للتغيير دخلوا

[محسن ولدي]

حبيباتي انا مليت من شكلي وعلى قولتهم ستايلي
انا عند حموله وكل لبسي دراريع واذا بطلع اخوالي او عمامي البس بدله طويله او دراعه حلوه
شعري اسود لي اخر ظهري بشرتي فاتحه
قوليلي ابي اغير من نفسي اشتنصحوني فيه يالذربات

 

[كاكاو كادبوري]

رد : للتغيير دخلوا

نا اقولج صبغي شعرج لون قامج ولبسي الدراريع الميد هالايام هابين فيها نفس القمصان تيي ميد مو قصير وايد وحاولي تغيرين الوان مكياجج حطي الحمره الحمره او الكرزي او الفوشي نوع من التغير يعني حاولي تغامرين بالالوان الفاقعه او الفاتحه

 

[شوشو العنزي]

مثل ما قالت صبغي شعرج وقصيه اذا حابه وغيري من ططريقة مكياجج

 

[Q8chibis]

رد : للتغيير دخلوا

طبعا قصة الشعر تغير شكل الوحدة 180 درجة
وغيري هالدراريع تكبر بالعمر
جربي لبس الجنزات مع بلايز طويلة شغل المشاغل

 

[محسن ولدي]

وبعد شرايكم

 

[منوه]

مثل ما قالو البنات قصي واصبغي
والبسي بدل تنانير وبناطيل وقصير وووو
والله يوفقج

 

[نفـــائس]

مثل ما قالو البنات واذا انتي مربربه شوي سويلج خلطات تخسييس مشي اي شي يحرق
لزوم النيو لوك
ربي يوفقج

 

[noody a&a]

رد : للتغيير دخلوا

حبيبتي إذا غيرتي فجأة الكل بيقولج شعندج ويتغير شكلج فجأة بنظرهم وتفرقين عليهم والحلو بالبساطة والنعومه وشوي شوي على خفيف لين يتقبلون شكلج غيري مثلا
إذا كان شعرج بني غامج فتحيه شي بسيط بني افتح وممكن الخصل تكون أفتح بدرجه من الشعر شوي علشان يبين طبيعي مو حلو الاوفر وحطي في بالج الألوان الغامجه حق الشتا وممكن تقصينه هم شي بسيط يعني مو قصير لا مدرج بس على طوله (إذا كانت يمعتكم تقطون الحجاب يكون بس حريم)

[/url][/IMG]


وإذا كنت تلبسين دراريع ممكن شوي تغيرين تلبسين نفانيف يكونون فيهم شغل بسيط ولا موديل بسيط وناعم (ممكن قصار وتحتهم ليغنز أو من دون ليغنز إذا بس حريم) أو نفس طريقة القفطان

[/url][/IMG]

[/url][/IMG]

[/url][/IMG]



مكياجج إذا كان ثقيل غيريه وخليه ناعم وخفيف وغيري الرسمة وشوي شوي حطي عدسات بس أبدي بالالوان الناعمه والطبيعية مثلا البني أو العسلي

[/url][/IMG]


وإذا كان ناعم غمجي الالوان مو تثقلينه ويطلع جنه مكياج عرس لا وحاولي على قد ماتقدرين تكونين ناعمه .

[/url][/IMG]

مع شويت إكسسوارات وسلاسل ولا شال على حسب اللبس

[/url][/IMG]

وعلشان أساعدج اكثر طرشيلي ع الخاص لينك الموضوع ولوكج او ستايلج بالضبط لون شعرج وطوله وشنو تلبسين وشلون مكياجج وتحطين إكسسوارات ولا لأ لأن التغيير لازم يكون دقيق أما إذا تبين بشكل عام فهذا التغيير وإنتي تختارين شنو اللي تحبين وشلون كان شكلك وشلون بتغيرينه

إن شاء الله أكون فدتج وعفيه أبي دعوة حلوة منج

أدعيلي ربي يوفقني ويسعدني ويرزقني اللي في بالي

 

[noody a&a]

رد : للتغيير دخلوا

ونسيت ماقتلج الاهتمام بالشكل بالبشره والشعر شي أساسي مايبيله كلام وأبدي شوي شوي غيري لين توصلين مرحلة التنانير والبنطلونات اما مو فجأة اليوم دراعه وشعر أسود ومكياج عادي بس كحل ومسكارا والاسبوع اللي وراه فجأة بنطلون وشعر فاتح وقصير ومكياج غامج وأكسسوارات بالعكس مو حلو وبتطلعين ملفته والكل بيقولج شعندج انا بالنسبة لي أغير تغيير بسيط علشان الكل مايلاحظ وبنفس الوقت أكون مغيره ونيولوك