حواء الكون
New member
الله يسلمكم هذا موضوع من زمان قرأته بس ماجربته فلا تسألوني عن النتيجه
بس انا حطيته لان في بنات عالخاص طلبوه ووعدتهم احطه
تفضلوااااا
تبغين شعرك يصير خيوط مثل الفلبينيات؟ تعالي اعلمك السر.
انا شفت وحدة شعرها مسبسب خيوط يجنن وسألتها عن السر وما اعترفت . لكن أفا عليكم طحت على سرها من وحدة قريبتها وعملت شعري مثلها, أنا شعري طويل ومموج والحين صار ناعم ومسبسب وهذي الطريقة: تاخذين حمام زيت بوناويل و تخلطينه مع مستحضر فرد شعر الاطفال ( سوفت اند بيوتيفل) وتحطينه على شعرك بس ربع ساعة وبعدين تتبعي خطوات الغسيل اللي مع مستحضر الفرد. ووداعاً للشعر المنكوش بسبب الرطوبة وبدل ما كنتي تستشورينه ربع ساعة الحين في 5 دقائق
تلاقين المستحضرات هذي في الصيدليات أو محلات التجميل . ومستحضر الفرد هو علبة بيضاء وعليها صور بنات صغار سود. وأتمنى انك تلقينها لأنها بصراحة روعة والكل يسألني عن جمال شعري وبالتوفيق.
والله اني ما اعرف انزل صور لكن المنتج مشهور وبكل الصيدليات راح تلقينه. وحمام الزيت اسمه بوناويل و حماتي عملته مع حمام زيت بالطحالب البحرية و أعطاها نفس النتيجه
الله يعطيك العافية هذا هو وحطي حمام الزيت تقريباً 4 ملاعق كبيرة وانت بتقدرينه كأنه النصف يعني العلبة المستحضر نص وحمام الزيت نصف وعلى حسب نوعية الشعر اذا كان يحتاج فرد كثير يعني مجعد تكون كمية حمام الزيت أقل. ولا تطولين على شعرك يعني من البدء بوضعه الى غسيله مو أكثر من 15-20 دقيقة .و بشريني عنك.
الخلطة تحطينها مرة وحدة بس مو قبل كل حمام. واقول للأخت السقطرية ان المستحضر فرد لشعر الأطفال يعني المركب يكون خفيف غير كذا انتي راح تخففينه اكثر بحمام الزيت وأنا استخدمته وما فيه أي أثر جانبي . غير كذا أنا وضحت انه ينفع للشعر المتموج يعني كأنه ريلاكس خفيف وبالعكس ما يبان على الشعر أي شيء موطبيعي والكل يفتكر اني بس غيرت استشواري الى استشوار بالفرشاة وعند الكوافير. وشكراً.
الطريقة موجودة على العلبة واتبعي الخطوات بالتفصيل الممل بس انتي اللهم ما عليكي غير انك تضيفين حمام الزيت من 3-4 ملاعق كبيرة الى الخليط .وبالتوفيق.
سوفت آند بيوتفول اصلا كريم التمليس وتستخدمينه كل 6 اشهر مره فقط وتحصل بالصيدليه..
تجربه آخرى
أنا مجربته ولايمكن أن استغني عنه بصراحه روووووووووعه واستخدمه كل سته شهور وصرت بعد افرد لأختي مع أن شعورنا مو خشنه بس فيها شووووي طعجات بس تعالي شوفينا الحين بس اسوي طاقيه ويطلع جنان بس أول ماتفردين يتساقط شوي بس بعدين عادي بس لازم اهتمام أكثر مثل استخدام الزيوت وحمام الزيت ]وغيره
طبعا ما اخفيكم اكو ناس تمدحه واكو ناس لا
تقول ان خرب شعرها فمو عارفه بالضبط النتيجه
بس هذي صورة المنتج
:eh_s(8): اللي تجرب تفيدنا سواء كان سلبي او ايجابي
تحياتي
