لكل عروس اهم شي الراحة النفسية تعالي شوفي شصار وياي بعرسي

[Ms.lool]

واي انقهررت كتبت الموضوع والا اطق دقمه و انمسسسسح كل شي :rgewrg:

المهم قوه بنات شلونكم عساكم بخيييييير

موضوعي اوجهه للعروسات الحلوين و اهلهم سواء خواتهم والا عماتهم والا خالاتهم والخ..

ببدا من غير مقدمات

انا عرسي كان من 5 شهور وا لحمدلله

فترة الملجة كانت بس 3شهور و وقتي ضيق بالتجهيز و انضغطت حيل

مشكلتي ان انا بجر امي و اول وحده اتزوج
و امي ماعندها الخبره الكافيه للعرس لان اغلب اهلنا العروس بالبيت اما انا كان عرسي بصالة

وكل شي صار بويهي

اصدمممكم انا اللي رحت و حجزت المسكة و الكوشه حتى من غير ماتشوفهم امي
و النفنوف انا بنفسي اتفقت مع المشغل وعقب وريت امي الموديل

اهي ساعدتني باللي تقدر عليه ماقصرت من ناحية الملابس و الاكسسوارات وجذي

الشبكة و الكفر بروحي شريتهم :eh_s(2): والكفر الصراحة يلوع الجبد خلوها ع الله :krkrkr:
والمصورة بعد بروحي حجزت واتفقت وياها


ونتييييجة هالضغط كللللللله شوووفي شصار وياي يوم العرس!!

الصبح قمت و الظهر خالتي ودتني الصالون

انا الحين بالصالون و ححححححدي متوتره افكر متى توصل المسكة و متى تيي المصورة و تخيلو عروس و ارقام هذيل وياي انا

دقيت ع المصورة قالتلي لما تقعدين ع التسريحة دقي علي وكانت خوش وحده

و المسكة حرقت التلفون عليه وكل شوي ييقول ياي
الناس يطالعوني شفيها هذي عروس وكل شوي تدق و تصارخ وتتحلطم!

النفسييييييية كااااااااااانت :eh_s(14):

اخر شي دقيت ع ريلي واهو بصالونه :krkrkr:معصبه حدي و عطيته رقم راعي المسكه عشان يتفاهم وياه

وييه الصالون عقب طلعة الروح مع ان رشا شيك معروف مكانه ومايضيع

ولما وصل وشفت المسكة >>>>>>>>>>>>>>> :rgewrg:
مو اللون اللي ابييييييييه !!
كنت ابي الورد كله وردي فاتح بس اهو حاطلي وردي واوف وايت
بلعت العافيه وسكت

والاعصاب تتصاعد

ويحليلهم اللي وياي يهدوني ويعابلون فيني

شوي وييت البس الشبكة
ماخذتها الماس تقليد والترجية حجمها كبير


يوم لبست الاولى والا الحلقة اللي تحت طااااااااااااحت @@

انا ونفسيتي :eh_s(8):على الدنيا السلااااااام

اعصااااابي كللللللش وحدددددددي و اببببببجي بسسسس
حاولو اللي بالصالون يعدلونها بالسيليكون بس ماصار لانها تحتاج لحام

ومن الاعصاب دقيت ع ريلي واهو بالسياره زافينه ربعه لي صالة الرياييل

اول ماشاله ألو جان اقوله >>>>الترجية انكسرت:eh_s(14):

واهو عصب يقول انا شكو :krkrkr:

المهم بعد تفكير عميق جان اسوي خطتي الجهنميه و كسرت الثانيه
وطلعت احلى من شكلها الأولى خخخخخخخخخخخ

الحين خلصت تصوير و كل شي
وناطرة اللموزين

الصالونات تسكر الساعه 9 و انا الساعه 8ونص والسياره للحين ماوصلت

طبعا الحجز كان عند ابوي
اااااادق عليه ادق ادق حرررررقت التلفون مايرررررررد

وادق ع اميييييي ماااااترد

انا اعصابي خلاااااااااص وصلت حددددددها ونزلت راسي وببجي!

وخالتي تيي تهديني

ودقت على خوالي محد يرررد منهم و دقت ع اخوي هم مايررد

دقيت ع ابوي فوق ال20 مره

بعدين دقيت ع امي وشالته وصوت الديجي كللش مااسمعها شتقول

بس قالتلي اهي بعد تتصل ع ابوي مايرد

صارت الساعه تسع
والصالونات كلهم طلعو بس ظلت معانا مالت الرسبشن

وانا قاعده بس لو احد يقولي كلمة ابجي

المهم عشر دقايق والا يدق ابوي يقول السياره تحت

واخييييييرااا ونزلت و الحمدلله ودشيت زفتي وقاعده بالكوشه مستانسه:ggdw:


بس ماخلصنا :eh_s(14):

انا ماحب المصورة اتخلي الكامره اكثر شي ع العروس ابي تصور الاودام و مع اني قايلة لها بس بطت جبدي

وانا قاعده ع الكوشة ابي احد اييلي عشان يفهم هالغبيه :rgewrg:
جان ااشر لها صوري ورى :krkrkr:

والحين يوم يينا بنطلع لاحقتني تقول اعطي الشريط لميييييين !
وانا بحوسه و البس الثوب الابيض و الناس حواليني !!!

مشيت ماقتلها شي وعطته حق اختي مع ان كنت ابيها تصور عقب ما اطلع:eh_s(4):بس كا ن المفروض اخلي احد يفهمها :eh_s(16):


رحنا الموزين شوي بيمشي جان اتذكررررررر جنطتيييييييي

اللي فيها اغراضي الاساسيه و تلفوني
كنت معطتهم حق خالتي قتلها اول ما اطلع ييبوها
و وقفنا قلنا لهم نبي الجنطة
وكل وحده تقول مادري وينها مادري
صارت نص سااااااااعه
وخواتي يدورون امي
وامي تدور خواتي
وانا خلاااااااااااص
جان اقول حق ريلي يبا انا بنززززززل ززززززززززين انا بنزززززل بيييبها :rgewrg:

واهو في ضحكة بس ساكت والا من صجي كنت بقوم

ويابوها عقب عناء :eh_s(4):

وخلص العرس

-------------------------------


اللي أبيكم تعرفونه بناااااااات ان الشغل لاااااااازم يتوززع
العرووس بروحها تعبااااانه و خايفه و متوترررره

صراحة تعبت وايد وايد وقلت بعرس خواتي انا بشيل عنهم كل شي
والحين عرس خالتي قتلها انا اللي بحجزلج المصورة وانا اللي بيي وياج الصالون مابي يصيرلهم نفس اللي صارلي
التوتر مو طبيعي والخوف و الربكه
لدرررررجة و انتو بكراامة انحسرررت عقب مالبست النفنوف وظليت طول العرس ماسكه روحي لين الفندق :eh_s(2):

واذا بتسألون وين خالاتج وعماتج

خالاتي مساكين لوبقولهم مابيقصرون بس انا استحيت اطلب خصوصا ان كل وحده بيت وعيال
بس نصييييييييحة ياعررررروس لاتتحررجيين تطلبين من احد يعاونج هذا عرس ولازم الكل يوقف وياج و كل وحده من اهلج يكون عليها شي معين تسويه ..

وعماتي خلوهم ع صوب :eh_s(4):





والحين ابي اشوف تعاليقكم ع الطماااشه اللي صاارت

 

[دندونه911]

وأي انا تنر فزت الله يكون بعونك

 

[دندونه911]

اول وحده ارد عليك ويسلمو يا حياتي ماقصرتي

 

[coralia]

وي حبيبتي ميخالف الله يسعدج ويهنيج ومشكووورة على نقل تجربتج بصراحة ماكنت اعرف شي عن هاللوية والله صاجة العروس بيوم عرسها اصلا متوترة من غير شي هالدور كل شي على راسها الله يجزاج خير ويوفقج يااارب
​

 

[الريم اللعوب]

هههههههههههههههإ تنرفزت انا اشلون انتي الحمدلله عدت علئ خير ياقلبي

الف مبروك

 

[بكيزة هانم]

هههههههههههه من جد ضحكتيني
وانتي بعدين بتذكرينه وتضحكين >> بعدين يعني
هالشغلات تصير لازم لان محد يقدر يتحكم بالظروف

 

[حساسة مصر]

ههههه
يا حبيبيتي حاسة بيكي والله
الحمدلله اليوم ده مر علي خير و مبروك ليكي و ربنا يرزقك الذرية الصالحة


وادعيلي عقبالي

 

[سـلام العـشق]

واي الله يعينج

انتي صح غلطانه لازم كل وحده من اهلج تكون مسؤولة عن شي

انا يوم عرسي ما كنت افكر الا بلبسي وشكلي ما قصروا امي و خواتي وبنات خالاتي

كل وحده كانت ماسكه شي وساعدوووني وايد

 

[خانها الحظ]

.,


وانا بعد عصبت وتنرفزت حسيت خالاتك وخواتك برود

وانتي حاره !


ان شاءالله بعرسي بقسم الشغل على خالاتي


اهم شي الريلاكس


موفقه

 

[منال $]

ياااااااااااااااااااة زعلتيني بجد ربكة
ياريتك دقيتي علي وجيت ساعدتك من عيوني
الحمدللة عدت عاخير الله يوفقك بحياتك

 

[Pinky -cat]

حياتي زين نزلتي تجربتج عاد انا عرسي باجر وحدي حدي خايفة ومعظم الامور انا سويتها ووياهم رقمي فا راح استفيد من

كلامج وخبرتج واوزعهم من الحين انشالة

الله يوفقج حبوبة

 

[ريماا]

اول شي الف مبروك ان شالله
انا اقري وعلي اعصاااااابي ههههههه صج العرس لوويه ولازم تمر احداااث توترررر

 

[عشرآويه]

وااااي حياتي انتي والله اقرا كلامج ويوقف شعر يمي ،، ماقول الا الله يوفقج ويهنيج ويسعدج ويسخرلج زوجج ويخليج لامج وخواتج شكلج حاره اسم الله عليج


بينكي كات الله يوفقج وتطلعين احلا عروس باجر : )

 

[عذبـة الاطبآع]

اي والله لازم احد يعاون العروس

كل شيء على راسج : ((

انا شكلي بصير نفسج لان انا البجر بعد والخالات ماعليهم اتكال لانهم اللهم نفسي نفسي

وعندي اختي اللي اصغر مني صغيرره وامي نوعيتها شغل حي الله بس اهم شيء يخلص :d

الله يستر شكلي بصير نفسج

 

[i afnan]

ارتفع ضغطي وانا اقرى بس والله انك قدعه وسنعه صرفتي عمرك ماشاء الله
الله يوفقك ويسعدك يارب

 

[دلال. الحلوة]

؛

ههههههههههههههه ياحليلج مس لوول

انا مثلج بملكتي جلست اصيييييييح تقطع قلبي وخرب مكياجي وصلحوة لي

طبعاً انا كل شي تم بسرعه حجزت بصالون اول مرة اروح له ومررة متوترة اخاف مايعجبني وكل ماكلمت وحدة من خواتي ترافقني قالت ماقدر عندي عيال وزوج منو يجلس وياهم ومنو بيستقبل الظيوف بالبيت

بالاخير اختي الصغيره قالت باخر لحظة بروح وياج حلووو

اختي الصغيره انسانة بـــــــــــــــــــــآآآآآآآآآآردة جداً ولايعتمد عليها بشي وكل شي عندها بعدين بعدين مومهم <<--تحر القلب وقسم

المهم تخيلي انا الي وديت صينة الكاسات لمحل الورد , ورحت اخترت مسكتي , ودفعت العربون وانا الي رحت للخياطة اشوف فستاني بعد التعديل وانا الي رحت اشتيري الجزمة وانا الي اخترت الكوشة حقتي
اختي بس تطق طق على البي بي وكل ماقلت لها شي قالت صج صج حدج فاضيه

ياااااااااااااربي شنو حدي فاضيه ملجتي

بس تروح معاي ديكور ولاتسوي شي ولاتهتم شي

المهم كلمت صاحبة الكوشة قالت لي الساعه 10 بنجي نركبها الصبح قلت زين خوش يمديني اشوفها

جات الساعه 10 ماجات انطر انطر لين رحت الصالون الساعه 12 محد جاء اتصل فيها تقول الساعه 2 بيجون واتصل محد جاء ارد اكلمها تقول تاخرو في زواج بالخبر وجالسين يركبون الالاغراض طيب زين متى بتجي ترا ملجتي بالبيت والظيوف بيجون بدري قالت خلاص الساعه4 عندج

.......................................؟

هنا انا انهرت شنو الساعه 4 تركبون الكوشة
تخيلي ماجو الا الساعه 5 المغرب وقتها عاد جلست اصصصيح بالصالون والكل يطالع وش فيها هذا متنرفزة

والي بالصالون مايدرون اني مخطوبة كذبت عليهم ههههههههههههه عشان لايخذون 600 ريال على الفاضي وهونفس الميك اب وش فرقه مافي فرق

المهم اتصل في محل الورد ابي المسكة احد جاء اخذها قال لالا محد جاء << انهارت اكثر
طيب طقم الكاسات جاب لك اخوي باقي الاغراض قال لي <<-- بحاله لايعلم فيها الا الله

المصورة اتصل فيها ماترد
راعيه الدي جي ماترد وتفشلت حدي ماجت الا الساعه 9 والكل يقول هذا غلطتج وش دخلني كل شي فوق راسي
لمن وصلت البيت امي تكلمني بالهداوة وابوي يحب راسي واخوي يكلمني ويدلعني وخالي ومرت خالي البيت كلة شايلني على كفوف الراحة لن كلمة وحدة بشب فيهم ههههههههههههههه

لنه غلطتهم كلهم محد قال بيشيل عني شي كل شي فوق راسي انا اكلم المصورة , الدي جي , محل الورد , تصميم طقم الكاسات

ولالالا بعد احترقت اعصابي لمن عرفت ان في ناس مو معزمين للخطوبة جو غصب عني عشان اتنرفز وهم غير معزومين بس عناد فيني قالت امي حق خواتي لحد يعلمها كلش لمن انزفيت وقت التلبيس الا اشوفهم o__o واطالع امي وخواتي وامي تقول خلاص تعوذي من ابليس فرحانين فيج وجايين يباركون خلاص خلاص روقي كان اعصصصصببب حددددي هههههههههه


<<-- كتبت قصه حياتها

بس صج صج بعد هالموقف بالملكة خلالالالالالاص بالعرس مخططة شي ثاني الارقام والتجهيزات بعطيها اختي الثانية ومرت خالي وصديقتي المرافقه احسن لي لني بقفل جوالي مب ناقصه اكرر نفس الحركة بالعرس

والله يكون بعووووون كل عروس

جد جد صاحبة الموضوع ماقصرتي للتنبيه على بالي بس انا صار معاي

والله يوفق كل عروس ومخطوبة

والله يهينج يارب

وسوري مرة طولت بس تحمست
:*
​

 

[دلال. الحلوة]

؛

Pinky -cat

//

عذبة الآطباع

الله يوفقكم ويبـــارك لكم يارب

عذبة الاطباع

نصيحة نصيحة اتفقي مع 2 من صديقاتج اريح لج والله لاتكررين تجربتي وتجربت اختي مس لوول
انا بملكتي لاخالات ولاعمات كلش ماجو ولا اكلمهم ولااعتمد عليهم زيج بالضبط شغل حي الله
اعتمدي بالدرجة الاولي على نفسج وصديقتج المقربة


الله يوفقققكم يااااااااارب

والف الف مبروك
​

 

[خجل~]

للامانه انا تعبت هههههه


يالله الحمدلله عالسلامه

والف مبرووك


اهم شي وصلتي لزوجج بسلام لوول

موفقه ي قلبي

 

[طموحه بزياده]

هههههه


يالله اهم شي انتهى العرس بسلام )

 

[إيمــآن الكويت]

يبوووووووووووي والله اقرا كلآمج وتعبت نفسيا ​