لقيمات 2007 سهله وسريعه

[كيت كات]

شلونكم شخباركم
من زمااااااااان عن الطبخ
اليوم رحت شريت من مركز الخليج اللي
بالنزهه الصمون المدور النونو وحشيته
كيري وسكرت الحشوة بعجين وقليته وشربته شيره
اوووف ينن ماتفرقين بينه وبين اللقيمات والاحلى انج
تحطينه بالفريزر ولمن تبينه تقلينه

 

[كيت كات]

بنات لا تخترعون ترا هالصحن صغييييير مال المعبوج

 

[dal3 kuwaiti]

تسلمين كيت كات والله طريقتج عجيييييبه وسرييييعه بس حلوه لقيمات 2007 اجل 2008 شنو نسوي يمكن كل شي بالميكرووويف

 

[كيت كات]

هلا وغلا دلع الكويت
تسلمين ياقلبي
سميتها 2007 لاني العام كنت اصبها وحالتي حاله
صج تطلع مضبوطة بس بصراحه تعب ..الحين لقيت
المطور والسريع والطعم والله نفس طعم اللقيمات
واذا حابين رشو فستق

 

[كليرز]

الله يخليج اختي كت كات شلون يعني تحشينه بعجينه ما فهمت
لاني رمضان هذا ببمسك دور وابي شي غريب وسهل خصوصا وانا مدرسه يعني حلوه حركتج انها سريعه بس بغيت تفاصيل اكثر(( مرت حماي طباخه شاطره وتعرف كل شي اخاف اذا جا دوري يقولون مو حلوه قيماتج)) بلييييييييييييز

 

[على نيتي]

نفس السؤااااااااااااااااااااااااااااااال ياطباختنا

 

[.]

يمي يمي..

تسم ايدج..

 

[كيت كات]

تسلمووووووون حبايب قلبي
شوفو اهو صمون صغااار جاهز
تاخذونه وتفتحونه من الجنب فتحه
صغيرة يدوب ندخل فيها الكيري
ونسوي على جنب عجينه عادية
ماي+طحين ونسكر الفتحه الصغيرة
ونثلجها ونقليها وقت العازة
وتهبل وتشرف
بالعاااايفة مقدمات...

 

[أم الطيب]

اموووووووووووووووووووووت بالقيمات مشكووووره

 

[rettah]

بنات لا تخترعون ترا هالصحن صغييييير مال المعبوج

حلوووه زين قلتي انا طلعت عيني

وتسلم الأيادي

 

[ضحكة الدنيا]

خوش فكره
تسلم ايدج حبيبتى ويعطيج العافيه

 

[روعة]

قاعدة ادور على حلا سهل وسريع ومايتعب

واشوه اني لقيته

يسلموووووووووووووو حبيبتي عالوصفه

 

[جارة القمر]

تسلم الأيادي يارب




بنوتات


قصد كيت كات

خليط اللصق

ماء مع شوية طحين


ومشكوووووووووووووووووووره كيت كات

 

[QASHQOOOOSHA]

بنات شلونكم
انا اسوي هالطريقة من زمان بس ما اقص الصمون
استخدم ابره الدوا بس الكبيرة او جيس الكريمه الي في راس ضعيف
واحط فيه فيلاديفيا مع شويه ماي واخلطه يصير مثل الكريمه بس ثقيله
( وأقز ):eh_s(11): الصمون بالأبرة وااضغط الابرة يدش داخلها الجبن ومع القلي ماتبين الفتحه . وبدون عجينه تلزيق
جربوووووووووووووها ترى صج حدها لذيذة :eh_s(3):
واي وقت من الفريزر الى المقلة وبعدها نمنم

 

[الدوريف]

والله سهله وخفيفه
مشكووره

 

[رفايع]

تسلم ايدج روعه

 

[كيت كات]

تسلمموووووووووون على المرور
جارة القمر...اول مرة ادري ان اسمه خليط اللزق
وناااسه مشكوورة

 

[supermarket]

وماتشرب دهن؟

 

[أثير الورد]

انا اسويها واقزها بالابره بدون الحديده

 

[أثير الورد]

لا ما تشرب دهن
بس لازم تفرزنينها