انا كنت انجرح من كلام تالناس بأشياء كثير بخصوص الزواج انخطبت لواحد تقريبا 3سنين وماصار نصيب واخطبوني تقريبا 3وبعد ماصار نصيب وتوكلت ع ربي مع اني اسمع كلام يجرح من الناس وخاصه الحريم تعرفونهم كنت اقول معليه بكره احسن كنت اشوف بعيون امي الانكسار لان في حريم كانو يقطون عليها نغزات ويتفاخرون ان بناتهم تزوجوا وكانت تجي اكثر المرات من العزايم وبعيونها حزن هي ماكانت تبين بس انا كنت الاحظها بس سبحان الله مايأست بالعكس لجأت لله وكنت اصلي قيام الليل واستغفر وكانت امي تستغفر وتصلي طبعا تدخل غرفتها ماتبينا انا وخواتي نحس بقهرها بس انا كنت اسمعا وهي تشكي لربي وتستغفر والله يابنات انا انخطبت انا وملكجت وبعدي تقريبا بشهر انخطبت اختي وكلهم متعلمين واهل دين وانا ربي رزقني بزوج حنون الله يتمم علينا ومايفرقنا واختي الحين متزوجه وعندها كتكوت صغير وانا زواجي باقي عليه شهر وكم يوم وتكفون ادعولي ربي يحقق اللي بالي وارتاح استغفر الله واتوب اليه
