لا والله بنات
يمكن رايي يختلف عنكم شوي
في امهات مجرمات
والبنت فعلا تتمنى تتخلص منها ومن تصرفاتها
خير يا طير ..
احملت فيها تسع شهور ؟؟\!!
العبرة مو بالحمل
العبرة بالتربية بنات والمجابل
والله في امهات كلمة متخلفات
شوي فيهم لاهية بروحها
وبطلعاتها وبروحاتها
واليهال ؟؟
بالطقاق اللي يطقهم
مو مهم عندها انه الياهل
اكل / نام / مرض / ياع/ ...الخ
المهم اهيا هايتة مع ربعها
والا مع الـ ...؟؟؟
هذي بعد ام تسمونها ؟؟؟!!!!!
فما بالكم اذا البنت بمرحلة مراهقة
وتلقى اللي يعطيها حجي يبرد على قلبها
وتحس ولو بشوية اهتمام وحنية ؟؟!!
>>> حتى لو كان قاص عليها ,,
الله يهدي جميع الأمهات
ويهدي بناتنا ويانا ,,
وسامحوني على وجهة النظر
لأني شايفة هالنمونة من البشر
ولو كانت فئة قليلة ومتجردة من المشاعر
ولكنها موجودة ...
الله المستعان
