لكل من سال عن تخصص الحاسوب يتفضل وخاصة خريجات الثانوي .!

[بعيون مغليك]

السلام عليكم بنات

وايد اساله يتني بخصوص هالتخصص وبحطه على العام عشان الاستفادة


طبعا تخصص الحاسوب مسماه حاسوب يعني مو معلم حاسوب لا حاسوب يعني تقدرين تشتغلين باي مكان تبيه مو شرط التربية


ثانيا انا جربت الميداني بالمتوسط تحضرين مره وحده بس اما كل المواد تحضر كل يوم تقريبا

وكل رفيجاتي الي خذوا الابتدائي يقولون ماكو شغل ولا كراف رااااااااحة


يعني التخصص يفيد مستقبلج مقارنه بالتخصصات الثانيه الي تحتكرين فيه بالتعليم



وانا حابه التعليم يعني مو مفكرة اروح مكان ثاني للعلم يعني

وطبعا الدراسه تكون بمنى خاص بالحاسوب اهو المبنى الثالث بالكليه






اول شيء في ملف ورد رفعته على المنتدى اهو عبارة عن كل مواد الحاسوب مع درجاتي طبعا عشان تعرفون

تحميل الملف حاسوب.doc من هنا



اختاري تحميل عادي وشوفي كل المواد الحاسوب العامه والتخصص

طبعا
اول شيء حبايبي

الاسئلة





اول سؤال :
المواد التخصص كله إنجليزي ؟



مواد التخصص انجليزي كلها معدا طبعا وايد مواد عربيه مثل المواد العامه والرياضيات ومواد علم النفس وقسم التكنلوجيا يعني


انا حسبت مواد التخصص الانجليزية = 15 مادة فقط والعربيه 23 مادة


طبعا

2_ اذا كان انجليزي الكتب كلها انجليزي؟



الكتب انجليزية طبعا بس فيه فرق بين كل دكتور



يحطولن لنا مذكرة بمكتبه الطالب مثلا 50 صفحة الشرح او على طريقة بوربوينت يعني كتاب فعليا فعليا اعتماد عليه قليل جدا انا صادفتني ماده وحده وطبعا الكتب كلها


ماتاخذين الكتاب كله نوي وي تاخذين فصول

3- كم مادة يعني تغريبن انجليزي؟

قلت تقريبا 15
4- المحاضرات وقتها طول يعني فوق الساعتين مثل تخصص الرسم ؟


لاااا ماكو كلش فوق الساعتين يعني من 12 لي 2 بس ساعتين ومو كل المواد


وطبعا بالصيف كل التخصصات تزيد ساعاتها الدراسيه عشان الوقت قصير
5- كم عدد الوحدات التي يجب التجاوزها ؟


134 وحده


6- انا اعرف ان التربية الاساسية فيها مواد وحده 1 تخصص الحاسوب كذالك؟



لا ابدا تخصص الحاسوب كل مادة عبارة عن 3 وحدات


معدا مادة وحده 9 وحدات الي هي ميداني

وماده ثانيه 2 حلقة بحث اجباريه مع الميداني

7- اخر شيء المواد بصوره عامة صعبة ولا سهلة ؟


والله انا ادرس لها قبل ال



امتحان بيوم يومين 3 بالكثير اما خلال الكورس ما ادرس





===============



باختصار كل التخصصات يبيلها شغل ومو بس الحاسوب


-===========



تخصص الحاسوب في ماده اسمها برمجة 3 هذي = فيجوال بيسك 12


===========


طبعا اغلبيه المواد يبيلها مشروع عباره عن برنامج او موقع او عرض بوربوينت


مو كل المواد جذيه وطبعا المواد العاديه مافيها مشاريع


والمشروع طول الكورس لما يعلمونج الطريقه انتي تسوينها ما عرفتي

الله يسلم المهندسين


وايد بنات يدقون على مهندسين ويسون مشاريعهم العاديه على 20 واقل يعني البنت ما تتعب نفسها اصلا انا كنت اسوي شغلي بنفسي واخذ اي


يعني اذا البنت متنحه حيل وايد صادفوني بنات في القسمم ما يعرفون شنو يعني فارة وشلون طريقة الحفظ بس تخرجوا :27d66a9c24b146327bf




انا مثلا فيه ماده اسمها دوائر منطقيه اسمها صعبببببببب انا الحين ماخذتها تااااااااااااااااااااافهه جدا

وبالاخير على حسب الدكتورة او الدكتور

يعني انا اخذ ماده عن دكتور الثاني ما يسوي نفسنا يمشي بكيفه يمكن يسهل على طالباته يمكن يصعبه على اختلاف الدكتور


واذا تبوني اسطر لكم اسماء الدكاتره مو مشكله الزين والشين بس ما صادفت شينين الا 2 تقريبا

واي اساله حاضرة
​

 

[sweet-kamelia]

انا تخصصي حاسب بس بالتجاري دبلوم ..
بس بعرف شنو لغات البرمجه الي يعطونكم ..
لأن احنا عطونا كوبول وباسكال ..

 

[تشوكليت]

يعطيج العافيه ريماس

بس انتي مصوره تخصصنا بسهوله حيل يمكن انتي مستواج الدراسي حيل مرتفع ماشالله ولذلك لازم اللي تبي تدخله تكون بنفس مستواج

لان التخصص مو سهل

اهوا يعتمد عالرياضيات

واكبر نسبة سقوط وتاخير بسبة مواد الرياضيات خصوصا تحليل عددي ومعادلات تفاضليه وتفاضل وتكامل

اللي علمي بس الرياضيات نص ونص ماانصحها تدخل الحاسوب لانها راح تتعب وايد

وبخصوص مواد التخصص

انجليزي بحت ولازم تكون انجليزيتج مو بسيطه عشان تفهمين المكتوب وتجاوبين عليه

ثاني شغله مواد التخصص تختلف على حسب اللي يعطيج

مثلا استاذج شديد ماراح تمشين في المادة

ووين الاساتذه اللي يعطون مذكرات 50 صفحة ماقط مروا علي بالحاسوب

انا حاليا معطيني كتاب الف صفحة!!!

ومذكرة اكثر من 200 صفحة!

التخصص يبيله مجابل وتفرغ وتكون الوحده حريصة عليه

لذلك لازم اللي تدخله تكون قده والا راح تضيع سنين عليها

اغلب البنات اللي بالحاسوب حايشهم انذارات ولا كذه وحده صادفتها انذار رابع ومفصوله عالكورس الياي

فانا حبيت اوضح للبنات اللي مستواهم نص ونص

ومشكوره ريماس

 

[بعيون مغليك]

هلا تشوكليت انا متعمده احط درجاتي عشان يشوفون البنات يعني نسب النجاح
وانا

ما اهتم بالدراسه ترا والرياضيات وين صعب الله يخليج تحليل عددي مصفوفات !!! برابعه ثانوي مدري اولى

وجبر خطي مادة ماخذينها بالثانوي بعد




انا والا وحده واجهتها عندها انذار ما صادف تلقين البنت مهمله ولا تدرس ايه استعباط يمكن


بس اذا فهمتي بالمحاظرة ودرستي قبل الاختبار بيوم يومين تنجحين وجنه العيد



بعدين الانجليزية يا حبيبتي مو شرط توب


انا اول دفعه خذيت مادة تخصص عربي الي هي مقدمة وعلى دفعتي تم تحويل جميع مواد التخصص انجليزي


يعني اول مادة كنتب بموت لان اول مره ادرس ماده بالانجليزي والله يسلم الكمبيوتر يترجم فهمت ودرست وخذيت امتياز فيها


يعني وايد بنات معاي ما يعرفون انجليزي

ترا الانجليزي مو الي موت ما تفهمين ولا كلمه حرام انا الحين احمد ربي على الاقل قرايتي وايد تحسنت ووايد عرفت اقرا الكتب الانجليزية مو مثل اول مادتين تخصص


وانا يوم طلعت من الثانويه نسبتي بالسبيعينات يعني مو متفوقه ولا شيء والانجليزي مو توب


انا لاحظت ان التخصص يكون روعه لو انج حابته ولو مو حابته لا تدخيلن


واشوف الدفعات الي وراي كلها تقريبا استكمال وعندهم عيال وخرابيط يعني على حسب شخصيه الوحده

وسلامتكم​

 

[تشوكليت]

ان التخصص يكون روعه لو انج حابته ولو مو حابته لا تدخيلن

يسلم تمك هذا اهوا اغلب البنات يدخلون لانه تبي الاسم بس وماتدري يمكن مو ميولها

الرياضيات والله صعب

انا مااطوف ولامحاضرة وفاهمه الماده واذاكرها اول باول والامتحانات سهله وحاطة مدرس وانصدم انه درجتي اقل من المتوسط!

والله تحليل صعبه خصوصا عند ابراهيم محمود لانه مايتعب نفسه بالشرح والمصفوفات جبر خطي مو تحليل التحليل حيل صعب

بس اذا فهمتي بالمحاظرة ودرستي قبل الاختبار بيوم يومين تنجحين وجنه العيد

ويسلم تمك مره ثانيه

يعني لازم تدرسين اول باول تفهمين المحاضرة وضروري تردين تراجعينها والا تضيعين

انا اساسا يضيق خلقي من بنات الحاسوب كل وحده ماسكه لابها وتناقش بالماده حتى بالبريك وكلها متيمعين يدرسون هههههههه

انا للامانه بس رديت عشان اوضح للبنات انه التخصص مو بالسهوله المتوقعينها يعني اللي تبي تدخله تكون قده وعارفه شنو اهوا

يعني حلو تكون في وجهتين نضر للتخصص

ومشكوره مره ثانيه ريماس حبيبتي واسفه اذا ضايقتج

 

[ماتخيلتك حبيبي]

بدش عرض <<تستأذن

مهارات دراسيه ماخذه فيها سي مواجب
عند منو ماخذتهااا؟

عسى مو عند محمد الكندري ؟؟
الاني ماخذتها بالصيفي وحايفه من درجاته

 

[بعيون مغليك]

هههههههههههههه لا وييييييييييييع ماخذتها عن الشايب محمد مامون احس انه ظلمني انا توقعت اي بس ما دريت الا بعدها بجم يوم نزلت على النت

وبعدين ماختها من العصر الحجري ثاني كورس كنت ابداااااع

تشوكليت بعرف انتي اي سنه ؟!!

 

[under shadow]

انا خريجة صيفي ان شالله هذا اخر كورس لي

 

[تشوكليت]

سوري اختي داخله بنكها بلابتوبي وانا رديت عبالي نكي وعلق المنتدى ومامداني اقولها تحذف المشاركه

انا خريجة صيفي ان شالله

بس ريماس بطلوا الحاسوب والا لا انا سمعت ان لي الحين مسكر

 

[بعيون مغليك]

انا خريجة صيفي بعد = )


ايه تبطل الكورس الجاي فيه قبول

 

[وحشتني لياليك]

السلام عليكم والرحمه

شلونكم بنات

انا تو متخرجه من الثانويه \ نسبتي 84 وحابه أدش الأساسيه تخصص حاسوب

حبوبه واللي يعافيج بغيت تكتبين لي أسامي الدكاتره الزينين وشنو المواد اللي يعطونهاا بليييز لأن بسيف كل شي عن التخصص عندي


وبليز إذا عندج نوتات أو كتب للمواد ومو محتاجتهم بلغيني .. وأردهم لج أول ما أخلص إن شاء الله


ومشكووره حبوبه

 

[وحشتني لياليك]

انا بطلع الحين بلبس بيزوروننا ناس يباركون لي

بالليل ان شاء الله اول ما افضى بدش اجيك ع ردج


ومشكوووره يا قلبي مقدما

 

[تشوكليت]

الف مبرووووووووووووووووووك

بس حرام نسبتج قويه وادخلج الجامعه حرام تضيعين عمرج في الاساسيه والجامعه موجوده

 

[كويتيه مزيونه....]

انجليزي بحت ولازم تكون انجليزيتج مو بسيطه عشان تفهمين المكتوب وتجاوبين عليه


الحاسوب شنو في غير الرياضيات ؟؟

صج في انجليزي ؟؟؟؟؟؟؟

وصج النسبه 70 علمي ؟؟

وليش سكرو القسم وردو بطلو ؟؟؟


ومشكورييييييين

 

[طهر الغيم]

أب أب

 

[بعيون مغليك]

ان شاء الله بكتبه لج عن قريب

 

[ATOoOMA]

الي تتكلمون عنه تخصص الحاسوب الي بالتربية الاساسية ولا بالجامعه الكويت بكلية العلوم تخصص علم الحاسب؟؟

 

[بعيون مغليك]

بكلية تربية اساسية
===


نبتدي بسم الله


طبعا حبيت اقول شغله ما ادري اشاعه او لا بس الوضع يبشر بالخير :eh_s(21): افتحوا هذا الصيف مواد وايد يمكن اكثر من الكورس العادي يعني كل مادة فاتحلين لها مقررين و3

يقولون تغير رئيس القسم والله اعلم بس ان شاء الله الوضع يصير احسن


-----


طبعا التخصص اغلب الدكاتره منتدبين وفيه والاساتذه وفيه شلون اقول مقيمين لوووول يعني يقعدون بالكليه


دكاتره القسم هم بالترتيب طبعا الاسم دكتور استاذ ما ادري بكيفهم بس عندي كلهم دكاتره خخخخخخخخخخ




الدكتور صلاح الثويني <<< وايد مليغ بس حبوب :eh_s(10): يعني اهو اكثر انسان يحب يتغشمر زياده عن اللزوم ويمكن عنده مقررين درسهم اول مقرر درسته عنده الي هو تطبيقات حاسوب وهي عبارة عن ورد وبوربوينت واكس

خذيت اي


ثاني ماده يكتبها باسمه بس عمره ما درسها الي هي حاسوب ومجتمع


يعني اكيد دكتور غيره يعطيها مو هو هو بس اسم فقط لا غير


طبعا المادة هذي لو جبتي مهندس شاطر يسويلج المشروع وانتي تبين تدفعين فلوسج ع المشروع وانتي مرتاحه تقدرين وتقدرين تسوينه بنفسج لانهم راح يعلمونج بالضبط طريقة شلون تسوين المشروع من خلال مقررين الي اهم


انا طبعا واغلب البنات كل الشعب عند مهندسين القروب يكون فيه 5 الى 4 بنات


والمهندس ياخذ 150 على كل بنت تقريبا 20 الى 30 دينار فقط


وهذا طبعا انا بس هالمره دفعت ولا ما عمري دفعت في الكليه عشان ترتاحين لان الشغل وايد المهندس وايد افضل



وهذي الماده ماده تخرج يعني طاف انا عصبت لان كل الشعبه خذيت اي وفيه القليل بي واحس ناس ما تستاهل اي يعني على حسب



وطبعا هالمادة خذيتها عن هدى قرطم


خذيت حاسوب ومجتمع - برمجة انترنت - تحليل نظم -



الاستاذه الله يعافيها زينه وشينه بنفس الوقت :eh_s(10):


الانسانه تفهم وتعطي من عمرهااااااا وتحب الشغل الزايد قطع :dfgl: يعني تحب طلبات جانبيه ما ادري ليه


بس عن توصل المعلومه توصلها وخاصه في برمجة انترنت
روووعه في هالماده سهله جدا عندها اما حاسوب ومجتع كانت اشراااف ومالها دخل فيها


اما تحليل نظم لووووووووووعت جبدي واظلمتني يعني على حسب المقرر وعلى حسب القروب

انا صراحه لو القى عند غيرها اخذ بس اذا مالقيت الا هي عادي لانها تحب تتفلسف صايره


وكميت الامتحان طويله


طبعا خذيت عندها 2 اي ووحده بي بلس
--------



ادارة شبكات


خذيتها عن الاستاه العسل المؤدبه



ندى الصالح خلووووقة جدا وتساعد الله يخليها وتسطب جباتر روعه شويه عليها وخذيت اي عندها

-------------


المهندسة مريم الميع


انا وايد وايد وايد احبها واعزها تدخل القلب


وكلمتها وحده والدرجه ما تغيرها يعني بي بي خلاص بس اذا قالت الي تجيب علامه كامله بالامتحان اعطيها اي


تسويها وتعطي يعني كلامها ثقه



وانا تعجبني شخصيتها وثقتها الي بنفسها طبعا اول الايام تخوف بس عشان تمشي الكلاس بعدين تصير طبيعية لووووول



حبوبه حيل وتخدمج يعني انا جيتها محتاجه شغله بالتسجيل والله ما قصرت دقت على فلان وعلان ما خلتني وتسال وتتابع حالتج اذا انتي طلبتيها بخدمه


========

برمجة 3 خذيتها عن الباش مهندس طارق --- مصري بس مو عارفه اسمه كامل لووووول



جدا شاطر وجدا متساهل وخوش واحد يعطي هالمقرر


لان سحبتها كنت ماخذتها عن الحبيبه امل مطيرات قعدت شهر وسحبت ما استحملتهااااااا


وكنت بسقط فيها وخذيتها عند طارق خذيت اي = )


شغله هين يعني

--------------


امل مطيرات حبوبه بس وايد صوتها ينووووووووووووووووووووووووووووم تدرس كذا مقرر بس ما صادفتني الا برمجه 3

ما فهمت عليها كلش واحس ما تعرف تدخل المعلومة


بس خوش وحده <<< طبعا مرشدتي لوووووول


----


المهندس طارق العثمان

خوش دكتور بدوائر منطقية امتحاناته مبين سهله وشرحه حلو وماكو ملل يعني الشرح نفسه شويه ما يغث

والماده اسمها يخرع بس هي تافهه



===== طبعا خذيت عند منتدبين شفتهم مره واختفوااااا مثل مريم مال الله عطتني قواعد بيانات يعني مالج فيها



وخذيت عند دكتور مصري خوش واحد جنتل مان كان دايم يتطنز علي اني كسوله وليزي والخ


عاندته وانا الوحيده بالشعبه جبت اي لووووووووووووووول



========

طبعا برمجة 1 و2 خذيتها منتدبين بس حلوين وماعاد شفناهم


======
خذيت صيانه عند المهندسه امل اعتقد اسمها جذيه بس راحت ماعاد شفناها

====


خوارزميات خذيتها عند خوش دكتور بعد كويتي مقيم عندنا لووول


اسمه عبدالرحمن الكندري بس وااايد وايد احسه ممل وشرحه بارد وانا ما احب الانسان الي جذيه يعني يمكن

ودايم عنده كوزات ع ما اذكر

======= تصميم دروس خذيتها عند منى حسن


انا حبيت الماده وحبيت الدكتورة وخذيت اي عندها


خوش وحده


-------------


انا تعبت لوووووووووووووووول اذا تبين اي سؤال بعد حاظر



والباجي مواد عامه يعني كل التخصصات ياخذون وييانا وهذا موقع تقيم الدكاترة


http://www.paaet.org/

 

[Pop^*^CoRN]

وااااااااااااو رييماس الموضوع جدا مفيد حق خريجات الثنوي شكثر تجيني رسائل على الخاص تسال عن التخصص

و حبيت اقول حق الاخت تشوكلت >> اسمج يمتن خخخخ<<< ترا التخصص حلوو حيل و الانجلش عادي تمشين نفسج فيه و غير جذي الدكاترة مايقصرون حتى بالامتحان يقولوج السؤال شنو المطلوب منه و بالنسبه لتحليل عددي انا خذيتها مرتين عند ابراهيم محمود اول مره كنت مقفله مخي و اقول امبي صعبه و سقط فيها ثاني مره خذيتها هم عنده و جبت فيها سي مدري سي بلس و على فكره انا نوعيتي ادرس قبل الامتحان بيوووووووم فقط بس كل اللي عليج انج تفهمين معاه بالمحاظرة وترا امتحانه كوووبي من المسائل اللي يعطيج نفسها بالارقام و اذا تعرفين احد ماخ الماده من قبل سالي عن اساله الامتحانات لانه مايغيرها

و الحمد لله ماصادفت الا وحده انفصلت عشان المعدل واهي نوعيتها اصلا ماتدرس و تناجر الدكاترة بس الباجي مشالله الكل ماشي بالتخصص

عموما البنات اللي حابه تدخل التخصص و اهي حابته و حابه مجال التدريس تدخل و تطلب التوفيق من الله و التخصص حييل حلوو يكفي انج تكونين عايشه بالعالم و تعرفين وين وصلوا لانه هالوقت وقت الكمبيوتر و الانجلش اللي ماتعرف فيهم لو عندها دكتوراه بينقال عنها اميه

و لي باك قريب مع افضل اسوء الدكاترة

 

[^توجان^]

السلام عليكم اشلونكم
ريماس مبروووك مابقى لج شي عالتخرج ماشالله الله يوفقج يارب ومشكورة على تقييم (الأساتذة) لأن ماعندنا دكاترة
وأنا برايي تقييم الأستاذ يختلف من طالب لطالب.. و شي طبيعي امدح اللي معطيني امتياز مثلا منى حسن انتي اول وحدة تمر علي تمدح هالاستاذة اشوف كل البنات يذمونها
مريم الميع انتي تشوفينها خدومة انا بعكسج احتجتها مرة بشغلة بسيطة وسكرت الابواب بوجهي!
برمجة 1 خذيتها عند أستاذ طلعت عيوني عنده
المقدمة في الحاسوب كانت معاااناة لأني خذيتها بالانجلش وكانت صعبة
ووين المهندسين اللي يسوون المشاريع على 20 دينار دلونا تكفون.. بروجكت برمجة 1 مافي احد رضى يسويه اقل من 50 دينار
نظم تشغيل اغث مادة بالكون
مهارات معلومات السهلة تعبنا فيها حيل وطول الكورس شغالين فيها وبتصميم موقعها
وبالنسبة للأستاذة ندى اوافقج الرأي الصراحة قمة بالأخلاق الله يوفقها