لـو خيروج بين ((الدراسة)) و ((الزواج)) شنـو تختارين ....؟؟

[درة أهل الطولات]

رد : لـو خيروج بين ((الدراسة)) و ((الزواج)) شنـو تختارين ....؟؟

قبل كنت الدراسـة

الحين غيرت رايي

الزواااااااااااج

الدراسة اقدر مع الايام اقنعه اني ادرس واذا ما درست مو مشكله كافي شوفت عيالي ينططون حوالي

 

[fufu el7lwa]

تبون العقل وكلام الواقع ؟؟؟
يعني احنا بنات ومعروف ان المراه مو هي الللي تخطب الرجل فمثلا لو خطبها وعمرها 18 توها متخرجه من الثانويه ورفضته علشان الاخت تبي تدرس وكملت وخذت بكالوريوس وكملت للماجستير وعقبها للدكتوراه !!!!!!!!! كم عمر الاخت 28 ربحت المنصب بس بالمقابل طافهاا قطار الزواج
بس لو تزوجت بشرط اكمل دراستهاا هني تضمن الزوج والمنصب صح ولا لا؟؟؟؟
لو اني رجال قلت المنصب يعني سن 28 انسب سن للرجل بس للبنت تعتبر عاانس وغير مرغوبه بالنهايه وجهة نظر وانشالله ماتفسد للود قضيه

تم التصويت للزواج ترا متزوجه وخلصت دراستي خخخخ ماشالله علي بس رايي وحبيت اوضح وجهة نظر واقع حقيقي

 

[ريحانة_14]

رد : لـو خيروج بين ((الدراسة)) و ((الزواج)) شنـو تختارين ....؟؟

أصلا هاليومين منو الريال إللي بيتزوج بنت ماعندها شهادة ومودارسه ؟؟؟؟؟؟؟؟؟؟؟؟؟

 

[jen2n]

رد : لـو خيروج بين ((الدراسة)) و ((الزواج)) شنـو تختارين ....؟؟

لا والحين الريال يبي وحده تشتغل ومو اي شغله شرط مدرسه وانا بصير مدرسه عشان هالشي نصج المجتمع عقدني

 

[masoo 511]

اهم شي اتكون عندج شهادتج الجامعية اوالدبلوم وبعدين الزواج وتكملين باجي دراستج اذا لج رغبة

 

[amoma]

رد : رد: لـو خيروج بين ((الدراسة)) و ((الزواج)) شنـو تختارين ....؟؟

ابيهم اثنينهم
الزواج والدراسه

 

['Basma']

الدراسة طبعا

 

[shoO shoO 95]

رد : لـو خيروج بين ((الدراسة)) و ((الزواج)) شنـو تختارين ....؟؟

هو شي يظحك ان الي تتزوج خلاص توقف حياتها عشان الريال

منطق غريب

لكن اذا بنمشي على هالمنطق فدراسه ومسقبلي المهني اهم من الزواج يروح ريال ايي غيره











بس تر انا مضربه عن الزواج داشه اصوت لقافه @@

نفس كلامها بالضبط انا اوافقها على كلامها وانا بعد مضربة عن الزواج
مو لازم اتزوج عندي كل شي شبي بالزواج !
يعطيج العافية على الموضوع

 

[Miss-LuLu]

كلنا نتفق ان الدراسه اهم

بس اغلب البنات بالثنوية او الجامعه ملجين وعند رياييلهم

شتفسير هالشي؟

الزواج اولى الصراحه ، ولا شفايده الشهادة والمنصب واقعد بين 4 طوف بروحي، لا عيال ولا زوج


واذا الوحده قعدت بدون زواج ماتدرين يمكن تروح حق الحرام

 

[نهايتنا قبر و موت]

الدراسسسة اكيد .. هذا مسسستقبل

 

[Miss 3thab]

رد : لـو خيروج بين ((الدراسة)) و ((الزواج)) شنـو تختارين ....؟؟

الدراااسه اهم شىء

وبعدها الزواج يعني اخلص دراستي واتزوج


امبيه انا بنت ومو متزوجه واحس الدراسه سعبه شلووون المتزوجه الله يعينهااا

 

[جروح^^الروح]

رد : لـو خيروج بين ((الدراسة)) و ((الزواج)) شنـو تختارين ....؟؟

انا الصراحه عندي تخلص الثنويه وتنخطب تضمن امورها وبعدين تكمل الجامعه حتى اهياا راخ ترتاح نفسيا
اضمنت هالشي

 

[مزن الكويت]

اكيـــــــــــــــــــــــــد الدرااااااسه

 

[وردة الهوى]

الدراسه
واكيد ربي بيكتب لي نصيب وبتزوج

 

[sweet lady]

بنااااااااااااات للحين مااا ثبتوا على رااااي
انزين انا لاحظت التصويييييت الاكثر الدراسه وبعديييييييين لي متى تدرسين وتوصلين المنصب وتتوظفين الا والعمر بالثلاثيت بالله ضاااامنه
نفسج منووو راااح يدوملج بعد الوالدين الله يطول باعمارهم ترا الاخوات بهالوقت ماينفعووون
انا اقول فكروا عدل واتوقع اكثر الردووود من الطالبات والمراهقين اللي يطمحون الدكتوراه ترا كلنا مرينا بالتجربه والحمدلله كلنا طمحنااا بهالشي
انا تزوجت وكملت دراستي وتوظفت الحييين وظيفتي ماعجبتني احس اني فيني اكون احسن من جذي والحييين افكر اعيد دراستي من يديد
وييييييين المشكله الدرااسه موو طايرة استغرب من ردووودكم
صاااحبه الموووضوع انتي متزوجه ؟؟؟؟؟؟؟؟؟

 

[~ FOOSY ~]

رد : لـو خيروج بين ((الدراسة)) و ((الزواج)) شنـو تختارين ....؟؟

الدراااااااااااااااااااااااسه خل اظمن مستقبلي والزواج لاحقين عليه

 

[][ sarah ][]

من اللي اشوفه تعلمت ان بهالزمن اول شي الشهاااااااااااااااااااااااااااااااااده ومو اي شهاااده , شهاده تضمنين فيها مستقبلج ووظيفتج ومعاشج بعدين يصير خير عالزوااااج

عالاقل اذا غدر فيج الزمن والزوج طلع مو كفو عندج شي غيره يعوضج ويسندج

 

[محبوبه25]

رد : لـو خيروج بين ((الدراسة)) و ((الزواج)) شنـو تختارين ....؟؟

ما يمدي اختار لاني متزوجه
بس لو يرجع الزمن اكيد بختار الدراسه
و عقب ما اخلص راح اتزوج اذا يالي نصيب

 

[*toot]

الدراسه اهم طبعا بس مايمنع انها تتزوج وتدرس بس اكيد راح تتعب وماراح تقدر توافق بين
الاثنين ( الزواج والدراسه) على قولتهم صاحب بالين جذاب =d
يعني بيكون شي على حساب شي ثاني فه الافضل تبني مستقبلها وتمسك شهادتها وتالي لاحقه على الشقا =d

 

[أوكسجين]

انا اغلب الاراء الدراسة والمنصب
لانه الدراسه والمنصب فرصه لا تعوض
والزواج قسمة ونصيب مره تصيب ومره تخيب

صح انا معاها