لـو قـالج صبغيلي هاللـون تصبغينـه ؟

[مشتطـه]

السلام عليكم


كنت اسولف مع رفيجتي عن وحده من البنات لون شعرها فاتح وشاذ ومو حلو

ولما انتقدتها قالت يمكن زوجها يبي؟

انزين واذا زوجها يبي يعني تفشل عمرها جدام العالم

المهم قلت اشوف ارائكم بما اني فاضية قلت احط موضوع

بنات لا تحكمون على العارضة
العارضة بيضه و زوغه

انا اتكلم عن البنات اللي بالواقع
وبالعرس

اهي سميرة ومو ذاك الزووود ومو حلو عليها

تخيلي اللون عليج وقوليلنا تصبغين او لا




انا عن نفسسي افتح من هالدرجة مستحييل اصبغ

مع اني بيييييضه


بس ما احب اغامر


بنات بليز لا تردين وتقولين اي دام طلب اصبغ شحقة ما اصبغ

لا ياعمري نبي لو صارت الصجية والحين طلب منج وتخيلي الوضع
وتخيلي انج بتحضرين حفلات

هل لج الجرأه انج تطلعين بلون فاتح مثل هذا ؟

نشوف الردود :eh_s(17):

 

[ناتشوو]

الزوج حتى لما يطلب
بيقول
صبغي اشقر
يعني المفروض
اللي تصبغ شعرها
تدور درجة مناسبة لها
من درجات الشقار والبنيات
بس اتوقع خذتها سالفة موضة
لان في فترة انتشرت
البنات هبة البرونز البني الاچلح والشعر فاتح لدرجة البياض مو الشقار

يعني
باختصار
شي مايناسبني
وبيشوفونه الناس علي
ماراح اسويه

 

[صعبه]

يعني اذا بصبغ بصبغ درجه تناسب لووني مو اخلي الناس تضحك علي عشان ريلي:krkrkr:

لو شنو ما صبغ

 

[PuPa^^SWeeT]

وعليكم السلام ياقلبي



انا لاني بيضة ولا سمرة



بس لو شنو ما اصبغ صبغة انا مو متاكدة منها حتي لو كانت موضة


ولو طلبها ريلي



حتي لو صبغتها و طلعت مو حلوة


همن ماراح تعجب ريلي



في درجات للشقار اتناسب البيض و درجات اتناسب الحنطيات مثلاتي ودرجات اتناسب الخمريات ودرجات اتناسب السمر



فا انتحرى الاختيار وايد افضل

 

[مييريآ]

هاللون كنت صابغته وكان حلو علي

بس يخرب الشعر لدرجة مو طبيعيه ، والحين غمجته وقاعده اعتني فيه

انا مخطوبه بس لو زوجي طلب هاللون بقول له راح تتملل بحطلك باروكة بالبيت اذا تبي هههههههههههه

مو عشان اللون عشان شعري حرام ادمره ، ولو اقنعته انه بيصير خشن وبيطيح وماراح يكون صحي اعتقد بيغير رايه

 

[Pinky -cat]

بالعكس لو طلب بسوي ليش لا بس التغيير حلو وحلو تسوين له شي يحبه وتكونين بشكل يحب يشوفه ويونسه بس الدرجة
شي يعتمد علي انا عاد وبشكل يونسني انا بعد .

 

[شـيـوخـهـ]

بكون واقعيه ..

لو قال احتمال كبير ازعل بقول اشطااري عليك ومنو الي عاجبتك الي صابغه هاللون

حدي ما احب هالسوالف الي مره ابي شعرج طويل ومره قصيه بوي ومره ابي لونه احمر ولا خليه هالمره اشقر

اوكي انا معاكم ان يبي مزاجه مع مرته ولا الي في باله بس ما احب هالاسلوب

احس المفروض المراه لو زوجها قال ابي درجات الاشقر تختار الي يناسبها مو تبالغ عشان ريلها احس كلش مااراح يرضى كل يوم بيطلع بلون يديد ولا شكل يديد

 

[sh_mashael]

دام انا دايماً أصبغ شعري

ليش لأ

اذا اهو طلب

و بيخليني جريئه لأنه انا ما احب الفواتح

و ان ما عجبني على طول أغيره

 

[om . alzeen]

انا راح اقوله اي بس بروح واصبغ درجه من الاشقر الي تصلح لبشرتي لانه مرده اهو رجال شعرفه بهالسوالف اهو بيقول ابي اشقر ويوريني صور ممثلات ولا عارضه بس ماراح ينتقد لما يشوفني باللون الي ناسبني لانه هذا الصح لو بصبغ نفس درجته الي اختارها بالضبط واهيا ماتناسبني اهو اول واحد بينتقد وماراح يعجبه


هذا الكلام من خبرتي الخاصه بزوجي ومادري عن تفكير ازواجكم

 

[M!ss CoLoRz]

في صبغات مؤقتة رش وغيره يعني لو صار وطلب اهوه اكيد طالب لغرض الفضول بس عشان يعرف شلون شكلي بيكون بهاللوك اللي طالبه

إذا ضبطت السالفة وضبط اللون معليه عقب المؤقت اروح اصبغ بس سيده مجازفة وصبغ صبغ لا ما اسويها

 

[شادن33]

لا ما اصبغ طبعا
اصبغ اللي يناسب بشرتي
وانا وايد اشوف بنات سمر يصبغون فاااتح يلوع الجبد عليهم
هذولا شلون يجابلون الريل هالصبغه لازم مكياج على طول ولا بتبينين مريضه وجلحه هههه

 

[سندس 90]

لأ 

 

[Dalo0o3a Cute]

آوكي تسوي اللي يبيه بس تختار شي يناسبها

 

[أنستاسيا]

والله انا بصبغ اصلاً جوزي بموت بهاللون
عم بستنى اللون الاحمر ينزل من اطراف شعري
بس الكل بحكيلي ما بلبئلي و رح يطلع وشي زي المريضة
مع اني بيضا بس ما بحط ميكب غير يدوب مسكارا و ايلاينر!!!

 

[Perfume]

لا ما اوافق
لاني ماحب الصبغ اصلاً

 

[Patcholli]

اذا حلو علي اجرب واشوف واذا طلع بايه غيرت اللون
حرام ليش احطها بقلبه كلها صبغة شعر شهرين ثلاث واغيرها
ليش اخليه يطالع برا ويتحسر ويشتهي مرته تسويله ومرته مطنشه

 

[ام اريج 22]

مستحييييييييل اصبغه وهو ادا عاجبه خل يسويه بشعره استغفرالله اشبه بروحي علشانه ويالييييت بالاخير يعجبه

 

[(حكاية قلب )]

حلاتة هاللون الاشقر علي اصحابة
مب حلو علي الخليجياتت هاللون لو اغمج بيكون احلآ

 

[ببي جونسون]

هذاا اللون بالذات اسويه وانامغمصه

 

[M!$_ $heme]

انا لو ريلي قال صبغي اشقر راح اصبغ الي حلو علي لكن لو وراني اللون مثلا واحنا نشوف التلفزيون او مجله وقال ابي مثل هاللون

والله اصبغله لو انشالله ازرق المهم ان الي يبيه طلبه مني واذا موحلو علي بيقتنع لما يشوف بعينه اما بالنسبه للناس ماهموني اهو

الاهم بيشوفني كل يوم والناس يوم واحد بس وهو ما طلب الا بخاطره ليش ما اسوي الي يبيه مدام موحرام يعني لازم يشوف بره؟؟

هذا رايي ..