لكل متزوجه متا سويتي هالشي؟؟؟ عشان تفيدون العرايس وحزب الطماشه

[english muffin]

بعد فترة طويلة
لان معاي ام ريلي اهي تطبخ وانا اداوم ولان فترة من زواجنا زوجي كان يشتغل بره الديرة
بس رمضان كنت بالبيت كل يوم كنت اطبخ

 

[عذبة السجآيآ]

تقريبا طبخت بعد سبوعين مره او مرتين بس لان بعد عرسي شهر كان الرمضان وماكنت اطبخ يا اتفطر عند اهلي او اروح بيت حمولتي

او خالتي اطرش لنا وسويت بالرمضان بس مره معكرونا بالكريما وتو الحين بديت اطبخ يعني اول سنه ماينعدون على الاصابع ههههه

 

[حبيبه فايز22]

انا دوووم اطبخ وعقب شهر تقريبا من عرسي وانا اطبخ
عاد انا ببيت اهله بس محددين لنا يوم يعني حريم حماني انا وياهم كل وحده يووم غدا واحيااانا اسحب عليهم خخخخ
بس دوم اطبخ دوم


وعلى فكككككره الموضوع غدددددددديم ....................

 

[جبسوفيليا]

انا اول مرره طبخت اقصد معكروونيه واطباق يمكن بعد عرسي ب4شهور لكن شغل صمون وقلي ما قلي عادي لانه هو مااياكل بس اذا سويت له بلع الاكل كله ههه

بس اتذكر سويت بيض وطماط خامس يوم عرسي قمنا الصبح قالي سوي ريوق امبيييه احتررررق وحطيته بعدين استووعبت انه اسوود لم شفته بالصفره ههههه عااد اهووو يقوول الله شكلج تعوورفين تطبخين هههههه
ويوم طاحت المياانه كل شووي يذكررني فيه يقوول صدمتيني


بس اللحين عادي كل ما اشتهينا شي سويته بس ناادر جداً لان هو محاافظ ع ووزنه


ووووويه لاااحقين عالطبااخ

 

[Warrda19]

موضوعج واااايد حلووو
ذكرتيني بأشيا زينة ومو زينه
انا ساكنة بروحي شقة
بس نظامهم ان كل الحموات ينزلون الصبح ويطبخون
خوه لانه الام العودة متوفيه
وهو كان يبيني من اول يوم اطبخ
كلش ما استانست باول شهور زواج
وبعدين ماكان عندي سيارة اروح الصبح لهم
وكان لما يرجع يهاوشني ليش ما رحت
طيب شلون ارووووح !!!! اهئ اهئ
المهم كنت اجووف حمواتي شيسوون واتعلم طريقة طبخهم
ومرات كنت اساعدهم ،،،
بعد ست شهوور طبخت في بيتي وكانت الطبخه برياااااني عجبته وااايد وصالونة خضار

 

[قطوووة]

انا طموشة وبصراحة اول سنة بتدلع واسوي نفسي ماعرف مع اني احب الطبخ
وتالي يصير خير

 

[رجفة وهم]

كل هالأسئلة ماأدري أجاوب على اي سؤال ههههه

على العموم بعد شهر من زواجي طبخت

 

[البرنسيسة غلا]

،



أول مرهـ طبخت بعد عرسي بـ أسبوع تقريباً
سويت عشآ له و لـ رفيجه
>> طبآخه نص و نص و على آلمزآج هع
و آلحمدلله عجبهم آلعشآ
>> غصباً عليهم وإلآ مآ عآد يشمون ريحةة آلأكل ههههه

ألحين صآرلي سنه و كل شي يبيني أسويه و تعلمته
و سآعآت أنزل لـ حمولتي و بين فترة و فترة أسوي حلآ و أنزله عندهم

طبعاً بعد آلطبخ و ريحةة آلأكل آخذلي شور سريع و آتبخر و آتعطر و آبخر آلشقه و آرتبهآ و تختفي ريحةة آلطبخ |

طبعاً عندي مطبخ صغنوون و آلأكل أغلب آلأيآم آكل مع حمولتي .. و كل أسبوعين يجي دوري و أسوي غدآ لـ حمولتي جميعاً >> يوم آلخميس دوري بآلطبخ

و صبراً جميل و آلله آلمستعآن




،​

 

[L.O.S]

انا طبخت من يوم دخلتي وسويت له غدا اهوا وربعه حمام محشي وورق عنب

 

[a7la siorah]

انا طبخت من ثاني اسبوع

وسويت عيش اهو قعد يعلمني شلون اغسل العيش عباله عاد بالمره ميح

وكل شي علمني اياه غلط ههههههههههههههه

طلع يتفلسف

 

[ي قلبي ابتسم]

مووضوع وايد مهم يسسلموا بنات

بس ياريت تحطون لنا وصفات بالصور لاكلات بسيطه نقدر نسويها باول شهور بدون كشنه وحوسه

 

[mrs.abk]

أنا لأني سكنت في بيت بروحي + اني ما سرت هووني موون وقعدت في بيتي فمن أول اسبوع تنظيف وطبخ وخم !!

طبخاتي عادية ريوق وسلطات بس طبخت طبخات رئيسية 3 مرات او 4 ما أذكر .. سويت كمن طبق وعجبو الغالي وهالشيء كفاية

وأنا أعرف أطبخ بس لي سنين ما طبخت إلا مرات نادرة ..

المهم اني بعد أفر على المنتديات وأدور وصفات يديدة وخاصة الاطباق اللي يحبهم

 

[M!Ss Smart]

من الشهر الثاني طبخت
انا كنت اعرف اسوي حلويات فقط لاغير وقبل زواجي بشهر تعلمت اللحم والمجابيس ولان شقه بروحي لازم اطبخ و اول طبخه كانت باستا وبعد كل طبخه ابخر البيت او اشغل فواحه والحين
هوايتي الطبخ وابدع بطباخ ونفسي بشهاده الكل حلووو والله يوفقج حبيبتي

 

[أم معاذ الكندري]

موضوعج حلو

والله انا ثالث يوم من زواجي كنا تونا رادين من الفندق وقاعده ابدل ملابسي جان يقولي انا يوعان ابي مجبوس دياي طبعا انا طقتني البوهه بس تمالكت اعصابي لووووووووووووووووووول
والله وسويته
اما منو علمني الله يخلي الوالده من يصير عمرنا 14 سنه تعلمنا الطباخ
وعندي مطبخ تحضيري بس انا مستغلته صح
وانزل حق حمولتي نقصه اكيد
واذا ع الطباخ وقت الدوامات
انا اسوي نص الطبخه من باليل طبعا ع حسب طبختج ولمه ارد من الدوام اكمل الطباخ
طبعا بعد كل طبخه لزوووم الشور مايصير اقعد بريحت الطباخ