- إنضم
- 26 ديسمبر 2008
- المشاركات
- 1,760
- مستوى التفاعل
- 0
- النقاط
- 0
السلام عليكم ورحمة الله وبركاته
لفت انتباهي بكثره في القسم هذا ناااااااادر مالقا وحده تحب او تقدر ام زوجها ....
وسوالف كثيره ...
وبما اني احبكم حبيت انقل لكم الموضوع هذا .... اقريه عدل وبعدين احكمي على ام الزوج او اهله ... وحطي امش او انتي بالمستقبل مكان امه وعامليهم بالمعامله اللي تحبين عيالش يعاملونش فيها مستقبلا ....
خاتم من الالماس الحر الصافي.....
هذا هديتك من اغلا ثنين فالوجود والدينك.....
يوم عرسك.....
كان لهالخاتم مكانه خاصة .....
لانه جمع كل شي حلو عندك....
اولا الماس حر....
وهو حجرك الكريم المفضل
ثانيا...من والدينك وهم اغلا من فالوجود
ثالثا....في يوم عرسك احلا ذكري
اوليتيه اهتمام ورعايه....
حافظتي عليه....وحطيته بافضل الاماكن
واكثرها امان....
من طبيعة الالماس انه سريع الخدش.....
كنتي حريصة من هالناحيه.....
فالمناسبات لازم يزين يدك.....
استمريتي علي هالحال سنين.....
وكل ما مر الوقت...كل ما زادت القيمه
المعنويه والفعليه له....
عشاق الاحجار الكريمه...
يعرفون ان الحجر الكريم هو للاقتناء
وليس للبيع....فالدول الاوربيه يورث
وهذي حقيقة....
في يوم زفاف بنتك....
مالقيتي اثمن ولا اغلي علي قلبك
من هالخاتم تقديمه هديه لها....
حبيتي تعيدين تصرف اهلك معك....
فرحت فيه كثير.....
بس دايما عينك عليه....
مهما سوت تحسين.... انها ماش...
ما تقدر قيمته....
مهما حافظت عليه....مو نفس حفاظك عليك....
ليه ياحبيتي تحطينه فالشنطة مع اغراضك
متعرفين انه الماس والالماس ينخدش بسرعة
ليه تخلينه فوق الطاوله ما تخافين يضيع...
هذا كلامك لبنتك....رغم انه صار ملكها
بنتك يعني روحك....
فما بالك لو اختك....بنت خالتك عمك جارتك....
اكيد مو منه منك بس ودك يقدرون قيمه اللي بين
ايديهم....
ام الزوج....
تحس نفس احساسك......
بس بشي اغلي من الالماس.....
وتبدأ بالكلام اللي يغث....
وبالنشبه بالحلق.....
مع شوي او الكثير من الغيره...
الزوجة...اف ياوالله النشبه....
دامها تحبة لهدرجة كان مازوجته كان تركته
عندها...ولد امه
الشكوي لله...لولا ان الزواج سنة الحياة...كان ما فرطت فيه
الام...تراه يحب كذا.......وطبعه كذا
(تعزيه للنفس وانه مازال ولدها وهي ادرابه)
بعض الزوجات..... بنظره خليط من الاستغراب والاستهزاء
ادري ادري قالي...وبقلبها تقول
ها تعلمني برجلي ما تدري مسكينه ان اعرفة اكثر منها
(عشان الجانب الخاص بين الزوجين) وانها تشوفه بوضع
حتي امه ما تشوفه فيه تحسب خلاص عرفته
ما تدري مسكينه انها ما عرفت الا هذا الجانب بسسسسسس
والباقي تصنع ودبلوماسية اول الزواج....حتي وان كان فيه مكالمات
ايام الملكه....
كل حقيقته ومشاكله واحباطاته هنااااااك عند اهله
مهما بلغ حبة لك تبقين بنت ناس وهم اهله.....
لو قال طالق بعد عشرين سنه زواج بتحرمين عليه....
بتصيرين غريبه عنه.....
خواته هم ثاني....شلون اجنبيه عنا تصير اقرب منا لاخونا
او شفتي يمه كان ولدك مضيق علينا شفتي
شلون يعامل مرته.....
طيب وشرايكم نتصرف بشوي من الحكمه.....
الام...هو يحب كذا ويسوي كذا وطبعه كذا
الزوجة...صحيح ياعمه....كانها ما تدري..... والحقيقه هو معلمها
اذا جات تتكلم....
لا يا عمه عمر محد يجي بغلاكم عنده....
(ولدك وانتي ادرابه) هذي الكلمه لها مفعول السحر
تحسس الام انه ما زال ملكها ولها
(والحقيقة هو ملك نفسه مو ملك احد لا زوجة ولا ام)
بس يعني شي نفسي
اخوكم...
هذي لخواته....كلااااام والكلام بلاش
هم عاد اللي بيحاولون يقربونك منه...لانهم غالين عنده
ومحد بمكانتهم...حتي انتي....
(هذا من كلامك طبعا)
فيورونك شلون لهم تأثير عليه
مافي داعي للشرح لان الطرق كثيره
اذن انتي انسانه ما منك خوف او منتي خطر علي
علاقتهم بولدهم
في هالفتره يجون العيال ويمر الزمن وتدخلين في نسيج
العايله...بدون محد يحس....وتكون لك حقوق ظاهره قدامهم
حبكم لبعض هذا شي بينكم لكم مو لازم يكون باين
نجي للامور الجانبيه....
اذا طلعوا معكم عادي وشفيها....
في شي ماني قادره افهمه...وش هالرومنسيه اللي ما تخلص
لازم بكل مكان وزمان
بس بعد لعشاق الرومنسيه...ابشركم
ان الطلعات العائليه تكون مثيره للرجل بشكل كبير
ليه...لانك تكونين محظوره عليه بهالفتره....
فيغتنم الفرصه بغمزه عين....
ابتسامه ذات معني...اذا كنتي تقهوينه مع اهله
ياخذ الفنجال....ويتعمد يلمس ايدك بطريقة معينه...ويفرح يفرح
اذا سواها ومحد انتبهله.....يحسه انتصار ...تجيه نشوه
ضحك وتكلم مع الكل...بس اكيد انتي غير....
اعرف كثير من الحريم صارت لهم لحضات غزل وهم مع اهله
وكان وقعها مختلف.....(وانا وحده منهم)
مثلا...
يقول لامه والله يايمه اني احبك...ويطالعك ويبتسم...
اكيد فغفله منها....
لو قالها لك لحالكم عشرين مره....هذيك غير
فيها شي مثير...والا وشرايكم
وان ما صارت لاي سبب...فاكيد اللوم مو علي اهله باي
شكل من الاشكال....
يا اما هو ثقيل او من النوع الحريص او الخجول....او ما يبي اصلا
نروح لامر اخر...
طلعته مع اهله لحالهم...
حق من حقوقه وحقوق اهله الطبيعيه....
مثل ما تروحين مع خواتك او اخوانك ويفرحك هالشي....
عندهم او عنده شي خاص ما يبييييي يقوله لك هووو حر
كثير من الحريم هنيا يقولون لا تعلمين الرجل بكل شي
طيب حتي هو....مو ملزوم يعلمك بكل شي....
لاااااا تسون لهم احتكار....عيشوا طبيعي...الحيااااة سهله
لا تعقدونها...اذا طلع معهم بياكلونه مثلا ....والا بيخلصونه
الغوووا الاله الحاسبه والساعات من حياتكم حسابات فاشله
مالها داعي....كم قعد معهم وكم قعد معي...كم ابتسامه ابتسملهم
وكم ابتسملي......يا بنت الحلال مرده لك....
اذا كان القصد انهم يشيشونه عليك....طيب هو معك وادرابك
ابخص واحد بتصرفاتك....
اذا بتغيره كلمه....فهو ضعيف شخصيه امعة كلمه توديه وكلمه تجيبه
بعد اللوم ما يقع علي اهله ابداااااا....هو الملااااااام
في نوع من العمات ما يفيد فيها طب ولا طبيب.....
مهما سويتي انتي مبغوظه مبغوظه...لا تحاولين....
مغضوب عليك.....
فمالك الا احتساب الاجر....لله الامر من قبل ومن بعد
فالنهايه يبقي رجل وما تزوج ولحد وصايه عليه...
ارفعي عنه وصايتك...وصدقيني كل اللي تسعين له ....وتتمنينه
هو عارفة ولو يبي من داخل قلبه وهو صادق كان سواه
اهله ما لهم دخل....
حبايبي...اسفة علي الاطاله
وسواءا اتفقتوا معي او اختلفتوا....نبقي خوات
كتبت الموضوع من وجهة نظر شخصيه مو ملزمه لاي منكم
تم بحمد الله
ولاتنسون اللي ماله خير في اهله ماله خير في غيرهم
لفت انتباهي بكثره في القسم هذا ناااااااادر مالقا وحده تحب او تقدر ام زوجها ....
وسوالف كثيره ...
وبما اني احبكم حبيت انقل لكم الموضوع هذا .... اقريه عدل وبعدين احكمي على ام الزوج او اهله ... وحطي امش او انتي بالمستقبل مكان امه وعامليهم بالمعامله اللي تحبين عيالش يعاملونش فيها مستقبلا ....
خاتم من الالماس الحر الصافي.....
هذا هديتك من اغلا ثنين فالوجود والدينك.....
يوم عرسك.....
كان لهالخاتم مكانه خاصة .....
لانه جمع كل شي حلو عندك....
اولا الماس حر....
وهو حجرك الكريم المفضل
ثانيا...من والدينك وهم اغلا من فالوجود
ثالثا....في يوم عرسك احلا ذكري
اوليتيه اهتمام ورعايه....
حافظتي عليه....وحطيته بافضل الاماكن
واكثرها امان....
من طبيعة الالماس انه سريع الخدش.....
كنتي حريصة من هالناحيه.....
فالمناسبات لازم يزين يدك.....
استمريتي علي هالحال سنين.....
وكل ما مر الوقت...كل ما زادت القيمه
المعنويه والفعليه له....
عشاق الاحجار الكريمه...
يعرفون ان الحجر الكريم هو للاقتناء
وليس للبيع....فالدول الاوربيه يورث
وهذي حقيقة....
في يوم زفاف بنتك....
مالقيتي اثمن ولا اغلي علي قلبك
من هالخاتم تقديمه هديه لها....
حبيتي تعيدين تصرف اهلك معك....
فرحت فيه كثير.....
بس دايما عينك عليه....
مهما سوت تحسين.... انها ماش...
ما تقدر قيمته....
مهما حافظت عليه....مو نفس حفاظك عليك....
ليه ياحبيتي تحطينه فالشنطة مع اغراضك
متعرفين انه الماس والالماس ينخدش بسرعة
ليه تخلينه فوق الطاوله ما تخافين يضيع...
هذا كلامك لبنتك....رغم انه صار ملكها
بنتك يعني روحك....
فما بالك لو اختك....بنت خالتك عمك جارتك....
اكيد مو منه منك بس ودك يقدرون قيمه اللي بين
ايديهم....
ام الزوج....
تحس نفس احساسك......
بس بشي اغلي من الالماس.....
وتبدأ بالكلام اللي يغث....
وبالنشبه بالحلق.....
مع شوي او الكثير من الغيره...
الزوجة...اف ياوالله النشبه....
دامها تحبة لهدرجة كان مازوجته كان تركته
عندها...ولد امه
الشكوي لله...لولا ان الزواج سنة الحياة...كان ما فرطت فيه
الام...تراه يحب كذا.......وطبعه كذا
(تعزيه للنفس وانه مازال ولدها وهي ادرابه)
بعض الزوجات..... بنظره خليط من الاستغراب والاستهزاء
ادري ادري قالي...وبقلبها تقول
ها تعلمني برجلي ما تدري مسكينه ان اعرفة اكثر منها
(عشان الجانب الخاص بين الزوجين) وانها تشوفه بوضع
حتي امه ما تشوفه فيه تحسب خلاص عرفته
ما تدري مسكينه انها ما عرفت الا هذا الجانب بسسسسسس
والباقي تصنع ودبلوماسية اول الزواج....حتي وان كان فيه مكالمات
ايام الملكه....
كل حقيقته ومشاكله واحباطاته هنااااااك عند اهله
مهما بلغ حبة لك تبقين بنت ناس وهم اهله.....
لو قال طالق بعد عشرين سنه زواج بتحرمين عليه....
بتصيرين غريبه عنه.....
خواته هم ثاني....شلون اجنبيه عنا تصير اقرب منا لاخونا
او شفتي يمه كان ولدك مضيق علينا شفتي
شلون يعامل مرته.....
طيب وشرايكم نتصرف بشوي من الحكمه.....
الام...هو يحب كذا ويسوي كذا وطبعه كذا
الزوجة...صحيح ياعمه....كانها ما تدري..... والحقيقه هو معلمها
اذا جات تتكلم....
لا يا عمه عمر محد يجي بغلاكم عنده....
(ولدك وانتي ادرابه) هذي الكلمه لها مفعول السحر
تحسس الام انه ما زال ملكها ولها
(والحقيقة هو ملك نفسه مو ملك احد لا زوجة ولا ام)
بس يعني شي نفسي
اخوكم...
هذي لخواته....كلااااام والكلام بلاش
هم عاد اللي بيحاولون يقربونك منه...لانهم غالين عنده
ومحد بمكانتهم...حتي انتي....
(هذا من كلامك طبعا)
فيورونك شلون لهم تأثير عليه
مافي داعي للشرح لان الطرق كثيره
اذن انتي انسانه ما منك خوف او منتي خطر علي
علاقتهم بولدهم
في هالفتره يجون العيال ويمر الزمن وتدخلين في نسيج
العايله...بدون محد يحس....وتكون لك حقوق ظاهره قدامهم
حبكم لبعض هذا شي بينكم لكم مو لازم يكون باين
نجي للامور الجانبيه....
اذا طلعوا معكم عادي وشفيها....
في شي ماني قادره افهمه...وش هالرومنسيه اللي ما تخلص
لازم بكل مكان وزمان
بس بعد لعشاق الرومنسيه...ابشركم
ان الطلعات العائليه تكون مثيره للرجل بشكل كبير
ليه...لانك تكونين محظوره عليه بهالفتره....
فيغتنم الفرصه بغمزه عين....
ابتسامه ذات معني...اذا كنتي تقهوينه مع اهله
ياخذ الفنجال....ويتعمد يلمس ايدك بطريقة معينه...ويفرح يفرح
اذا سواها ومحد انتبهله.....يحسه انتصار ...تجيه نشوه
ضحك وتكلم مع الكل...بس اكيد انتي غير....
اعرف كثير من الحريم صارت لهم لحضات غزل وهم مع اهله
وكان وقعها مختلف.....(وانا وحده منهم)
مثلا...
يقول لامه والله يايمه اني احبك...ويطالعك ويبتسم...
اكيد فغفله منها....
لو قالها لك لحالكم عشرين مره....هذيك غير
فيها شي مثير...والا وشرايكم
وان ما صارت لاي سبب...فاكيد اللوم مو علي اهله باي
شكل من الاشكال....
يا اما هو ثقيل او من النوع الحريص او الخجول....او ما يبي اصلا
نروح لامر اخر...
طلعته مع اهله لحالهم...
حق من حقوقه وحقوق اهله الطبيعيه....
مثل ما تروحين مع خواتك او اخوانك ويفرحك هالشي....
عندهم او عنده شي خاص ما يبييييي يقوله لك هووو حر
كثير من الحريم هنيا يقولون لا تعلمين الرجل بكل شي
طيب حتي هو....مو ملزوم يعلمك بكل شي....
لاااااا تسون لهم احتكار....عيشوا طبيعي...الحيااااة سهله
لا تعقدونها...اذا طلع معهم بياكلونه مثلا ....والا بيخلصونه
الغوووا الاله الحاسبه والساعات من حياتكم حسابات فاشله
مالها داعي....كم قعد معهم وكم قعد معي...كم ابتسامه ابتسملهم
وكم ابتسملي......يا بنت الحلال مرده لك....
اذا كان القصد انهم يشيشونه عليك....طيب هو معك وادرابك
ابخص واحد بتصرفاتك....
اذا بتغيره كلمه....فهو ضعيف شخصيه امعة كلمه توديه وكلمه تجيبه
بعد اللوم ما يقع علي اهله ابداااااا....هو الملااااااام
في نوع من العمات ما يفيد فيها طب ولا طبيب.....
مهما سويتي انتي مبغوظه مبغوظه...لا تحاولين....
مغضوب عليك.....
فمالك الا احتساب الاجر....لله الامر من قبل ومن بعد
فالنهايه يبقي رجل وما تزوج ولحد وصايه عليه...
ارفعي عنه وصايتك...وصدقيني كل اللي تسعين له ....وتتمنينه
هو عارفة ولو يبي من داخل قلبه وهو صادق كان سواه
اهله ما لهم دخل....
حبايبي...اسفة علي الاطاله
وسواءا اتفقتوا معي او اختلفتوا....نبقي خوات
كتبت الموضوع من وجهة نظر شخصيه مو ملزمه لاي منكم
تم بحمد الله
ولاتنسون اللي ماله خير في اهله ماله خير في غيرهم
