للحكيمات فقط

[محسن ولدي]

حبيباتي ابي مساعدتكم
توني تكلمت مع زوجي وصارت مشكله
بقولكم السالفه
امس بليل فتحت تليفون زوجي ورحت للاسماء وشفت ارقام مخزنه باسامي غريبه
وخزنتهم عندي واليوم الصبح دقيت عالارقام في بعضهم ارقام سعوديه وبعضهم كويتي
الارقام السعوديه ما يردون والكويتي كلمتني بنت مايعه
رجعت من الدوام وقعدت مع زوجي وولدي لي الساعه 5 عادي بعدها زوجي دش يتسبح يبي يطلع انا دخلت وراه وكنت تعبانه من قولوني قالي تبين اوديج المستشفى قلتله لا ابي اسالك عن رقم
قال شنو وقلتله رقم البنت اللي كلمتها قال ماخذته من تليفوني وطلع حافظ الرقم انا قلت اول ثلاث ارقام وهو كمل الباقي المهم قال تليفوني تحت بجيبه واجي
ونزل يعدها ب5 دقايق جاني فتح الاسماء قالي شوفي وقال يهذا رقم بنت وهذا وهذا وهذاشنو تبين تسوين كيفي
بس اللي تسوينه وقاحه تفتحين تليفوني وتاخذين الارقام قلتله وانت اللي تسويه شنو قال كيفي ونزل تحت
يابنات تعب وربي تعبت ساعدوني بالنصيحه تكفون طالبتكم

 

[shwarveske]

الحين انتي شنو استفدتي لم واجهتي زوجج الحين بكلم عينك عينك

مو كل الرياجيل تنفع معاهم المواجه الحين الله يعينك مالج ألا الدعاء ونصيحه ألي تفتش ورا زوجها تتعب لو قاعده على عماج ابرك

ما اقول ألا الله يعينج

 

[cute00]

الله يعينج ياااارب

 

[محسن ولدي]

يا اختي انا انجنيت مسكته برمضان وتاسف وقال خلاص والحين رجع هلي تكلم بس شسوي والله العظيم تعبت نفسيا وجسمس وقولوني تعبت ابي شسوي معاه

 

[shwarveske]

الحين انتي شنو استفدتي لم واجهتي زوجج الحين بكلم عينك عينك

مو كل الرياجيل تنفع معاهم المواجه الحين الله يعينك مالج ألا الدعاء ونصيحه ألي تفتش ورا زوجها تتعب لو قاعده على عماج ابرك

ما اقول ألا الله يعينج

 

[Miss McDonald]

,
الله يعينج !
انسسسي اللي صآر شتسسوين بعد ,
وحآولي تغيرين من ريلج وتجذبين تجاهج ,
ولا تفتحين معاه سيرة آبد ,

 

[shwarveske]

اكشتي فيه لا تخلين محور حياتج زوجج والله تتعبين

 

[DooLy88]

وقح حقير وظالمج
الله ينتقم منه ان شالله
الخاين
عيني عينك يغازل
بنات مايعات صايعات

يعني عيب وحرام تففتشين تلفونه
وحلال ومسموح وعادي يغازل

قسم بالله ميتة من القهر

 

[محسن ولدي]

طيب شلون اتعمل معاه اللي سواه مو شوي

 

[DooLy88]

خلج غامضة
كأن عندج شي مولازم يعرفه
خليه يشك عشان يحس ويعرف اللي يسويه فيج

مادري يمكن محد يوافقني
بس لو انا محلج الله لايقول جان بسوي جذي

 

[فاقده ابوهاااا]

رد : للحكيمات فقط

والله اذا ريلج وصل لي هالدرجه بعد هذا عليه العوض يعني شالوقاحه يقول كيفي اشتبين تسوين ولا ينقد عليج انج فتحتي تليفونه فوق شينه قوات عينه الله يهديه وان شاء الله يرجع لصوابه ونصيحتي عامليه احسن من قبل واذا انتي كنت امقصره بشي عدلي الوضع وامشي معاه من احسن ما يمكن وشوفي اذا استمر بعد على هالوضع بس خلاص اهني تقدرين تقولين فينيتووووووو

 

[محسن ولدي]

ياحياتي مكشورين عالرد قاعده اكتب والنفسيه ...........
يعني لي جا شسوي اسكت عادي انا اعرفه اذا سوا شي غلط يضل تحت ما يصعد الا حزة النوم

 

[LA TROO7]

المفروض كنتي حاطه في بالج شنو راح تسوين بعد المواجهه يعني شنو الموقف اللي بتتخذينه !!

واجهتيه وبعدين ؟؟؟ قوي ولاعليه منج لانه عارف ان مردج راضيه وساكته

دامج ماتقدرين تتخذين موقف عالاقل تصنعتي انج ماتعرفين عن بلاويه عالاقل يحشمج ويحط لج قدر

لكن واجهتيه ولا اتخذتي موقف قووي سوري يعني طيحتي قدرج بعينه وراح يستمر بهالشي لانه مايهابج

انا مكانج بكل سهوله اكسر الجهاز بوجهه والم قشي لاهلي اخليه يعييف اليوم اللي فكر فيه يخوني
او دام ظروفج ماتسمح بهالشي مراح اواجهه او اتعبث وراة حفاظا على هيبتي قدامه

حاليا مالج الا تهددينه او تدخلين ابوج او اخوج يغسل شراعه وانتي قاطعيه لان رده بقمه الوقاحه بدل مايرقع يقول كيفي !

 

[محسن ولدي]

انا قبل 6 شهور راده من مشكله قعدة عند اهلي فتره طويله فماقدر ازعل بعد
حسبي الله ونعم الوكيل

 

[^^ريهام^^]

الله يعينج

اذا عندج بنات قوليله انت ما تهمني

بس تذكر ان عندك بنات خاف عليهم

الزنا دين

خاف الله يا ريال

 

[محسن ولدي]

عندي ولد مريض ودايم اذكره بالله ثم بولدي

 

[miss-winter]

رد : للحكيمات فقط

الله يعينج يارب زوجج وقح

 

[*صَبا*]

والله موقفج صعب

اخاف اقولج تجاهليه وهو يستانس وياخذ راحته

قعدي معاه
قوليله انا قصرت بشي

ليش تسوي جذي ؟!!

واذا كلش كلش مافاد

عيشي حياتج ولاتخلينه كل همج

 

[محسن ولدي]

الله يوفقكم ويهديلكم رجاجيلكم

 

[حلوه ولمآحه]

خلاص حبوبه انتي واجهته والي حصل حصل
الي الحين عليج انج تطنشينه لعبي مع محسن ربي يخليه لج وكلمي امج وخواتج ورفيجاتج واستانسي وطلعي معهم
وهو طنشيه ابدآ يعني اذا حاجاج ردي عليه بقد كلامه بس
وانشغلي عنه خليج شابكه وانشغلي على اللاب
والله يهديه ويسخره لج
بس هو ماينفع معاه المواجهه
فطنشي وخليه يحتار من تصرفاتج