للحكيمات فقط

[أحـلام * ورديـة]

رد : للحكيمات فقط

اخذي تلفونه من غير لا يدري وسجلي الارقام عندج ومسحيهم من تلفونه

ودقي على البنت الكويتيه وهدديها بانج تعلمين اهلها

والسعوديات كذلك وشوفي شيصير

 

[محسن ولدي]

دقيت عالسعوديات مايردون
اما الرقم الكويتي كلمتني وسالتها شكلها ناسيه من كثر من تكلم
حسبي الله عليه وعليها

 

[محسن ولدي]

الله يفرج كربة كل من ردت علي ويرزقها بكل اللي تبيه

 

[*peace*]

خلج غامضة
كأن عندج شي مولازم يعرفه
خليه يشك عشان يحس ويعرف اللي يسويه فيج

مادري يمكن محد يوافقني
بس لو انا محلج الله لايقول جان بسوي جذي

دولي انا معاج اوافقج الراي

حبيبتي خليه يشك فيج عشان يحتر ويموت قهر

بس انتي لاتكلمين من صجج عاد لول

ادعي ربج

 

[om-yasoof]

شوفي يا قلبي اول شي هذي مصيبة والله يأجرج بمصيبتج هذي
بعطيج حل وبينفعج بإذن واحد أحد
1- بينيله ان موضوعك طاف وانت ما هميتني بس " بدون قلة أدب "
2- تكشخي وتعطري دايم ولو ماكان يبي .....
3- سوي روحج انج مهتمة بعيالج وأهلج ومالج شغل فيه "" موتهملييينه " بس تجاهليه شوي
4- عقب هذا كللله تعاليله عقب جم يوم وقوليله بأسلوب حلو أن ليش تسوي فيني جذي ؟؟ أنا أحبك وأعزك وما أخونك ليش تأذيني بهالحركات


بس أنا اسفة اسلوبج كان غلط من أول شي ما كنتي لازم تقوليله لازم تيليه بطريقة ثانية اذا تبين الطريقة راسليني ع الخاص



وأسفة ع الإطااله .. وتقبلي مروري

 

[أو عبوش]

صراحه وقح

بس الحين مابيدج شي

غير الدعااااااااااااء

الدعاء يرد البلاء

الله يهديه

ويرده لج ومايشوف غيرج




الرجال دايما يخاف على عرضه
قوليله ان اللي يتتبع عورات الناس الله يوريه يوم بعرضه............ ومن زنى راح ينزني في اهله ولو كان بوسط داره....

طلعي الاحاديث الشريفه اللي تدل على جذي مو حافظتهم ووريهم اياه

دايما رددي قدامه الله يستر علينا وعلى بنات الناس واعراضهم...... خوفيه

 

[جــــاذبية]

رد : للحكيمات فقط

أول شي هدديه بالفضيحة لأن الرجال مايحب ويخاف من الفضيحة
وثاني شي قوليلة أنا سكت المرة الأولى مو خوفا منك ولا أحد غاصبني عليك أنا سكت برضاي وطوفت المرة الأولى ولايطري على بالك إني بسكت مرة ثانية أنا الحين قاعدة أجمع هداياك لي عشان أردها لك مربوطة بخيط الفراق وعامليه ما كإنه موجود اللهم إن كلمج ردي عليه ببرود ولا كإنه هامج وإذا سألج عن السبب قوليله ماعاد أحبك بديت أكش منك وبعدها بكرهك وراح أسوي إللي في بالي (طبعا بالج فاضي ماعندج ماعند جدتي) تهديد لا أكثر ... فهمتي علي ...
وإذا سالج شنو إللي في بالج قوليله كل شي بوقته حلو ولكل حادث حديث وقوليله بإسلوب بارد ومن غير نرفزه(كل جرح فات لي منك هدية ... وش بلاك تخاف من رد الهداية) والله راح يختبص وعلميه إن كان كبير بعينج وإنج مومصدقة إللي صار مهما شفتي بعينج هم بعد ماراح تصدقين على إنج واثقة فيه وقوليله دخلت الشك بيننا والثقة إنعدمت بيننا وللأسف ماشيت واطيات وطوك من عيني عقب ماكنت كبير بعيني ...
وعلميه خل الواطيات ينفعونك لا إنهدم بيتك وشتت عيالك ترى إنت بالنسبة لهم واحد من ألف كلب من إللي عندهم ...
وإذا إنت شايف هذا الشي عادي عندك أنا بسويه وبشرط أعلمك ومالك شغل فيني حسسيه بهالشي إن غلط ...
والله أنصحج من كل قلبي ...

 

[جــــاذبية]

رد : للحكيمات فقط

أحلام وردية الواطيات يخافون من التهديد صح أنا معاج بس المشكلة مو فيها المشكلة بالزوج نفسة هذه المصيبة ..
وبالنسبة لصاحبة الموضوع دزيله هالمسج وصدقيني بيرجع لج إن شاءالله إذا كان في طيبة ويحبج صج ...
( دنياي ماعاد أشتكي من رداها ... أو أقول شاللي يبي يجيني من أعداي
ليت البشر مثل الكلاب بوفاها ... ماكان شفت الغدر طول مسراي
دنياي تغدر شي عادي معاها ... بس المصيبة لا غدر سيـــف دنيـــاي )
والله أقولج مثل ماسويته لأختي الكبيرة ورفيجة إختي بعد والله دعولي لأني مريت بهالتجربة ومافي رجال مايخووووووووووووووووووووووووون ...
إذا فيه رجال سيدا أنا أطلع العوجة ...

 

[صديق وقت الضيق]

بصراحة شي يقهر بس اذ زو جك عنيد وما يتقاهم طنشيه وادعي ربك يكفيكي شر بنات الحرام

 

[Om NoOoRa]

وقح
وماتنفع معاه المواجهه
عامليه بالحقران هالاشكال ماينفع معاها الا الحقران
واذا رن تلفونه خليج عاااااادي
حسسيه انه نكره
انه شي مومهم عندج
وانتي كثري طلعات ولبس مع خواتج وزيدي حبتين الكشخه والتلفونات مع رفيجاتج
وهالموضوع لا تيبين طاريه مره ثانيه ولا كأنه صار
راح يموت من القهر صدقيني

 

[كلي جروووح]

الصراحة الله يعينج يا أختي والله والله انه خنقتني العبرة بس شنسوي اذا مالت الدنيا علينا وما بيدنا شي نسويه لازم تدخلين احد من اهلج يحل الموضوع و يحط لزوجج الوقح حد ماكو الا جذي

 

[ميموته]

رد : للحكيمات فقط

مااعليج من كلاام البناات اللي يقوولوولج تركي البيت ورووحي عند اهلج كلش كلش ما أأيد ... بالعكس جذي راح تعودينه على فراااقج يعني على كل زعله بترووحين بيت اهلج تراااآآ ماارااح تفرق ويااه لانه تعود ...’’’


فإذاااآآ تبين نصيحتي قعدي معاااهـــ وكلميه وقوووليله ششنووو اللي خلااههــ يكلم بناات ...واذااا ماا فااآآد معااه حقريه وخليهه اهو والطووف وااحد واذااا قاالج شفيج قوووليله اناا قااعده موو عشاانك عشاان عيااالك وان شااءالله ربي يسخره لج ويهديه
وعليج بالدعاااء اختي والدهاااء وقرااءة صوووره البقرة بالبيت وااايد زينه

تقبلي مروووري حيااتووو

وصدقيني انتي رااح تكبرين بعينه

 

[ســتارز]

اهم شي لاتحطين راسج براسه اهو غير وانتي غير

تبين تعيشين بسلام انسي هالسالفة لا تذكرينه فيها وعيشي حياتج

تلقينها مكالمة طايشة وانتهت ويمكن حس عقبها بغلطته

الله يوفقج ويسعدج معاه

 

[ام المزيووون]

بصراحه زوجج وقح وما يستحي يمكن مالقا منج العين الحمرا والله مادري شقولج مابي اشيشج بس يبيله وقفة رجال تبينله انج منتي لعبه عشان ما يستهين فيج والله يهديه0000

 

[Rinoa]

كبري عقلج ولا تشغلين نفسج فيه..
لو انج ظليتي على عماج اهون ​

 

[الوردة المكنونة]

عزيزتي اختي مرت بنفس تجربتج واكثر من مره وبصراحه بر طبيع ما يوز من طبعه كل ما تكلمة يقولها اسف وما عيدها وبعد فتره ترجع ريمه لعادتها القديمه لين وصلت حدها معاه وراح اقولج شنو سوت بالضبط

تطلع مع رفيجاتها وتزور اهلي وما ترد البيت الا الساعه 12 بالليل بالعطل وايام المدرسه ترد مبجر تنوم عيالها 8 وتنام معاهم بالغرفه وترد على قد السؤال اذا قعد بالصاله قعدت بالغرفه تسوي اي شغله اذا دش الغرفه تطلع المطبخ وجذي طبعا في البدايه سوى نفسه مو مهتم وتمت على هالحال شهر ما تخلي يلمسها وطبعا هالنوع من الرياييل اللي عيونهم زايغه اينون اذا المره ما خلتهم يلمسونها وبعد تكشخ اخر كشخه بالبيت الريال ين عقله يودي وييب كل هالكشخه ومو قادر يقرب وتطلع على كيفها ودش كلمها بصراحه قالها انا احبج شفيج علي كان ردها بسيط جدا ما لفت ولا دارت كل اللي قالته انا بصراحه اخاف على صحتي وانت ريال خرابيطك وايده وانا اخاف من هالامراض دامك تبي تخربط اخذ راحتك بس انساني انا بالبيت حق العيال وبس ين وقام يتعذر وتوبه واللي شفتي رقمها بس بالتلفون ما اطلع معاها ومن هالكلام قالتله خلاص خلك على راحتك كلم لين تشبع واطلع على كيقك وهو يتعذر ويحاول يراضيها اسبوع كامل يالله حنت عليه وسامحته وبصراحه تقريبا طاف سنه والريال ماشي سيده والله يعينكم ان شاء الله تنفعج طريقة اختي

 

[روحي زوجي]

رد : للحكيمات فقط

تبين نصيحتي عيشي حياتج لا تخلينه ضمن اولوياتج اللهم واجباتج الزوجيه لاتقصرين فيها وحتى اذا طلبج خلي الوضع عادي وعالسريع بس من غير ملل

اكشخي التهي باي شي وانتي موظفه ماشاء الله يعني عندج وقت قصير حيل بينج وبينه لقعد بغرفه لاتقعدين فيها سوي نفسج مشغوله بشي واهم شي تكونين على سنقة عشره ونص دايم كاشخه خليه يحس ان وراج شي مغنيج عنه ولا انتي بحاجته وقتها راح اهو اللي يدور رضاج

انا كنت اسوي هالشي والحمدلله تتعدل الله يديم علي السعاده ويخفف المشاكل او يبعدها عني وعن زوجي يارب

طيعيني وادعيلي اذا تبين شي اكثر طرشي لي عالخاص وماراح اقصر فيج
الله يسخره لج يارب ويبعده عن الحرام ويخليه لج ولعيالج بس ااااااااااااامين

 

[fdeet_shosho]

الله يعينج يارب - صح المفروض ماتواجهينه الا اذا انتى واثقة من تصرفج عقب المواجهه بس شتسوين بعد امرج لله
ادعى ربي يسخره لج ويهديه - واللى تقول البسيله واكشخي ترا بارتكب جريمه !! تعصبنى هالكلمه
التهي بولدج ولاتعطينه وجه وخلج ساكته نهائي اى شي يبيه عطيه اغراضه وانتى ساكته بس لاتبينين انج منكسرة بالعكس اذا كلمتى تلفون اضحكي وسولفى واستانسي بس معاه خلج رسميه - وبالاخير ان شاءالله بيعتذرلج ويرد

 

[زوجي كويتي]

شين وقوي عين

ياهالرجاجيل بعضهم وقحين بشكل

اعوذ بالله منهم

مالج غير ربج ثم نفسج وعيالج

مثل ماقالولج البنات

طنشيه لاتحطيله اي اهتمام

واذا قالج شفيج متغيره ليش جذي قوليله

اذا عرفت تهتم فيني بعرف شلون اهتم فيك

شيليه من راسج عيشي لنفسج

 

[om ragad]

رد : للحكيمات فقط

انا انصحج بالدعاااااااااااااااااااااء ثم الدعااااااااء ثم الدعاااااااااااااااااء

ومن ثم حسسيه انج زعلانه كشخي ولبسي والعطرررررر اهم شي تراها بيموووت قهر

وان كلمج حسسيه ان عقله اصغير وبينيله انه هذيل وقحات ويضحكون عليه وذكريه برب العالمين