لــــعيون الرمسه الاماراتيه ,,(( مس عسوله للاستفسارات اللغويه ))

[عسلاتي]

--------------------------------------------------------------------------------

فديييييييييت رمستكم حلووه والله \


مشكووره

فديت روحج تواجدج الاجمل يا عمري

لا خلا ولا عدم وتابعينا ^^


--------------------------------------------------------------------------------

ياهلا ويامرحبا باأهل الإمارات
فديتكم ياحلوكم وياحلو رمستكم

مرحبابج فديتج ..وشكره لج طلتج الحلوه

ووتابعينا يا عمري
نورتي الموضوع ^^

هلااااااا والله بأهل الامارات والله انكم عسل وكل شي فيكم حلو اخلاقكم وقلوبكم ورمستكم وفديييييييت اهل الامارات ورمستهم نحبكم

هلا فيج يا عمري وانتي العسل فديييييييييييييت روحج وفديت اهل الكويت كلهم..

منوره بذمتيه .

تابعيننا فديتج ^^

مرحبا الساااع

فددديتكم يا اهل الامارات وفديت رمسكتم العسل


ككلاامك حده يونس


بس ضاق خلقي لما رحت الامارات ما شفت اماراتيين للاسف مع اني وايد كنت حبه اشووف اهل الديره


مشكوره حبيبتي عالموضووع ولي رجعه ان شاء الله

يالبي عليج فديييييت روحج..

يحلينا الاماراتين شوي وبننقرض ههه

المره اليايه بس توصلين الامارات قولي لي عسبت اقولج مكان تجمع الاماراتين ^^ (( كله مواتن ))

منوووووووووووووووووره بذمتيه ^^

 

[عسلاتي]

- تراك= ترى...
مثال تراك وايد ترمس ..(ترى وايد تتحجى)
- اويه او ابيه =يعني امبيه
مثال ..
اووويه ..يابويه شسويت انته !..( امبيه ..يبه انت شسويت !)
- جذاك = هناك
مثال ..
وين اروح جيه ولا جذاك..؟( وين اروح منيه ولا هناك)
-حذالي = صوبي او قربي
مثال ..
تعالي يلسي حذالي يا الحب هععع ...(تعالي قعدي صوبي )
- يربع = يركض هههه
مثال ..
على وين ساير تربع؟ ( على وين رايح تركض )

 

[كويتية وكيفي]

وااااااااااااو موضوعج حدااااااااااااااا يشوق بحفظة بالمفضلة
انا وايد استانس على الرمسة الاماراتية بس ما ادري ليش مو راضية تضبط معاااي بس بنزرع في هالصفحة لين ارمس شراتج يالغالية

 

[تخفــي غــلآهــآ]

رد : لــــعيون الرمسه الاماراتيه ,,(( مس عسوله للاستفسارات اللغويه ))

.
.
.




لبى منطووقهم وآللـه :$


لآهنتي ع آلموضوع آلغـآوي :$



.
.

 

[بدويـــة مودرن]

<< تقرآ اللي طآفها لووووول


فديت عسولـه الامآرآتيـه

 

[غرنوق رعبوبة]

مرحبا ختيه عسلاتي حيا الله ابنت ابلادي تسمحيلي افيد خواتنا الكويتيات ببعض المصطلحات الاماراتية :-


*حيرتنا يا ريال [/b]( يعني اخرتنا يا ريال)
*بنصعد فوق العرقوب (العرقوب يعني التلة الرملية مفرد وجمعها عراقيب) الكثبان الرملية .*انقفض (بمعنى يلا عجل اسرع) انقفض يا ريال . بكسر الالف وفتح النون وكسر القاف وكسر الالف وفتح الضاد*بتبطي [/b](يعني بتتأخر) وتستخدم كصيغة سؤأل وفي حالة النهي لا تبطي للمذكر ولا تبطين للمؤنث.*نش (بكسر النون يعني يلا قوم انهض)
*هلكت ( يعني تعبت) بكسر الهاء وفتح الالف.
*وايد (اشكثر كثير)
*ييب (يعني عطني) ييب لي قلاس ماي
*نهي (بكسر النون وفتح الحاء وتشديد الياء) يعني ذهب مثال( محمد نهي البيت ) (محمد ذهب الى البيت)

 

[جوـآهر ..~]

رد : لــــعيون الرمسه الاماراتيه ,,(( مس عسوله للاستفسارات اللغويه ))

ههههههه كشخه يعني هنيه نقدر نرمس و ترجم رمستنا خخخخخ


حبيت اضيف بعض المصطلحات الاماراتيه ..


* عسب او عسبت >> يعني عشان

مثلا : انا يت عندج عسب اطمن عليج >> انا ييت عندج عشان اطمن عليج

،،

* اخطف عليج >> امر عليج ..

مثال : يلا تجهزي بعد شوي بخطف عليج >> يلا تجهزي بعد شوي بمر عليج ..


،،

* بلاج / بلاك >> شفيج /شفيبك


مثال : فلانه شو بلاج اليوم ؟؟/ فلان شو بلاك اليوم >> فلانه شفيج اليوم / فلان شفيك اليوم ..


،،


* شو مستوي او شو استوا >> شو صاير

مثال : شو مستوي امس ؟؟ >> شو صاير امس



،،

* متروعه / زايغه >> خايفه ..

مثال : من شو متروعه >> من شو خايفه ..


،،

* محرجه >> معصبه

مثال : بلاج محرجه من صباح الله خير >> شفيج معصبه من صباح الله خير ..



* طيطار >> البرص او البريعصي ..


* صرصور >> عندكم زهيوي ..

-----------------------------------

للعلم الرمسه الاماراتيه تختلف باختلاف مناطقها و اماراتها ، مثلا: ف بعض مناطق الدوله ينادوم الام [ امايه او امييه ] و الاب [ ابويه ]


و احلى رمسه رمسه اهل العين .. يوم يقولون خالتيه و عمتيه يعني خالتي و عمتي ..


-----------------------------------------

انا المصطلحات الامارتيه شوي انقرضت عني لان فيني عرج كويتي من صوب الوالده خخخخ

و اذا تذكرت اي كلمه بطب هنيه ^^

 

[sweet lady]

واااااااي موضوووع عجيييب يبيله حفظ شكلي بدخل الامتحان خخخخخخخ عشان ادرس هاللهجه

 

[حصــgص..~!]

مررررررررررررررررحبـــــاآ السسسساآآآع :$



فدددددددددديت الأمارات وفدددددددددددددديت لهجتهم و ربي اموووت فيكم

 

[RoWaIsHeDyA]

لوووووووووووووول يالله ننطركم علشان نلقط جم كلمه

 

[النشبه88]

احينه بسألج ... انتو تقولون .. شقا بمعنى شلون بنسوي ... او شقال بنسوي

اتمنى فهمتيني لوووووووول

 

[عسلاتي]

--------------------------------------------------------------------------------

وااااااااااااو موضوعج حدااااااااااااااا يشوق بحفظة بالمفضلة
انا وايد استانس على الرمسة الاماراتية بس ما ادري ليش مو راضية تضبط معاااي بس بنزرع في هالصفحة لين ارمس شراتج يالغالية

يالبي عليج وفديت روحج منووووره بذمتيه ..^^

في جم فيديو بعرضهم هنيه وانتوا طالعوهم واي شي ما تفهمونه قولو لي ,

تابعينا فديتج ^^



.
.
.

لبى منطووقهم وآللـه :$


لآهنتي ع آلموضوع آلغـآوي :$

فديت روحج ..^^

منوره بذمتيه ولا خلا ولا عدم من هالتواجد ^^


--------------------------------------------------------------------------------

<< تقرآ اللي طآفها لووووول


فديت عسولـه الامآرآتيـه

وااا فديت روج يا بدويه على راسي يا عمري ^^

منوووووووووووووووووووووووووره بذمتبه

مرحبا ختيه عسلاتي حيا الله ابنت ابلادي تسمحيلي افيد خواتنا الكويتيات ببعض المصطلحات الاماراتية :-

*حيرتنا يا ريال ( يعني اخرتنا يا ريال)
*بنصعد فوق العرقوب (العرقوب يعني التلة الرملية مفرد وجمعها عراقيب) الكثبان الرملية .*انقفض (بمعنى يلا عجل اسرع) انقفض يا ريال . بكسر الالف وفتح النون وكسر القاف وكسر الالف وفتح الضاد*بتبطي (يعني بتتأخر) وتستخدم كصيغة سؤأل وفي حالة النهي لا تبطي للمذكر ولا تبطين للمؤنث.*نش (بكسر النون يعني يلا قوم انهض)
*هلكت ( يعني تعبت) بكسر الهاء وفتح الالف.
*وايد (اشكثر كثير)
*ييب (يعني عطني) ييب لي قلاس ماي
*نهي (بكسر النون وفتح الحاء وتشديد الياء) يعني ذهب مثال( محمد نهي البيت ) (محمد ذهب الى البيت

يا هلا فيج ختيه ..ومسموحه يا عمري وسدحي اللي عندج كله ...
بصراحه اضافات ولا اروع لا خلاا ولا عدم من تواجدج...
اهم شي التنوين والكسره والفتحه هههه

منوره حبوبه ^^



--------------------------------------------------------------------------------

ههههههه كشخه يعني هنيه نقدر نرمس و ترجم رمستنا خخخخخ


حبيت اضيف بعض المصطلحات الاماراتيه ..


* عسب او عسبت >> يعني عشان

مثلا : انا يت عندج عسب اطمن عليج >> انا ييت عندج عشان اطمن عليج

،،

* اخطف عليج >> امر عليج ..

مثال : يلا تجهزي بعد شوي بخطف عليج >> يلا تجهزي بعد شوي بمر عليج ..


،،

* بلاج / بلاك >> شفيج /شفيبك


مثال : فلانه شو بلاج اليوم ؟؟/ فلان شو بلاك اليوم >> فلانه شفيج اليوم / فلان شفيك اليوم ..


،،


* شو مستوي او شو استوا >> شو صاير

مثال : شو مستوي امس ؟؟ >> شو صاير امس



،،

* متروعه / زايغه >> خايفه ..

مثال : من شو متروعه >> من شو خايفه ..


،،

* محرجه >> معصبه

مثال : بلاج محرجه من صباح الله خير >> شفيج معصبه من صباح الله خير ..



* طيطار >> البرص او البريعصي ..


* صرصور >> عندكم زهيوي ..

-----------------------------------

للعلم الرمسه الاماراتيه تختلف باختلاف مناطقها و اماراتها ، مثلا: ف بعض مناطق الدوله ينادوم الام [ امايه او امييه ] و الاب [ ابويه ]


و احلى رمسه رمسه اهل العين .. يوم يقولون خالتيه و عمتيه يعني خالتي و عمتي ..


-----------------------------------------

انا المصطلحات الامارتيه شوي انقرضت عني لان فيني عرج كويتي من صوب الوالده خخخخ

و اذا تذكرت اي كلمه بطب هنيه ^^


يا هلا وغلا والله ,,,بصراحه سدحتي لنا كلمات روعه

لا خلا ولا عدم ياعمري..

وخلج على التواصل ونبا اكثر

منورررره حبوبه

مررررررررررررررررحبـــــاآ السسسساآآآع :$



فدددددددددديت الأمارات وفدددددددددددددديت لهجتهم و ربي اموووت فيكم

مرحبا ملاااايين ولا يسدن بذمتيه ...

فدددددددددددددددددددددددددددددددددديتج وفديت اهل الكويت كلهم

منوره يا عمري ^^

لوووووووووووووول يالله ننطركم علشان نلقط جم كلمه

حياااااااااااااااج الله ومنوره يا عمري وخلج على التواصل ..


منوره بذمتيه ^^

احينه بسألج ... انتو تقولون .. شقا بمعنى شلون بنسوي ... او شقال بنسوي

اتمنى فهمتيني لوووووووول

يا هلا وغلا فيج قبل كل شي..

شقا وشقايل كلهم نفس الكلمه ومعناتها كيف؟..

مثال

شقا تسير وما تقولي؟....يعني كيف تروح وما تقولي
شقايل هالرمسه تنقال وانا موجوده؟ يعني كيف هالحجي ينقال وانا موجوده ^^

منوره فديتج ^^

 

[عسلاتي]

السلام عليكم...هذا فيديو

يعني درس عملي ههههه

حبيت اعرض لكم فيديو..شوفوه واللي ما يفهم اي كلمه يقولي (( طبعا الفيديو عشوائي لرمسه اماراتيه ))


http://www.youtube.com/watch?v=qq75IpNjyD0&feature=related

يلا اتريا استفساراتكم..^^

 

[كيم كارداشيان]

انا بعد موجودة وبالشوف ..


حاضرين للطيبين .. عاد أنا ظبيانية فرمستيه بتكون رمسة هل بوظبي ..


بخبركم شوي ..

نحن = احنا

هل = أهل ( مثال هل بوظبي = أهل بوظبي)

سكون = ساكنين ( هليه من سكون العين = أهلي ساكنين في مدينة العين )

امبونه =اساسا ( امبوني غاوية = اساسا أنا جميلة )

اللاهوب= النسيم الحار

الحراقة= الحاكوكة

العس= الرقبة من ورا / الأفا بالمصري

العليبا = بعد الأفا بالمصري كككك

المعلاق = المنطقة الوسطى في نص الصدر ( أخر المري تقريبا)

الضامرة = الخاصرة ( مكان الكلي )

النحبة/ ينحب = الكحة/ يكح .. فلان قاعد ينحب ( قاعد يكح )


سندرتنا = صدعت راسنا

الهذربان = الثرثرة

والدرس الياي بزيدكم

 

[جننها السعودي ]]

رد : لــــعيون الرمسه الاماراتيه ,,(( مس عسوله للاستفسارات اللغويه ))

وه بس بعد قلبي الامارات واهل الامارات ~
لبى لبى لبى لباااكم مليووون مرة
عليييكم كلآلآم يجنننننننننن ويخقق مرآ
عآد جتني فترة آتكلم اماراتي من الصميم و رجعنا للسعودي
ترآ ع فكرة بعض كلمآآتكم بعض اهل الشرقية يقولونها فيه كذا محافظة حتى احياناً ما افهم عليهم اذا تكلمو سريع خخخخ
زي خالتية وعمتيه وهلكت وايد و تراك ويييب

تسسلمين حتآآتي ع الموضوع النايس لي بآآك ^ـ^

 

[يبقى الوله]

آوووونه

 

[يبقى الوله]

اي صج فديتج غنآتيه ع المووووضوع الكشششخه

شرآتج ..~

> ترمسس شرآتكم

 

[ScarletteO'Hara]

شحالج = شلونج
ما اروم = ما اقدر
سنطرة = افندي
فراج مع شد الراء = نفيش
يح = رقي
بسير = بروح
كندورة = الدشداشة الاماراتية
ربيعة = رفيجة
و اذا عندي اغلاط بليز صلحوا لي خبركم من زمااان ما رمست اماراتي

 

[جوـآهر ..~]

رد : لــــعيون الرمسه الاماراتيه ,,(( مس عسوله للاستفسارات اللغويه ))

مرحبـــآ رجعت لكم و معايه شويه مصطلحـــآت ^^



* ربّــت = اولدت

مثال : فلآنه اليوم ربت >> فلآنه اليوم اولدت ..

,,

*حلق / شغاب = تراجي


مثال : بشتري ( الحلق / الشغاب )الذهبي >> بشتري التراجي الذهبيه ..

،،



*مخبق = مخرق ( فيه ثقوب )


مثال : الملاس مخبق >> الملاس مخرق ..\


,,



*تتحرا = تظن و تعتقد


مثال : تدرين تحريتج سايره بيت ربيعتج >> تدرين ظنيت انج سايره بيت ربيعتج ..



,,


*غاويه / طر = حلوه


مثال : ماشاء الله ع ذيج البنت (غاويه /طر ) >> ماشاء الله ذيج البنت حلوه ..


,,



شرات = مثل / نفس ( متشابه)

مثال : تعالي نشتري شنط شرات بعض >>تعالي نشتري نفش الشنط ..




لي عوده اذا تذكرت شي يديد ..

 

[ْ{صبّوحه}ْ]

رد : لــــعيون الرمسه الاماراتيه ,,(( مس عسوله للاستفسارات اللغويه ))

سلاااامن عليــــــــكن
ما شاء الله اشوف ويانا بدااوة البلاد يا حيالله من يانااا

و الا عن الفيديوو ياااا حب الشباب للتشويح بالسيارات >< ريلي امبهذلني (متعبّني) ويّااه ، اخاف اركب الجيب عقب (بعدين) أرووح فيهاا أنا و الهوى سوى << ترا اعذريها مشفرة من أمس مب راقدة (نايمة) .. لوول
اشوفكن على خير
في داعة الله