لكل من تسال عن عداد الخطوات-صوره

[^^ROSE^^]

اي عيل اكيد نفسه بس الفرق الوصله
بدوره ان شاء الله بصيدليتنا عشان اطق صندوقنا

 

[سمسميه]

موجود بجمعية الشاميه الصيدليه بعد

 

[شكليطه]

سمسميه شريت الجهاز اليوم.........بس شكله معقد ماعرفت اسويه

شلون اسويله ست اب؟

انتي شلون استخدمتيه اول مره؟

 

[سمسميه]

الصيدلاني سوالي اياه
بس ترى سهل
تضعطين سيت
وبعدين يطلع لج تضبيط قراءات الوقت تحركين بالاسهم لما تعتمدينه
والوزن
والطول راح يكون 120 هذا اكب ر رقم

 

[شكليطه]

............غريبه!!

لان مكتوب اذا تبين قراءات دقيقه لازم تقيسين طول خطوتج

والطريقه.......على مافهمته انه تمشين 10 خطوات وتقيسين المسافه اللي قطعتيها بهال10 خطوات
وبعدين تقسمين المسافه على 10

وقررررررررقه وايد



اتوقع مايصلح احد غيرج يستخدمه........لان بياناتج غير عنه



والله انا شكلي بطقطق والسلام



شكرا سمسومه

 

[سمسميه]

شكليطه
اي صح اهو يحسب طول خطوتج بناءا على قياساتج انتي
لو لبسه احد ثاني ما يصير !
وطريقة حسبتج غير لان الجهاز لا زم يستنتج طول خطوتج بناءا على قياساتج

 

[فقدتك يانور عيني]

مشكوره

 

[كاشونه الاصليه]

وناسه فوقه يببله

 

[سمسميه]

حياكم الله بنات

 

[Pop^*^CoRN]

والطول راح يكون 120 هذا اكب ر رقم

سمسمية شلون الطول 120 ؟

و اذا انا اطول (153)

انا شريت الجهاز امس و حست بالطول

 

[شكليطه]

سمسومه ادري بتقولين انا شاللي بلشني ونزلت هالموضوع

ههههههههههههههههههههههههههههههههههه


بس لان والله متحمسه من زمان على هالاجهزة ولما لقيت واحد سنع (والفضل لج بعد الله سبحانه)

المهم قريت المانيووال اكثر من مره مااااااافهمت........كاتبيين ادخل الوقت......وقت شنو؟؟؟؟؟؟؟؟؟؟؟


وبعدين مثل سؤال الاخت اللي قبلي...شلون على الطول؟؟

انا 161


دقيت على الروضه محد يرد

دقيت على الشاميه قالي انتي اقري وضبطي........جبح..........يعني لو اعرف جان مادقيت وسمعت صوت الكروان

قلت له رفيجتي قالت الصيدلية ضبطوه لها ..........قال لأ احنا ما نضبط الجهاز

اذا تبين روحي المهلب هناك وكيلهم


شدعوووووووووواااااا



عفيا تحملينا وقوليلنا شلون الصيدلي ضبطه لج؟

شلون قاس خطوتج؟؟

لان مكتوب انج انتي تدخلين القياس........حتى الصيدلي اللي كلمته قال تقيسين الخطوة وتدخلينها



وسااااااااااامحيني على هالنشبه

 

[سمسميه]

ههههههههههههه
لا بالعكس يسعدني والله اساعد
شوفوا
1-اول شي تدوسين على زر set
راح تشوفين الساعه(الوقت) تشب وتطفي
بالزر لي اسمهmode تضغطين عليه فيزيد لج الوقت لما توصلين للساعه المطلوبه مثلا الساعه 5 = 17
بعدين ضغطي set
راح ينتقل التعديل للدقايق
2-نفس العمليه
بالزر لي اسمهmode تضغطين عليه فيزيد لج الوقت لما توصلين للدقايق الصحيحه
بعدين ضغطي set
3-راح ينتقل التعديل للوزن
نفس العمليه
بالزر لي اسمهmode تضغطين عليه فيزيد لج الوزن لما توصلين للوزن المطلوب
بعدين ضغطي set

4-راح ينتقل التعديل للطول(طول الخطوه)
نفس العمليه
بالزر لي اسمهmode تضغطين عليه فيزيد لج الطول لما توصلين 120 لان اكبر طول موجود هو ا120
بعدين ضغطي set


ملاحظات
الصيدلي الي ضبط لي الجهاز بصيدلية السره



واي استفسارات انا حاضره

 

[احترت اعبر]

مشكوره

 

[لولي**]

مشكوره

 

[^SwEeTa^]

مشكوره حبوبة على الموضوع

سمعت عنه من الدكتور بو عباس .. و كان ودي أجربه

بس خفت أتعقد ههههههه

المشكله د.بو عباس قال ان الجهاز مو موجود إلا عنده .. من جذي دورته بالنت و لقيته بأمازون .. و تعيزت أشتريه

بس والله من زمان .. ودي أجربه .. بس متردده!!

 

[بشرى]

مشكوره

 

[سمسميه]

حياكم الله بنات

سويتا
حبيبتي انا مثلج كنت اعتقد ان بس موجود عنده بس لقيته بالصيدليه
عاد والله د بوعباس خوش دكتور وله الفضل انه دلاني على هالجهاز ويمكن قبل كان بس اهوا اييبه س الحين موجود بالصيدليات
جربيه حلو يعطيج دافع على الحركه

 

[& شهد &]

شريته من صيدليه عادل ب 18 دينار الا ربع بس شلون اطفيه لو ما ابي استخدمه

ومشكورة ما قصرتي

 

[سمسميه]

شهد
منو عادل؟
وعادي لا تطفينه خليه اهو راح يظل قراءاته كلها 0

 

[كوييتيه_1980]

مشكوووووووووره حبيبتي

ويعطيج العافية

شكلي بشتريه انا بعد


مع تحياتي / كوييتيه_1980