- إنضم
- 4 أغسطس 2009
- المشاركات
- 7,011
- مستوى التفاعل
- 11
- النقاط
- 0
- الإقامة
- الكويت
- الموقع الالكتروني
- afrahq8.rigala.net
السلام عليكم ورحمة الله وبركاته
بنات أنا صارلي متزوجه سنتين الحمدالله وتوه بس وصلت لي خدامه
من شهرين وبصراحه من جت هالخدامه مو مرتاحه لها مادري اهو خوف
على ولدي ولا انه الوضع تغير وصار عندي وحده غريبه بالبيت
المهم بنات أنا أفكر أوديها المكتب قبل لا تخلص الـ 3 شهور مالتها عشان نرد فلوسنا
وهم عندي فكره ثانيه بما انه بيت أمي كبير أوديها تقعد عند أمي وأجيبها
بالأسبوع 3 مرات تنضف لي الشقه كلهااا بما إنه في أزمة خدم حتى نص دوام
ما نلقى شراايكم واذا رحت الدوام الصبح أقط ولدي عند أمي ومنها الخدامه تكون
تحت نظر أمي واهي تمسك ولدي خصوصا ألحين حامل وناطر بيبي جديد
بصراحه يا بنات أنا وحده أحب الشغل ونظافة البيت وأطبخ يعني ما عندي مانع
حتى يوم ولدت وكان للحين ما عندي خدامه عادي منظمه وقتي يعني ما عندي مشكله
قلت أتحمل 3 أو 4 سنين لين ما عيالي يكبرون ويروحون المدارس وأفتك من محاتاة الصبح
:bbbiu::bbbiu:
اشرايكم شجعوني وانصحوني بشيء صح يفيدني وينفعني
وطلعوني من الحيره للي أنا فيها ..
ناطره رأيكم وتجاااربكم
