لكل ولية امر ؟؟ حبيت ادردش معااكم

[a7La_Mnhom]

السلام عليكم ورحمة الله وبركاتة
ابي ادخل في الموضوع على طووول ،،

الكل مو راضي عن الوضع في التربية صح ، أكيد وانا أولكم ،،
ابي ادردش معاااكم بنقطة وحده ،، وهي تأنيث مدارس الصبيان ؟؟ انتي كولية امر شرااايج بالقرار رااضية عنه ؟؟ ابي رااايج بالوضع العام الزين والشين ؟؟ واذا عياالج صاارت لهم موافق مع الابلات مثل التقليد أو غيره اذكريها ؟؟ احب اسمع وجهات نظركم ،، ومشكووورين



ملاحظة :: اللي تقرأ مووضوعي تجبر بخااطري وترد لان عندي فيه بحث وانتو ما تقصرررون حبيباتي والله ​

 

[a7La_Mnhom]

وينننننكم وين ردوودكم الحلوووة يا امهاااااات

 

[سر القلوب]

حبيبتي بجري توه بثانية روضة فمااقدر اتكلم في الموضوع من غير تجربة
بس ماحبيت امر بدون مااعلق
والبنات ان شاء الله مايقصرون

 

[on line]

ادلو بدولي
انا ضد وضد وضد
لان تفتحت عيون عيالنا علي اشاياء مولهم وعيال هالوقت كل شي يفطنوله
مثل المكياج واللبس
واللي يضايقني اكثر المدرسات لي صارت حفلات عندهم صار جنه عرس قامو يترقصون قدام الطلبه وبالنظام الحالي الجهال لي 10 وساعات 11 سنه بالابتدائي يعني يميزون
طبعا انا ضد التأنيث

 

[ريماا]

انا ضد التأنيث
يعنى اولى ابتدائى وثانية ماعالية بس بعدها خلااص الولد يكبر ويفطن ...
وفى نقطة ثانية الصبيان حركين وعنيفين اشوى فما يبيلهم مراة يبيلهم رجال يقدر عليهم

 

[الصابرة المحتسبة]

آنا ضد التأنيث
الصبيان يبيلهم مدرس وصعبة المدرسة بهالزمن تتعامل معاهم.

 

[$ صمت الشفايف $]

انا ضد التانيه وبشده لانه عيالنا صاروا مايعين وصاروا يسولفون بسوالف الحريم ولا يمدحون الابلات ومكياجهم ولبسهم وحتى صبغات الشعر صاروا يفهمون فيها انا سمعت سالفه فيه وحده طالعه من الاربعين وكاشخه ومكمياج وصابغه شعرها اخر موديل ورازه نفسها عند زوجها الا ولدها توه جاي من المدرسه ولمن شاف امه شقال ؟؟؟؟؟؟؟؟؟؟

يمه ابلتنا فلانه صبغت شعرها احلى من صيغتج وانتو تدرون شنو راح يصير فيها ما يحتاج اقول

 

[أم عبووووود]

انا ضد التأنيث

لكن انا بالنسبة لي بوجه عام المدرس احسن جربت تعامل المدرس مع الصبي شلون والمدرسة شلون بس ما باليد حيلة والله يعين وترى المشكلة بعض ابلات هالوقت هي ابلة والله يهديها من صباح الله خير حاطة حمرة فاقعه اشدعوه رايحة عرس ولا عندج حفلة المفروض هي قدوة مو جذيه القدوة بس هذا مايمنع ان هناك مدرسات كفو واحسن من الف ريال

وصار موقف مع ولدي مرة كان متميز اسم الله عليه بوحدة من المواد ومكافئينه مودينه يتريق برة معاهم 3 ابلات وجم صبي يعني هالرحلة هدية من الابلة يوم رجع اساله شلون الرحلة حبيبي جان يقول وناااسة بس خربوا علينا شباب قاموا يكلمون ابلاتنا وابلاتنا خافوا وما طولنا رجعنا يعني لو ان مدرس ما صارت هاللوية ولا هالشباب تحرشوا بالمدرسات

فيالله ربي يهدي الجميع ويعدلون الوزارة يارب وقراراتها الفاشلة

 

[رنين]

موضوع حلو....

أنا ما أقدر أتكلم عن تجربه بعدي ماجربت...

لكن أعرف مدرس بالمتوسط يقول...انه يميز و بوضوح الطالب الي يايله من مدرسة تدريس حريم و مدرسه تدريس رياييل.....
الأول فيه ميوعه و شخصيته متردد و الثاني أقوى شخصيه...