للاسف زوجي مو راضي عني

[صمــت_ALsHfaaH]

الله يعينج ويهدي بالج

الظاهر ان زوجي مثلج لان في بعض الشغلات تذكريني فيه

 

[كويتية222]

اختي عالجي نفسج بنفسج اقرئي سورة البقرة وارقي نفسج وبيتج

الحقي على حياااتج والا بتندمين على خسارتها

 

[جوري 2007]

يمكن انتي طبعج جاف وماتعرفين تعبرين او تستحين

غيري نفسج قبل مايفوت الفوت وتندمين

القسم مليان مشاكل تشيب الراس ،،، خيانات وبخل وشك وطناااش

حافظي على ريلج ودلعيه ودلليه قبل ا تلف عليه بنت ابليس :eh_s(16):

 

[msmshasnsn]

الله يهديج حبيبتي
ديري بالج على ريلج وبيتج

 

[حبـ admant ـك]

علاج مشكلتج القرآن
تقربي من الله
والله ان كل همومج بتروووح ولا كأن صاار شي
الله يوفقج ويسخركم لبعض
:eh_s(17):

 

[يا عيون سمي]

حبيبتي ذكري ربج اقري القران عشان نفسيتج حطي بالبيت قران روحي خلي احد يقرا عليج عشان ترتاحين اخذي ماي مقري وكتيه بغرفتج يمكن عين ما تدرين اووو حاونلي تغيرين النفسيه معاه اذا شفتيه معصب سكتي انسي سالفه البجي قولي انا خلاص ماراح ابجي البجي ما يجيب تنيجه كل ماتضايقتي تعوذي من ابليس
انصحج بالرقيه الشرعيه
وتعوذي من بليس اذا سويتي كل هذا واللله رااح ترتاحين نفسيا

او طلبي من زوجج انه يقلل العصبيه وقوليله شنو الشي اللي ما يعجبج فيه عشان يحاول ما يكرره
وانتي سوي كنترول على نفسج لان ماتهون العشره

 

[نفهمها صح]

رد : للاسف زوجي مو راضي عني

محد مرتاح الله يعين

 

[خفايا قلب]

انتي لازم تغيرين من نفسك اطلعي نادي سواء رياضه او اي شي اخذي دورات عن الحياة الزوجيه او اي دورات ثانيه مثل طبخ حاسب لغات صدقيني تسااااااااااااااااعد روحي محاظرات دينيه ان اللي اعرفه ان اللجان الاسلاميه بكل منطقه اسبوعيا فيها محاظرات دينيه تهبل وخفيفه على وقت المغرب اذا مو موظفه جربي توظفين راح تتغيرين حيييييييييييييييييييييييييل روحي صالون قصي اصبغي سويلك برنامج للصالون اسبوعي جيبي وحده تسويلك مساج بالبيت مريح ويهدي الاعصاب بس يبيلها حماس منك
والاهم من هذا كلللللللللللللللللله جربي روحي ويك اند انتي وزوجك للعمرة وادعي بنية السعادة والالفه من بينكم وتصدقي وخذي عهد على نفسك انك تتغيرين ولاتنسين انيس المسلم بالليل صلي ركعتين واقري لو عشر اياة يوميا من المصحف انا سمعت مرة ان اللي يصلي ويدعي بعد التحياة وسلم وقرأ من القران هذا علامة من علامات القبول سبحان الله


وبث:eh_s(7):

:yaaaaaarb:والله يكتبلك الخير والسعادة

 

[*^ *الليليم]

عندي لج نصيحه حلوة

تقربي لربج بالدعاء بالسجود قولي كل اللي بخاظرج و ابجي و ادعي >> جنج تكلمين احد عزيز عليج

فرغي كل همومج بسيادتج والله ثم والله اسبوع يوميا ع هالعاده مع ركعتين القيام شوووفي حالج شلووون يتغير

اقرب ما يكون العبد من ربه و هو ساجد ~
وعليج بالصدقاااات

 

[ديانا سبنسر]

ارقي نفسج عند شيخ راح يعطيج ماي مقري وسدر وعسل وزيت مقري وراح يقولج شلون تستخدمينهم وانصحج بابوسامي والشخ الحداد والله يهدي سركم

 

[ام ريماس خوخه]

رد : للاسف زوجي مو راضي عني

الله يهدي سركم يارب ويسخرلج ريلج ويهديج ياااارب وتهتمين بريلج اكثر واكثر وتعلقين فيه وتسالين عنه ياااارب ولا يفرقكم امين ادعي ربج دايما وصلي قيام الليل وكثري استغفار وربج يسهل عليج يااارب الله لا يحرمكم من بعض:eh_s(8)::eh_s(8)::eh_s(8):

 

[فاهييه]

ومن القهر طق راسه بالكبت

:eh_s(2):

 

[DooLy88]

رد: رد : للاسف زوجي مو راضي عني

تقربي منه :eh_s(7):

 

[FeShinGoOo]

انتي ودج تتطلقين وتفتكين منه ولا مرتاحه معاه ؟؟ :eh_s(10):

 

[مدام تنازلات]

شوفي حبيبتي
طريقة الغسول
على يوم سوي شاي وقهوة وحلا وخرابيط وقولي لحمولتج اليوم مسويه حلا وابيكم تجربونه بس تاكدي يكونون كلهم موجودين
وعقب ما تقهوون اخذي طاسة عميقة فيها ماي وغمسي الاستكانات والفناجين فيها وبعدين سمي واشربي شوي انتي و زوجج وعيالج وقولي اللهم اشفيني
والله مريت بنفس اللي مريتي فييه واكثر لدرجة ايست من زواجي ورضيت بنصيبي العوج الين طحت عن هالشغلة اللي غافلين عنها
ودايم كرريها
والله يهدي سركم
بس امانة ادعيلنا بالتوفيق

 

[سرقت النوم]

عين
او حسد

و انتي قلتي سمعتي اخته تحسدنا

و الظاهر انتي حيل تتاثرين من اللي تسمعينه

من سمعتي انها تقول ان انتو كله طلعات و سهرات

تغير تصرفج تجاه زوجج

شوفي حبيبتي

اول شي كل ما طلع زوجج من الشقه

حطي سورة البقره و علي على الصوووت حده

ثاني شي


اذا انتي ما تبين زوجج يمل و يدور بدالج و تراهم عبى افا من يشيل تجملي بعينه
دوري رضاه
و دوري سعادته
سويله الاشياء اللي يحبها

سافري معاه اسبوع

دزيله مسجات



صراحه البنات ما قصرو بالنصايح

لكن انتي الخسرانه الوحيده لو ما تعدلتي

و اللي تقولين صابره و ما ادري شنو

ليش اهو ما قعدج بطراق
و نومج برفسه !

و ما قصر معاج بمصاريفج

ليش تقولين صابره

انتي محظوظه بس ما تحسين بالنعيم اللي انتي فيه لين تفقدينه

بعدين ما ينفع الندم

و ترا في حريم جذي يزنووون على خراب بيوتهم

يحبون النكد
يحبون الهم
يحبون الوجه العكر

يحبون ما يبينون لازواجهم انهم يحبونهم

و متى ما هج عنها و راح

و غااااااب صوته عن البيت

و قعدت تدور حسه بس

قالت ياليتني و ياليتني ووقتها ما ينفعج الندم

 

[عشق موالي]

جزاكم الله الف خير على نصايحكم والله يحقق امانيكم ويرزقكم خير الدنيا والاخره

 

[زوجة عزيز]

رد : رد: للاسف زوجي مو راضي عني

حبيبتي يمكن احد معطيج عين .. لأن كل الاسباب اللي قلتيها انها ضيقه بدون سبب

اقري الرقية الشرعية وسورة البقرة وان شاء الله يطلع ابليس من بينكم ..


​

معاها

 

[كنوز2012]

رد : للاسف زوجي مو راضي عني

أستغفري 100مره في اليوم وبتشوفين
النتيجه اللي تسرك
​

 

[عصفورة كويتيات]

حمدي ربج على هالنعمة غيرج يتمناها فأبدأي بالتغير بمناسبة او غير مناسبة.