للأسف طلع ظني بمحلة ( زوجي متزوج علي )

[miss_jamsheer]

مادري والله شقولج بس الله يعينج

 

[روحي تحبه غصب]

الله يعينج حبيبتي على اللي انتي فيه

لاتردين له وطلبي الطلاق خليه يشوف انج بايعته وماتبينه وصدقيني راح يندم ويتوب يسوي سواته مره ثانيه

 

[classicyah]

رد : رد: للأسف طلع ظني بمحلة ( زوجي متزوج علي )

يـاعزيزتي انتي الان بصدمه
والله ما الومج نصيحه لا تقررين اي قرار
ثم تندمين على تبعاتـه

المطلوب الآن الهدوء
نقطـــه مهمه انتي عرفتي نقطـة ضعفه ومربط الفرس
ريلج ضعيف امام الحريم ...

استغلي نقطـة ضعفه وانظري الى نفسج شاللي لقااه عند المصريه
ولا لقااه عندج ؟؟ زوجج يدووور الجنس مافكر من هي زوجته الثانيه؟؟
من بنته؟؟ وين تشتغل ؟؟ ولا عندها عيال ولا ماعندها ؟؟
لايوجـد دخان بدون نــار ...
انتي ايضاً سبب من اسبابه زواجه وابحثي عن اخطائج
التفتي لنفسج فكري بحياتج معاه بأول زواجكم وبمنتصفه والآن ..


زوجج امام الله ما أخطأ ولا عمل فاحشه يأثم عليها
والحمد الله المرأه وتطلقت ....


لــي عوده بإذن الله إذا كنتي جاده وعازمه على
الحـــل مو الهروب من الحل لاني بصراحه اقولها لج اذا طلبتي الطلاق مصره عليه
فانتي جبانه ولا تصلحين تكونين ام او زوجه صالحه ولا تفكرين اصلا تزوجين عقب زوجج
الحــياة الزوجـيه تحتاج للاقوياء فقط ..

هذا شيطان يكبر لج الامـر ويهوله
الرجل تزوج وطلق مازنا وهو محصن ؟؟!!


والله يصلح مابينكم

الرد الوحيد الي أشوفه عقلآني في هالموضوع ، َ

أؤيدج 100% . . ​

 

[هوازن العتيبي]

رد : للأسف طلع ظني بمحلة ( زوجي متزوج علي )

حسبي الله ونعم الوكيل

 

[مظلومة حيل]

رد : للأسف طلع ظني بمحلة ( زوجي متزوج علي )

انصحج تروحين لاهلج او تبتعدين عنة شهر او شهرين لين تعدل نفسيتج و يهداكم ان شا الله لبعض
ترا مالج الا زوجج

 

[اشتياق]

الله يشرح صدرج يارب وييسر امرج
ويكتب لج اللي فيه الخير
والله مادري شقولج شي يحر ويقهر الصراحه
ادعي ان الله يلهمج رشد من عنده اللهم امين
الزم ماعليج نفسج وعيالج واهو بعدين فكري فيه
والله يوفق بينكم يارب بكل خير

 

[FeShinGoOo]

رد : للأسف طلع ظني بمحلة ( زوجي متزوج علي )

أنا اقول مدام انج عفتيه لا تتطلقين بس خلج زوجته بشكل رسمي سويله واجباته وحقوقه وبنفس الوقت لاتعطينه اكبر من حجمه ..
عيالج محتاجينلج .. وهم عالاقل يكون الريال موفرلج السكن والمصرف
عيشي حياتج استانسي ولاتسوين شي يغضب رب العالمين يعني كل حقوقه عطيه ياها لوجه الله مو حباً فيه
وصدقيني بيتغير وحده من ارفيجاتي كان زوجها سكير وراعي بنات وخرابيط وشقق مو زواج بعد وحلال لا كله حرام بحرام بزنا اعوذو بالله
تعالي شوفيه الحين الناس صارت اتصلي وراه وعقب ماتحملته وصبرت عليه عوضها الحين وتعالي شوفي اشلون يعاملها واشكثر اتغير
الله يهدي البني ادم وزوجج مدامه طيب يعني في امل ان الله يهديه بس انتي وطريقتج الخاصه
خلج هالفتره جافه ليما تتأكدين انه فعلا تغير فتحي معاه صفحه يديده
ورب العالمين يسامح اشلون البني ادم ؟؟
لاتهدمين حياتج حبيبتي وعسى ان تكرهوا شيئاً وهو خير لكم
يمكن عقب هالسالفه ريلج يتوب ويعرف قدرج ويندم ويتغير ؟؟ يمكن تشوفين انسان ثاني ماشفتيه طول هالسنين ؟؟
عطيه فرصه وشوفي حياتي
انتي الحين معصبه لاتسوين ولاشي خلج بمكانج اسبوع اسبوعين ليما تجمعين افكارج وتدرسين الوضع والحلول ولاتنسين الاستخاره الله يوفقج يارب وييسر امرج

 

[فاقده ابوهاااا]

رد : للأسف طلع ظني بمحلة ( زوجي متزوج علي )

الي باعج بيعيه ودامح كرهتيه خلاص

 

[Laidy n3ooma]

رد : للأسف طلع ظني بمحلة ( زوجي متزوج علي )

افففففففف كل مالي واكرهمم ازيد وازيد ..

 

[Tom ♥ Jerry]

.


الله يعينج و الله مآدري صج شي يحير
لو انا بمكآنج يمكن آكرهه و مآدري شسوي ! :|
شوفي عقلج شنو يقولج لا تمشين ورا قلبج : )


و الله يهديه يارب !

 

[الحراير]

الله يعينج وان شاءالله ربي يهديه ويعرف قيمتج

 

[لوكي 22]

بعد عمري الله يكون بعونج
ويصبرج ان شاءالله
ويعوضج بايام حلوه يارب

 

[~*~الملكة~*~]

لاحول ولاقوة الا بالله

الله يكون بعونج ويسير امورج ويكتب لج الخير

 

[انصاريه قمره]

حسبي الله ونعم الوكيل

 

[دلوعت مودها]

حبيبتي انت اللي عليج تشوفين وضعج وشنو اللي تبينه وانا اقول ان طلاقج ما منه فايده غير المضره لج
توجهي لرب العالمين بقلب صافي مخلص موقن بقدرته على تغيير حالج وكثري من لاحول ولاقوة الا بالله والاستغفار والدعاء لج ولزوجج
وصبري الصبر زين بمثل حالتج انت للحين معصبه ومو مرتبه افكارج ,,, الله يعينج ويهدي سرج والله ما الومج الله معاج وان شاء الله يهدي ريلج ويصلح حالج يارب,,,

 

[عجزت أنساكـ]

الله يعينج بصراحة

هذا شكله ماراح يوقف زواج

دام 4 سنوات وتزوج مصرية

شنو تتريين من وراه

عموماً نصيحتي لج لا تردين له الحين

خليه يغلي على نار هادية

خليه يموت كل يوم ألف مرة

حسسيه إنج كارهته وما تبينه ، وإن الحياة ماشية فيه وبلياه !!!!!!!!

ذليه :rerrerek: وراويه المرار ، وخليه يندم قد شعر راسه على كل غلطة يغلطها بحقج

وإذا شفتيه وصل حده ردي له

عشان يعرف إنج مو سهلة .........

وعسى الله يهديه ويصلحه​

أنا معها نفس الكلام
حرام دام هو طيب شوفي شنو ساس المشكله ووين الغلط بعدين طقيه بالطوفه

 

[ام دليار]

رد : للأسف طلع ظني بمحلة ( زوجي متزوج علي )

الله يسخره لج ويهدي النفوس

 

[q8y-moon]

الصراحه صعب انصحج انتي ادري بوضعج
بس اذا مو حاسه بالامان لا تضيعين عمرج

 

[قطووه حلووه]

رد : للأسف طلع ظني بمحلة ( زوجي متزوج علي )

مااعليج من البناات الي يهوولوون بالمشكله

حبيبتي داام طلقهااا ويبييج معنااته مايفضل وحده عليييح ويحبج حتى لو خاان مره مرتييين هذي فتره تمر على اغلب الرجااال ساامحي داام طلقها والمساامح كرييم

والطلااق رااح يضرج انتي انتي الي راح تااكلييينهااا لاااتهدميين بيتج بييدج دااام ردلج معنااته يحبج حتى لو خاان لو لي الحين يحبها جان ماطلقهااا ردييييييله

 

[دكتوراه أنوثه]

مشكورين على الردود بس هالسالفه صارلها شهرين وكنت عند أهلي الحين رديتله بعد ماشفت ورقه الطلاق من زوجته الثانية وحسيته متغير وايد معاي ..بس المشكله ان أهلي مصخرووووووه خلوه بيزة مايسوى وانا خفت انه طلقها علشان خاف عليها من الضرر واللي أكدلي هالشي ان أمس يابلي ورقه طلاقها بس طلقه أولى رجعيه قالي والله ماراح أرجعها قلتله ليش أولى ليش مو طلاق بائن .قال أشدراني القاضي قال قول طلقت زوجتي فلانه وقلت وراه وسوولي هذه الورقه ..

راح ثاني يوم قال أبي طلاق بائن قال لازم حضور زوجتك المصريه وتتنازل عن حقوقها ......وطنش زوجي قال بس تخلص 3 شهور تعتبر طليقتي وانا يابنات خايفه لايكون بنفس اليوم اللي طلقها رجعلها هذا مومال ثقه ......بس مااعرف طريقه الطلاق هل فعلا صح اللي قاله