لـــقافه ترفع الضغط +مشاركاتكم +تفاعلكم بنــــــات

[امـ خــزامـى]

المووووضوع جميل



وانا من هالسالفه ارد على حسب
يعني اعرف وحده معروووف تغاار مني وتقااارن نفسها فيني اذا تكلموا عن جمالي وسنعي اوذوقي وتقول انا مثلها
وانا اشبهلها تخيلتوووو معي هي تشبهني مع انها بالشرق وانا بالغرب
هي مملووحه ماقلت شي بس ماتشبهني ابد وبتانا البته
المهم هي سمرا وانا بييييييييضا
لو تكلموا عن بياااضي او فتحوووا موضوع البياااض قالت اييه انت الفاونديشن عجييب مرا حلو وش ماركته !!!!!!
او احياننا تطقها بالوجه وتقول انت تكثرررين مكياااج انا مااحط كثير مثلك !! الغيره معذبتها

واخر موووقف من جد رحمتها متصله علي وزوجها معها بالسياره
تاخذ رايي بقصة شعرها وتقول وش رايك وتتوقعين حلوه
انا قلت لها ماادري لاتجازفين انا معجبتني بس اعتبرها مخااطره
ولو قصيتي ومالاقة عليك بتتوهقين
قالت هي ماادري احس بتناسبني وجلست تمدددح بعمرها
قلت والله دامك جازمه قصي ليش لا انا ماابي اقول شي وبعدين تقولين انت اللي شجعتيني ووهقتيني <<اعرف حركاتها
قلت بعد انا مرره ودي فيها هالقصه من زمان بس مااحب اجازف بشعري
قالت لاللا اصلا ماتناااسبك شعررررك خششن !!!! انا عيوووني طلعت من مكااانها
تغغغار مني حتى عند زوجها ؟؟؟؟؟؟استغفرالله طيب حنا كلنا منقبات يعني مستحيييل يشوووفونا
ليش الغيييييييييييييييره خخخخخخخخخخخخخخخخخخخ
سكت لها قلت سوي اللي تشوفينه انا مشغوووله
صارت متصله بس بتمدح عمرها وتسبني بس عشان يسمع زوجها المصون

المهم ارد عليها برد مو متووووقع
وعكسسسكم تماااما

اجلس امددددددددددددح فيها وامجججججججججججججججججججد باخلاقها وسنعها
لدرجه انها يغمى عليها من الفررررحه لانها بالاساس يهمها رائي

واوقااات تنقهر وتستحقر عمرررها لانها تقول كلمه شينه وارد عليها احسن منها وباسلووب استحقار واستخفاااف وهنا تممموت


طبعا هالاسلوووب اتبعه مع اللي معروف تغار مني وواضح عند الناس كلهم


اما اللي وقحه واسللوووبها ززززززفت وماتحسب حساب للعالم هذي اللي ياويلها مني واعلمها السنع
اذكر لكم موووقف

ببيت جدتي الله يرحمها نجتمع كل اسبوع وطبعا عجووز وشغالتها ماتعرف تطبخ زين
فكل وحده تجي تجيب قهوتها وحللاها
وانا مااحب الاقهووتي المهم كل مره نجتمع فلانه احب قهوتك تعالي قهووويني
واروح واقهويها وماشالله تشفطها كلها كاااني صبااابه مستأجرتها

كل اسبوع على هالحال
وتجي هي ايدينها فاضيه لاحلى لا قهوه لا فطاير تجي تتقهوى وتحلي على حسابنا مع العلم انها موظفه وعندها خييير
انا اكرررررررررره مااشوف الحرمه اللي ماعندها سنع
وانا ياللي وش جابني لها اسنع منها وهي ام عياااال دخلت الاربعين ماادري متى بتسنع
بس ابشررركم سنعتهااا خخخخخخخخ
وكل مرره نفس الحال مشغلتني قهوجيه وانا اسكت بس احترام لجدتي الله يرحمها وامي
وطقت كبدي خلاص نادتني وسفهتها قلت شوي وانا اكذب

وجلست اسولف مع البنات صارت تنااادي وباصراااار وبالاخير قالت خلاص لاتجين بس جيبي قهوتك !!!جد والله اشتغل عند اللي خلفوووك

رحت وصبيت لها وللي بالمجلس كلهم وطلعت قالت وين قلت ببقهوي البنات قالت موو لازم يتقهووون <<سمي عمتي

قلت لا والله انا مسويتها عشانهم فيه قهوة الخدامه وحطيتها قدامها قالت لا مااحبها
قلت سووري قهوتي لي والتفت على باقي الحريم قلت والله كلن يجيب قهوووته

جيبي قهووتك معك !!!!!هي وجهها طااااااااااااااح بالاارضض وجلست تجمع فييه خخخخخخ
ومن عقبها صارت تجيب قهوه وحلا ولا مره عشتنا بعد خخخخخخخخخ تكتب بالتاريخ والكل قال من يومها وهي عجاازه
محد سنعها غيرررررك <<احم احم



طولت قرقرت وااجد

تحملووني

 

[Um Tuki]

موقفي مع ام زوجي :

اول مرة حملت بولدي اول وحدة هي علمتها مع ابو زوجي بعدين امي وابوي .. و زوجي قال لها لا تعلمين احد ( لأني كنت وقتها بمعسكر تدريب الشرطة .. وممنوع الحمال ..) الحمدلله كنت بأواخر المعسكر .. و اخت زوجي طول عمرها تكرهني وتحب تحفر لي ..
جان تروح تقول حق بناتها فلانة حامل واخوكم قال لي ما اعلمكم .. مع ان زوجي ما قال لا تعلمين خواتي قال لا تعلمين احد
و طوفتها

خوات زوجي حملوا .. اول وحدة و ماعلمونا الا يوم دخلت الرابع .. و ام زوجي سكتت ( حق بناتها تدفدف )
و بعد فترة حملت الثانية و يوم دخلت السادس سمعت من خالات ريلي ..
جان اقول لهم تصدقون توني آدري منكم الله يتمم لها على خير ..
يوم ثاني رحت بيت ريلي ام ريلي تبي مني شغلة مع السوالف اقول لها يمه شدعوة ماقلتي لنا ترى نبي نفرح لها
جان تقول فلانة ( اول وحدة من خواته ) ريلها قايل لاتعلمون احد ( والثانية ) تقول ماتبي احد ((( غريب )))يعرف ويتبهر فيها !!
و هم سكت

يوم حملت انا مرة ثانية أبنتي الله يخليها زوجي قال هالمرة ما بنعلم الا لما تطلع النتايج ( انا و زوجي حاملين سكلر ولازم نسوي فحص بالشهر الثالث )
يوم طلعت النتايج قلت لزوجي خبر أهلك مو حلوة باجر يحطون بخاطرهم

زوجي قال لأمه وقال لها لا تعلمين احد ( يبي يشوف رد امه )
جان تقول هذا الخبر ما ينخش و خلوا الناس تفرح لكم

انا هالمرة شبيت نار

جان اقول لها يوم فلانة وفلانة حملوا ماعلمتونا و قلتوا الناس تتبهر فيهم و رياييلهم مايبون احد يعرف
و حمالي انا صار الخبر اللي ماينخش ؟؟
قلت لها يا يمه الحيم القطو تحمل و تولد واتييب درزن محد نظلها وعطاها عين
عالعموم انا برويح بخبر الكل .. لأن عادي متزوجة وطبيعي أحمل


ام زوجي ولا كلمـــــــــــــــــــــــــــــــــــة !

 

[دلوعةمآمآ]

عندي سوالف وايد بس ببتدي بموقف غريب الصراحه

كنت مجمع اتسوق ودخلت محل ماذكر شسمه المهم دخلت غرفه القياس والغرفه هاذي مافيها باب نظام ستاير ف

انا احط الشنطه تحت عشان يشوفون انه في انسانه داخل

وكنت اجرب الثياب المهم فجاه الا فلسيطينه دخلت علي والحمدالله كنت لابسه الثياب الجديده وماصارخت ولا كانت

لي ردة فعل لانه البنت قالت انا اسفه كتيررررررررر ماكنت اقصد انا ابعتزززز ككتير وانا سكت احترمت

اعتذارها وانفعالها

المهم وانا قاعده افصخ الثياب الجديده اسمعها بصوت واضح وانا السمع عندي ممتاز ماشاءالله الا تقول


((ميرنااااااااا ياميرنااا وتضحك وميته ضحك تقول دخلت عليها بغرفه الئياااس < القياس وماعملت اشي ساكته

مازعلت ولا عملت حاجه شوهااااااااااااض مادري هاااد ))) << اقرو الجمله بالفلسطيني لوسمحتو



جان اطلع والله بثيابي للحين مالبست العبايه ماتحملت


الا هي مستمره بالضحك اول ما شافتني اسكتت على طوللللللل يما شهالتمثيل بنص ثانيه تختلف معالم الويه

المهم قلت لها يعني

اولا انتي يوم درعمتي علي والشنطه واضحه تحت واعتذرتي وبغيتي تبوسين راسي وكنتي منفعله اكيد بسكت حتى

لو عصبت بس اظاهر انتي متعوده تتهزئين وانا كنت شي غريب بالنسبه لج لاني فضلت السكوت

انا شفت ناس ماعندهم ذوق بس مثلج والله شي جديد غلطتي علي وسويتي حركه غبيه وبعد تضحكين

لاني قدرت اعتذراج انتي انسانه قليله ادب وذوق

تخيلو رجعت تعتذر قلت لها يلااااااااااااا زين سكتيييييييييييي منافقه انتي متعوده على هالكلمه اسفه واسفه وانتي

اصلا ماتحسين انج غلطتي على العالم صج انه بعض الناس مايفهمون الا بالاهانه ولبست عبايتي وانا


طالعه شفتها بنظرة احتقار


يوم رجعت البيت عجبني ردي عليها لاني احرجتها وايد خصوصا يوم كانت تضحك محد كان موجود

بس يوم هزئتها

كان في 5 بنات تقريبا احسن فشلتها


وطلعت هي من المحل بدون ماتشتتري شي

اما ناااااااااس غريبه بصراحه ​

براافو علييك عياره :rerrerek:

عطيتيها درس عُمرهاا ماتنسااه تستاهل

 

[دلوعةمآمآ]

متااابعه


يسلمووو على المووضوووع

دلووعه&عيااره

الله يسلممك

نتشرف بمتابعتك

بس شاركينا

 

[دلوعةمآمآ]

انا في وحدة من قرايبي ناشبتلي بالعمر
وانتي كبيرة وانتي قد فلانه وفلانه ذي اكبر مني بعشر سنين
بسسس ماعرفت ارد عليها وش اقول
كل جلسه تعيد نفس السالفه المشكله انها كبيرة
واذا قالت عجزت ولا فيني اقول لا مو باين ارفع معنوياتها وهي تحبطني

ماعلييك منها

كباار السن مالك إلا تأخذينها على قد عقلها وطنشيها

 

[دلوعةمآمآ]

شوفي انا هالموقف يمكن صارلي مره وحده مع مرت حماي
قطت علي كلمه واحس روحي اختنقت والدمعه تجمدت بعيني حزتها ماكنت اعرف ارد وسكت وقتلهم عن اذنكم ورحت بيتي
بس تدرين احس احسن اني مارديت لان الكل نقد عليها وعاتبها وطاحت من عينهم
اهي جنت على روحها وطلعت بصوره مو حلوه جدام الناس واحسن اني سكت ولا صرت مثلها

اووف اوووف مو لهدرجه اختنقتي والدمعه بعينك !!

المفرروض ما سكتي لها وعلى طول رديتي عليها

على العموم اهي جابت النقد على نفسها

نورتي الموضوع:eh_s(7):

 

[دلوعةمآمآ]

بصراحة موضوع مفيييييد فعلا هذي المواضيع الي احبها مشكورات صاحبات الموضوع دلع+عيارهاول مره أشوف موضوع متقاططين فيه ثنتيييين ههههه ههههههه يا زينكم. والله


عياره ردك حلووو بردتي قلبي فيها. وبعض الجنسيات مشهوره بالوقاحه. هالسبب الي خلاها تستغرب صراحه
لازم تشهر السلاح وتستعد لإطلاقه باي لحظه لما يكونون معك بنفس المكان اصلا اقلب خلقتي اول ما اشوفهم تحسبا

العفو :eh_s(22):

هههههههههههه توقعي كل شيء مني انا وعياره فديتها

نورتي الموضوع:eh_s(7):

 

[ام هيا العلي]

الله يكون في عونكم ... ان شاءالله لي رده وقصص ومواقف كثيره تقهر

 

[lemonda]

الي تحاول تجرحني اخليها تندم على اليوم الي تكلمت فيه الا تندم على اليوم الي شافتني وتعرفت عليه فيه ليش تتعدى عليه امسح فيها القاع والي يوقف في صفها يحضر نفسه للي بيسير له عشتوا اكره الملاقيف وارد عليهم ردود من جد مايتوقعونها اصلا انا نفسي لارجعت البيت انصدم من الي قلته وكيف طلع الكلام قوي ولاذع كذا بس احسن الي مو متربيه تلاقي ناس برى تربيها وتبطل تطفل ولاقافه

 

[*E.B.D.A.3*]

ههههههههههههههههه

موضوع بالصميم
المشكله انا دايركت وما يدور عندي فن النغزات ..
يعني الي تقط علي نغزة ، ارد عليها رد جاد فيه انتقاد وتحليل ونقاش ..
عرفتوا الي اسقل أم النغزة ؟
الي اخلي النغزة تقول ياريتني ما صرت نغزة ؟
ادورها سوالف تحت مظله النغزة !
كككككككككككككك


مرة مغصوبة اروح لبيـت عمات زوجي وانا ما ابلعهم مو لية
الزبدة ماحطيت نص ذرة ميكب .. عرفتوا ويهي الي خذوه فغلوه؟ كككككك
يايتهم على باب الله ...
ويهي كما ولدته امي ؟
كككككككككككك

جان تقط نغزة بنت عمه وقالت ها مخلص مكياجج عسى ماشر ؟
طبعا جان ارد رد انتقادي فني تحليلي نقاشي . لا والله عندي جنطتين من ماركة مكياجي تعرفينها الي اعلنت عنها منى امرشا؟
ترى مسوين عليها تنزيلات خذيت وحده والثانيه عرض ... " وهكذا ابحرت انا في السوالف
الي ليدرجة ان الي قاطه النغزة نست انها قاطه نغزة !!
وانا حضرتي ماستوعب الا لمه ارد البيت واعطي اهلي تقرير اليمعه .. اهني استوعب ان اشكثر انقطت علي نغزات وانا اسقل ام النغزة


ككككككككككك

 

[ملوكة الامورة]

ماعلييك منها

كباار السن مالك إلا تأخذينها على قد عقلها وطنشيها

شكلها كذااا:eh_s(9):

 

[ام هيا العلي]

انا ياما انقطت علي نغزات اتسم البدن بس لاني ع نيتي وطيبه وايد وغير اني اداري خاطرهم..

اقول مالت ع هالخواطر اللي بتعل قلبي ...


انا ماانعل قلبي كثر نغزات خوات ريلي اللي تنقط بالوي دايركت..


الموقف الاول .. مره كنا قاعدين انتعشى في يمعتنا بيت ام زوجي وانا صار لي يومين صابغه شعري وقاصته

وكنت قاعده اتعشى ..وثنتين من خوات ريلي قاعدين معاي ع سفره ويتعشون.. وتدخل اختهم الثالثه علينا علشان اتعشى

الااللي قاعده اتعشى اتقول لاختها اللي ادخلت .. شفتي شعر مرت اخوج .. الاترد اللي ادخلت وقالت ايه اشوفه مشوط

صاير شوط ... بال اذبحتني الغصه انقهرت انه ماعندي لسان وارد عليهم..


وموقف ثاني ..وحده من خوات ريلي طاح حظها هذه مادانيها خير شر شايفه روحها ومتكبره ومسويه فيها بنت العز ودلال
كانت مطلقه وعندها بنت والله كتب ياخذها واحد ثاني عاد اهله كانوا مايبونها وفي يوم لمن رضوا اهل ريلها
قالوا يبون يمرون علينا علشان يشوفون شنو قاصرها لتجهيزات العرس لانه كان باقي اسبوع ع عرسها

عاد كان معصبه وحالتها حاله واتحندا تقول يحمدون ربهم اني باخذ ولدهم ومن هسوالف وهي داشه الااتشوفني
وانصدمت واتقولي انتي اهني محد قالي انج راح اتجين وماعلموني .. وجهي انصفق قلت لها امج واختج قالوا لي اجي
وبس سكت وانا اتالم من داخل قلت ليش ليكون راح افشلها قدام اهل ريلها.. وتمت تروح وترد اتجيب صواني

حلويات وفطاير اتوزع ع خواتها الاانا..كاني مهب موجوده.. واتشربهم قهوه وانا اكس علي وعقب لمن جو الضيوف
كلهم اطلعوا يستقبلونهم بالصاله الاانا قلت لام زوجي ماراح اطلع قالت لي ليش قلت لها كل سالفه قالت لي ختولي وماعليج
انتي بنتي وماعليج منها...

وادز مسج لريلي واقول له كل سالفه ويعصب ويقول لي ابرزي انا جاي اخذج ختولي اختي شايفه عمرها ع ايش
وبس الاعمتي بالغصب دخلتني ع الناس وقعدت معاهم..

ولي رده لمواقف ثانيه ان شاءالله

 

[غآب نورك ~]

هههههههههه مو لقافه الا منبطه جبدهم هالحركات ما تطلع الا من وحده منقهره منج او ماتبي لج الخير





انا اهل طليقي بسس شمو ريحة خبر اني بملج على طول يددزون مسجات وكان يقولون فيس تو فيس مبروووووك تخيلو مع انه ماصار شي كلش حتى فحص مافحصنا لحين بس جذي لعانه شوفو انه احنا درينا مو لوجه الله او يبون لي الخير

حسبي الله ونعم الوكيل ~~~

 

[طريق السعاده]

انا قصيره لكن شكلي مره كيوت ونعوم واصلن ماتخيل نفسي طويله هع ملامحي وستايلي لايق عليه طولي
147 طولي ف حنا نجتمع باستراحه وكل مارحت يوووه شفيك قصرتي ! واحنا نسلم وحده من البنات داااايم تقط نغزه يابنت شفيك كل مره تقصرين :/

خخ انا طبعا اسلك وابتسم وامشي السالفه يعني عادي ماكنها قالت شيء هع ودايم يطيح وجهها خخخ كل مره تحاول تحرجني قدام البنات هي طويله 170 طولها وعريضه طول بعرض يعني وكل مره تقط نغزه قدامهم ف صرت ارد بوجهها انوثه ي حبيبي واصلح دوري دوري عرفتوها زي رقصه الباليه خخخ وش فهمك يالزرافه وخري بس هع

وفي بعد نفس موقف الي قبلي ولد عمتي خطبني ومدري مين نشر السالفه مع ان اهلي ماخبرو احد نهائي وللحين ماصار شيء بس كلام يعني والكل قام يبارك ! خيييير انا مره انحرجت واخر شيء قلت اصلن طلع السالفه كانت خاصه وللحين كلام ! الله يبارك فيكم بس ماصار شيء للحين وماندري وش يكتب ربي ! ادري مهب محبه يباركون بس كذا لقافه يعني ترا دريناااا


وفي من قرايبي مادري وش اقول عنهم صراحه كل ماااسويت شيء سووته وتخبي عني تخيلو في موقع نطلب منه فساتين من امريكا انا كنت ابي يطلبون لي معهم لان هم دايم يطلبون وقد جربو وماعرف حيل انقلش ف عطيتهم رابط الموقع خذوه وطلبو لحالهم وسكتو وكل ماسالت وش صار ع الموقع ابي اطلب عرفتو له قالو لا صعب ومالقينا الرابط ومدري ايش تصريفه يعني اخر شيء لما صار مناسبه اكتشفت انهم طالبين من نفس الموقع الي ابي لهم بلحالهم ولا قالو شيء بس انا عرفت الفساتين لاني اتابعه دايم وبعد ماجابوها قالو من امريكا !
واذا صلحت شيء خاص فيني قالو الحمد لله والشكر علمينا ترا ماينقص منك شيء ي حسوده لاتخافين مرح احد ياخذ نفسك او يتشرهون اني ماعلمتهم قدام امي وامهم :/

< بصراحه للحين اسكت عنهم لان مره قراب واستحي اغلط لان علاقتنا قويه بس حركتهم ابد ابد مو حلوه يخشون عني وانا اساسا الي جايبه الشيء يستفيدون منه ويسحبون علي


تصير ياما مواقف لكن احيننا نعديها عشان لايجي مننا العيب واحيننا الواحد ينفجر هع

 

[ميممآإ]

اذكر مره كان أخو خالتي زايرنا هو و مرته و كنت توني عروس يعني ما شفت مرته ولا مره المهم دخل رجالي يسلم عليها يوم جاء يطلع إلا تسأله امه وين بتروح قال بطلع مع خالي شوي إلا تنط و تقول أي يا عمري اطلع غير جو و نفهه عن نفسك و أنسى همك > !!
والله حزت بخاطري حيل
عاد يوم رجع و كنا بنرجع لبيتنا عاد تقول خالتي ويييه بتمممشون قلت أي والله بنروح نفهه عن انفسنا شوي ضاق صدري انا > طبعا انا قلتها و فهمتها هي و ركبت السيارة و أخذت تهزيئه حلوه هههههههههههههه بس بردت حرتي

 

[Lédy LoOlà]

ووواي خوووش موضوع .،
انا حمواتي يقطو كلام ونظرات بس كنت اسكت لانه عروس يديده واحس سكوتي خلاهم يتمادون ومايحترمون .،
فيه موقف ماانساااه ودي ارجعه وارد
.، بعد العرس بيومين ام ريلي لزمت ننزل نتغذى معاهم ونزلنا بعد الغذا وانا قايمه الا وحده من حمواتي تقول وين وين ؟
روحي المطبخ علشان تغسلين المواعين @@ انا خلااااااااااااااااص الدمعه بعيوني شهالاسلوب
وعمتي بعدها بيوم لما نزلنا للغذا تقول لي تعالي حطي لج ولريلج غذا وتعلمي شلون يحطو الغذا @@
مع العلم اطبخ واهي تدري انا مو بحاجه انها تعلمني
آه ياقلبي .، ودي ترجع هالايام و ارد باسلوب يبرد قلبي

 

[سندس 90]

موضووعكم ابدااع

انا من النوع اللي تصيبها حالة طرم ماادري شيصير فيني
وصج اذا بغيت ارد تشوفيني اتنافض واحمر واعرق وارمش وفووق البدليات اللي تفششل 

 

[انصاريه قمره]

بالنسبه لي انا اذا تكرر معاي اكثر من موقف ومع انسانه معينه اعرف انها قاصدتني
وامشي على مقولة (في ناس تخاف ما تستحي) واضطر اهزئها وامسح فيها الارض
لانها من النوع اللي ما فيه تربيه تربيه شوارع حشاكم فضروري تنعاد فيها التربيه

 

[دلوعةمآمآ]

شوووفووا في بعض الحريم اذا قطوا علييج يبوونج تتكلميين لهم يعني تتحرشين فيهم فهالنوووعيه ودج تبطيين جبدهم وتسكتيين وتضحكيين بوجيهم عشاان شنو يصييير فيهم يحترقووون من دااخل...........(((وهاذي النووعيه نوعيه حريم حمواي)))


وفي نووعيه يستضعفوون الوحده من طيبتهاا ونيتهاا الصاافيه لانهم يشفونهاا هبله مو الحبيب بالهدنيا خبل والنااس معااد تحترم الا من قله قلييله من البشر

عااد ودج مثل هالنوعيه يقطوون عليه كلمه صغيره انتي تقطين عليهم كلمه دسمه واخرتهاا ضحكه تقهرهم


هاذا رأي ��������




متاااااااااابعه فديتكم ☺☺☺☺☺☺☺☺

صح كلامك :rerrerek:

بعضهم مُجرد ماتطنشينها وتعطينها أكبر طااف تحترق من دااخل الحقران يقطع المصران

وزي ماتفضلتي النوعيه الثانيه على بالهم اللي تسكت ماترد يعني اهي ضعيفه شخصيه
وتلاقين ذييك مُحترمه وماتحب هالأشياء
بس انا عندي مثل بحياتي مااشيه عليه اللي ماايستحي مني ما استحي منه

مشكوره نورتي الموضوع

 

[دلوعةمآمآ]

عجبني الموضوع حيل

صج صج يونس ويغث محتاجين سوالف وفرفشه المهم عاد انا تخصص نغزات

اختي عندها بنت وحده والبنت نوعا نعومه وعصله حيل ماتبين انها بعمرها لان الي اصغر منها مشاء الله اطول واعرض منها

ودايما مرت حما اختي تعيب علا بنتها البقه والبقه النتفه القصيره ومن هالكلام واختي حرام كلت ساكته بعد خلقة الله شنسوي

المهم ذاك اليوم يايه مسيره علينا وطارت بنت اختي لها تسلم عليها جان تقولها واي للحين قصاصه ماطولتي من وين نجيبلج ريل باجر

جان انط عليها انا قتلها انشاء الله الحين الله يبلا وحده اثنين من هالي يعيبون عليها بولد قصير ونزوجه حق بنت اختي

عاد لاتشوفون ويها طاع بالارض قطيعه صج قليلة ادب ..........

ولي رجعه عندي مواقف ووايد مع هالامور قطيعه سوالف الحريم ماتخلص

تستااهل من جِد قِلة أدب

كل شيء ولا احد يعيب على خلقة الله ,,من عاااب ابتلا

ناطرينك وعلى قولتك سوالف الحرييم ماتخلص