربكم اتخرع ودي اولد بس بالصباح اشان يصبرون علي ولا اصير قيصرية ثانيه

 

[ارتقاء]

اناولدي قيصري لانو صابني زلال تسمم حمل وطوفت موعد ولادتي الله يعين ان شاءالله حملي هذا طبيعي.دعوتكم.:yaaaaaarb:

 

[احلا ليان]

انا عندي ولد وبنت كلهم طبيعي بس الحمل الثالث ولدت قبل اسبوع الحمدلله رحت للمستشفى وانا احس بالام خفيفه زي الدوره وقالت لي الدكتوره اني مفتوحه ٢ سم وداخله العاشر لي ٩ ايام المهم من فرحتي ان الرحم مفتوح كل شوي يقيسون والطلق ينتظم و كل شي اوكي والالم مرررا خفيف*
و١٨ ساعه وانا اتولد والطلق تمام بس اخر شي حطولي تحميله لاني طولت ولافادت اخر شي فتح ٧ سانتي وسوولي توسيع لحد ١٠ واخر شي نشبت النتفه وعيت تطلع ويرتفع الراس مره ثانيه من بعد ماكان نازل سبحان الله اخر شي ضعف النبض و خافوا علي البيبي وينادون الدكتور وانا اسوي بوش وهم يهوشون وانا مو قادرة المهم ودوني العمليات و الدكاترة يقولون للدكتور انتظر شوي يمكن تطلع بدون عمليه ويفحص وقال لا الراس ارتفع فوووق استغفر الله حسيت كأن شي رادها و لا يبيها تطلع*
طبعاً نفسيتي الحين زي الزفت لان جربت الطبيعي واحس المفروض اكون طبيعي بس الحمدلله وان شاالله اخر مره اجرب العمليه فرق كبير بينها وبين الطبيعي*

 

[بابريكا]

يا رب كل اللي اولدو بقيصريه تكون ولادتهم اللي بعدها طبيعي يا رب والحمدلله على كل حال

 

[سوزي الشرقية]

اني رحت المستشفى ومعاي طلق وفي البيت نزل مني دم ولمن وصلت رحمي مفتوح 2وبسرعه نزل علي الناس صار زلزالا قوي الم طلق شديدة جداجداوبالاخير قررووو لي عمليه حوضي ضيق والبيبي دبدوب ولانزل بالحوض وعانيت من الطلوق والم العمليه

 

[سكرة هانم]

لاحظت اغلب البنات ما يفتح الرحم شنو السبب ياتره الحركه الاكل شنو بالضبط ؟؟
وشايفه برنامج عن مصر بعد زايده فيها نسبه القيصري ومحتارين هل من الدكاتره عشان البوق او صحه بنات هالايام لج عليها !!!


ادري شطيت بس هالموضوع واايد بالي

انا انبط الماي بالاسبوع الثاني ماكو طلق ولا فتح الرحم ومع الطلق الصناعي وقف نبض البيبي اسعفوني ولما رد النبض انا طلبت القيصري واصلا دكتورتي من اول التاسع ملمحه عالقيصري الله يسامحها لو قايلتلي اشكره موفره علي الخرعه والعذاب