لكل المتزوجاااات ....بليييييز ستفتاء نوروني ؟!

[دنيتى انا]

سلام عليكم ....!!

بنات انا ابي تجارب حية يعني من الواقع حق كل اللي متزوجين .؟!

اذا كان زواجج تقليدي بالدرجه الاولي ((يعني بحت )) قوليلي شرايج بالزواج التقليدي وجم تعطينه بالمية .؟

واذا كان عن حب سواء قريب لج او عن قصة او تعارف قوليلي شرايج بزواجج عن حب وجم بالامية تعطينه .؟!



بـــــــــــــــــــــــس باختصار ؟

 

[tbola]

ممم زواجي تقليدييي والحمدالله انا مرتاحه حييييييييل

 

[بقلبي انت]

الزواج التقليدي غامض وفيه تشويق ونوع من الرهبه والخوف لانج ماتعرفين منو هذا الرجال ولا شفتيه ولا سولفتي
معاه يعني الف فكره وشكل بيخطر علي بالج

هذا كل إلي دار بخاطري يوم ملجت لاني تزوجت زواج تقليدي بحت بمعني لا كلمته ولا شفته بس لمحته بعشا كان عندنا للرجاجيل
طبعا من ورا باب الديوانيه اخوي واقف يمي وقلبي هذا فلان وشفته
طبعا بداية الزواج مايخلي من المشاكل وكل واحد يبي يبرز شخصيته للثاني بس صراحه المرا العاقله تعرف توزن الامور
وماتكبرها واهم شي انها تحل مشاكلها بنفسها بدون ما تدخل اهلها والحمدلله الحين لي 11 سنه متزوجه ولله الحمد والله لا يغير علينا
اعطيه من وجهة نظري وتجربتي 100\100

 

[كنوشة 2009]

غالبا الزواج التقليدي ينجح ويستمر احسن من الزواج عن حب
الزواج التقليدي نسبة النجاح 80%
والزواج عن حب نسبة النجاح 60%

 

[ام زهقانه]

التقليدي ناجح الميه في المائه
والتعارف والحب والعشق ما يعيش ابد ينتهي بعد فتره قصيره

 

[الزيـــــ^^ـــــن]

!!

زوآجي تقليدي

والحمدالله كل الامور تمآم

والله يسعد الجميع

 

[مموريز]

كلهم لهم مسئوئ ولهم حسنات .
من ناحيتي تزوجت زواج تقليدي. والحمدلله على كل حال (بالرغم من اني اعاني منه).
وزواج الحب موشرط يكون ناجح.

 

[**(فـيـلا دانـتـيـل)**]

ربج يقسم الارزاق

(( وعلي نياتكم ترزقون ))

زواج تقليدي ١٠٠٪

والشاطره اللي تعرف توازن الامور

 

[يتعبهم حضوري]

انـا مـتـزوجـه عـن (( حـــب )) واهـوا يصـيـرلي من عايلتـنـا

وكـل العايـلـه يـدووورن انـي احـبـه و يـحـبـنـي

طـبـعـاّ قـبـل الـزواااااااج شي و بـعد الـزوااااااج شي ثـاني

بس الحمدللـه الحـــب مـوجـود

و لـو يـرد فيـنـي الزمـن واللـه لا اخـتـار زواج تـقـليـدي

لان يمكن زوج كنت عارفه شخصيته و عارفه كل شي عنه

و اهوا كـذلك بس هـذا المـخـتـصـر

 

[بنت البحراني]

صج اني مو متزوجة
بس والله استغرب من البنات الي يقولون زواج الحب ما يدون وزواج التقليدي يدوم !!!!

مو شرط والله ياما بنات تزوجو زواج تقليدي وتطلقو يعني ماله علاقة كلللش
ووايد اعرف بنات تزوجو زواج حب وماشاللله عليهم يهبلوون

ترى الزواج سواء تقليدي او حب ماله علااااقة بالانفصال وهم ماله علاقة بكلمة (يدوم) او (مايدوم)

ولا يروح بالكم بعيد انا ادري اني راح اتزوج زواج تقليدي لانه اهلي يرفضون فكرة زواج الحب
وهذ اول رد لي بهالقسم يمكن لانه لفت نظري البنات الي يقولون زواج الحب مايدوم .... انزين والي تزوجو عن حب وعيلو هذ شنو تسمونه؟؟

وهذ رايي وتقبليه مني كمومتزوجة

 

[أم ميميتو]

حبيبتي انا متزوجه عن حب بس زوجي مو من عايلتنا و الحمدلله مرتاحه معاه و مازال الحب موجود بس ماقدر اقولج جم بالميه لان حسب كل واحد و شخصيته

 

[~وريثة الملوكـ~]

متزوجه تقليدي
واعطيه ٩٠%
والحب ٣٠٪

التقليدي احسن لانج تستكشفيته كل يووم
اما الحب خلااص انتي عارفته وهو عاارفج

 

[~*~الملكة~*~]

ما تقدرين تحكمين على نجاح الزواج او فشله انه هذا حب وهذا تقليدي

النجاح يعتمد على التفاهم والتنازلات اللي يقدمها الطرفين

كل ماكنتوا متفاهمين وتتنازلون لبعض يدوم الزواج بينكم

وايد تزوجوا عن حب وماقدرو يتفاهمون وفي وايد قدرو يكملون هالحب بالتفاهم

وايد ناس تزوجوا زواج تقليدي وماقدروا يستمرون وفي منهم كثير استمر زواجهم وصار حب بينهم

 

[e7nayyeena]

السلام عليكم بنوته :eh_s(7):

أنا متزوجه ولكن زوجي ليس من الأهل وناس ذكروني لأهله و صار نصيب والحمدلله

أخيتي أنا أعتقد أن مافي نسبه تقول هذا زواج ناجح أو هذاك أنجح ... لأن التوفيق من رب العالمين و الزواج قسمة من الله ... و الحياة الزوجيه تترتب على أمرين (الأحترام والتضحي) و من بعدها ينتج الحب اللي يأتي بالعشرة ... موفقة :eh_s(8):

والله ولي التوفيق:yaaaaaarb:

 

[دلوعة عزوز]

هو نصيب مو قاعده نمشي عليها
يعني كل وحده تقول تجربتهاا ,

عني انا تقليدي بس هو كان يحبني بدون ماايكلمني او يشوفني حب عذري على قولتهم
وخطبني ووافقت
واحس افضلللل من الحب بمليووووون مررره :rerrerek:
الحمدلله يارب:eh_s(7):

 

[ياغفور اغفر لي]

التوفيق من الله بالحالتين ومانقدر نحكم حسب الشخص وطبعة وشخصيته بس دايم يقولج التقليدي احسن

 

[بنوته كيوت q8ya]

انا عن نفسي التقليدي احسن لان كل مره تكتشفين شغله فيه يديده واكشن اكثر
اماالحب تكونين عارفه شيحب ومايحب فماكو شي يديد
ومثل ماقالوا ١٠٠/١٠٠ تقليدي

 

[كاتو_كويتيه]

زواجي تقليدي

والحمدالله مرتاااااااااااااحه .. الله يخليه لي

 

[Mrs_Orchidia]

اخذيها مني من الاخر كل اللي تزوجوا عن حب تحسفوووووووا على قد شعر روسهم ... كلهم
اما اللي تزوجوا زواج تقليدي ماشاءالله عاشوا احسن عيشة
اكبر دليل امهاتنا و ابهاتنا مشاءالله

الزواج التقليدي ناجح 100% ... و عن حب 50%
و بالنهاية التوافيق من الله و كل عالنصيب

 

[looksh]

مشكوووووره عالطرح