السلام عليكم ... بنات ساااعدووووني لقيت قطووووو صغير في الكلية لونه أسود عيونه زرق عمره تقريبا أسبوعين واااااي حبيبي عصقوووول وبس يبي أكل وحنان وتمسح ودلع، ودي أسألكم جم سؤال لإني انشالله باخذه البيت .... القطو في هالعمر هل يكون فيه أمراض ؟؟ يعني أنا خايفة لي مسكته ويبته في البيت ينقل لنا أمراض مثل جرب وسقوط الشعر وهالسوالف مع إني لي خذيته واهتميت فيه مارح أعرضه للجو الخارجي أو قطاوة الشوارع، وشنو أحسن نوع حليب أعطيه ؟؟ علما بإن ما ياكل، كان عندي محاضرة فحطيت له ماي على السريع وشربه وشريت له جبن ما كلاه، فانشالله باجر احتمال أخذه أو على الأقل أبلش أعطيه أكل وحليب بشكل يومي ... فشنو تنصحوني ؟ وإذا أخذتها البيت أقدر أسبحها وهي بهالعمر تجنبا للأمراض وهالأشياء ... ساعدوني والله قعد أفكر فيه من اول مارجعت من الكلية معور قلبي :0bee2e8d89:
التعديل الأخير:
ويايبة له أكل وحليب داخل الجنطة علشان وقت البريك أعطي إياه ... لا حول الله ولاقوة إلا بالله العلي العظيم قلبي معورني وين راح وشلون ....
