لــــعيون الرمسه الاماراتيه ,,(( مس عسوله للاستفسارات اللغويه ))

[عسلاتي]

السلام عليكم...

شحالكم كلم بحاله ..

شفت موضوع لاخت كانت طارحتنه هنيه ولعيونكم قلت اسوي ميلس نرمس فيه ونتعلم الرمسه (( اونه بدرسكم اللهجه)) .. تراني جاهزه واي جلمه ((كلمه..هع )) ما تفهمون عليها فالكم طيب..

عاد ان شاء الله افيدكن..

يلا فديتكم اترياكن...

 

[بدويـــة مودرن]

وعليج السلام فديتج

مرحبآ ملايين ولا يسدن حيآني الله بيلس معاكم



اقربن يآ بنات مآ من غريب< على كيفها تعزم هههههههههههههههه

 

[عسلاتي]

هههه يالبي عليج وفديت روحج حياج ومرحبا الساع بدويه ..

والله بتنورين الموضوع قربي طولي بعمرج...

عاد شعليج اول وحده راده علي منو قدج << بدت خقه ( خقه من خقاقه يعني شايفه روحها هع )

 

[بدويـــة مودرن]

مرحبآ ملايين ولايسدون < بس هذآ اللي حآفظته هههههههههههههههههههههههههه

تسلمين لي ع الترحيب فديتج وفديت أهل الامآرآت

يالله خبرينا اول درس شووو< تتريآ عمرها للحـين فـ الجآمعه ههههههههههههه

 

[عسلاتي]

ههه..

فديت روحج مستعيله ..بس فالج طيب ...بسدح لج الدرس الاول لعيونج ..

الرمسه ...بعد ما يبالها رمسه يعني ...جلام حجي.. ..

مثال..

يا ريال شوو هالرمسه ..ما تعرف ترمس انت.؟
يعني...يا معود شهالحجي ما تعرف تتحجى انت...هع


قربي..يعني حياج ...قلطي

مثالي..

حيالله من يانا قربي قربي....

ولرد على كلمه قربي...يعني يوم حد بيرمسج وبيقولج قربي ردي عليه (( قريب )) << شسالفه ما اعرف بس جيه يردون هع


اونه....

كلمه تقال ومعناتها تقريبا يعني (( من صجك ))

مثال..

اونه ما عرفني... (( يعني من صجه ما عرفني ))

وطبعا لها اكثر من معنى غير هالمعني فمرات تنقال

اونه اونه شهالكشخه...يعني << لا حيله ما نروم عليك.. (( ما نروم يعني ما تقدر عليك ))

تابع ^^

 

[بدويـــة مودرن]

هههههههههههههههههههههههه مو مستعجله بس قلت اخآف اطول بالرمسه وموضوعنا ينحذف لووووووووووووووووووول


شغل عدل يبآله تدريب هالحجي


كلامكم يونسسسسسسسسسسسسسسسس

 

[ْ{صبّوحه}ْ]

رد : لــــعيون الرمسه الاماراتيه ,,(( مس عسوله للاستفسارات اللغويه ))

مرحبا الساااع مرحبا ملاييييييين و لا يسدّن

الشوق وداني لديار الامارات خخخخخ
واااااابويه فديتج والله عسلاتي و أخيراً لقيت من بنات ابلاديه :eh_s(3):
عااااده "اونه" هااي مصيبة ترتز في كل مكان و لها معاااني بس الله يستر .. لوول
تدرين أحس اني نسيت رمستنا من كثر ما اهذر بالكويتي خخخ
يالله يا أبلة كل شي و لا التقصّيـــــــــــر في الدروووووس هع هع
درسيهن عدل و ان شاء الله نشوفهن متخرجات و دكاتره << وين يالسين نحن .. هع

في داااعة الله :eh_s(22):

 

[عسلاتي]

--------------------------------------------------------------------------------

مرحبا الساااع مرحبا ملاييييييين و لا يسدّن

الشوق وداني لديار الامارات خخخخخ
واااااابويه فديتج والله عسلاتي و أخيراً لقيت من بنات ابلاديه
عااااده "اونه" هااي مصيبة ترتز في كل مكان و لها معاااني بس الله يستر .. لوول
تدرين أحس اني نسيت رمستنا من كثر ما اهذر بالكويتي خخخ
يالله يا أبلة كل شي و لا التقصّيـــــــــــر في الدروووووس هع هع
درسيهن عدل و ان شاء الله نشوفهن متخرجات و دكاتره << وين يالسين نحن .. هع

في داااعة الله

واا فديت بنت بلاديه..

عاد على الدروس لا تحاتين بعطيهم امارتي من الصميم وحياتج هههه

عاد فديتج لا تقصرين ..اباج تحدرين هنيه دوم وتساعديني فديت روحج..

نبا همتج ....

ومنوره الموضوع يا عمري

 

[ْ{صبّوحه}ْ]

رد : لــــعيون الرمسه الاماراتيه ,,(( مس عسوله للاستفسارات اللغويه ))

أفا عليييج أنا في الخدمة متى ما تحتاييني تراني موجودة
هههههههههه ضحكتيني اماراتي من الصميم الوعر هذا الله يعينهن اذا دخلنا الصميم الوعر هع
خلاص الحيــــــــــــــــن بروح أخمده لنّي صاايمة و مدوخة و مسطلة .. و اذا بتزيدين شي شياته كيفج ^_* خخخخخ
أشوفج على خير غلايه

 

[فوشية...]

تكفين عطينا جم مصطلح اماراتي خنتعلم

شنو يعني خدامه عندكم؟

 

[بدمي لكويــت]

رد : لــــعيون الرمسه الاماراتيه ,,(( مس عسوله للاستفسارات اللغويه ))

بنات بنات عفيه شنو يعني اونه

 

[عسلاتي]

أفا عليييج أنا في الخدمة متى ما تحتاييني تراني موجودة
هههههههههه ضحكتيني اماراتي من الصميم الوعر هذا الله يعينهن اذا دخلنا الصميم الوعر هع
خلاص الحيــــــــــــــــن بروح أخمده لنّي صاايمة و مدوخة و مسطلة .. و اذا بتزيدين شي شياته كيفج ^_* خخخخخ
أشوفج على خير غلايه

اما الوعر هذا ,,,,ههه انا بروحي ما افهم عليه ولا عاد اييج على السريع اسميه فهمنا شي هههه

وتقبل الله صيامج غلايه وسيري نامي فديتج وباجر بنكمل رمستنا ..

^^

 

[نقشة الحنآ]

فوشية حبيبتي الخدامة نسميها عدنا بشكارة


بدمي لكويت ممم آآونه يعني ممم هههه ماعرف صراحة اشرحلج اياها !---> عيل ليش تقولينها وانتي ماتعرفين
بيفيدونج البنات


السموحة منج عسلاتي رديت عنج

 

[عسلاتي]

تكفين عطينا جم مصطلح اماراتي خنتعلم

شنو يعني خدامه عندكم؟

فديتج الخدامه يعني بشكاره ,,,,عاد هالكلمه تضحكني هع

بنات بنات عفيه شنو يعني اونه

اونه....

كلمه تقال ومعناتها تقريبا يعني (( من صجك ))

مثال..

اونه ما عرفني... (( يعني من صجه ما عرفني ))

وطبعا لها اكثر من معنى غير هالمعني فمرات تنقال

اونه اونه شهالكشخه...يعني << لا حيله ما نروم عليك.. (( ما نروم يعني ما تقدر عليك ))

بس بصراحه لها بعد اكثر من معنى يعني على حسب طريقه الكلمه والوقت اللي تنقال فيه..

نورتوا الموضوع حبيبتاتي..واي استفسار ثاني انا حاضره ^^

 

[عسلاتي]

فوشية حبيبتي الخدامة نسميها عدنا بشكارة


بدمي لكويت ممم آآونه يعني ممم هههه ماعرف صراحة اشرحلج اياها !---> عيل ليش تقولينها وانتي ماتعرفين
بيفيدونج البنات


السموحة منج عسلاتي رديت عنج

فديت روحج اتشرف بردج...

وبراحتج يا عمري سدحي معلوماتج اهم شي توصل المعلومه هع,,

حياااااج غلايه ^^

 

[ْ{صبّوحه}ْ]

رد : لــــعيون الرمسه الاماراتيه ,,(( مس عسوله للاستفسارات اللغويه ))

أنا بااااااك ..
الكافايين لاعب فيني لعبته و مب مخليني أرررررقد

و على طاري الصميم الوعر خخخ تراني وياج ماااا افهم عليه
بقول لج سالفة مرة كنت في بيت " مكتظ " باللي يرمسون الوعر هذا خخخخ
فااا هي ترمّسني عن شي و أنا أصلاً مب فاهمة شو السالفة بس أقول لها
اهاا - هيه والله - و النعم
و انا ما اعرف شو السالفة هههههههههههههههههه
بس الحمدلله ريلي يفهم له

عاااااده الوعر ما ايي الا من عند البدوو و راعين ارجاب سيريلهم و تعلمي موسوعتّم :dddds:

 

[عسلاتي]

عاااااده الوعر ما ايي الا من عند البدوو و راعين ارجاب سيريلهم و تعلمي موسوعتّم

عاد هنيه ام المشكله...

مرات احس اني من زحل ما ادري هذي رمسه ولا شفره هههههه

يحليلهم شيابنا يوم يرمسون على السريع ,,, ((يواكبووون السرعه))

مره انا بعد صار لي نفس الموقف ,ابويه كان يرمس شيبه من منطقه بدويه والله اني ما فهمت ولا شي بس ابوية رد عليه ((وانا اشك انه فهم هههه)) مستحيل ياختي على هالسرعه,ما تدرين يضاربون ولا يرمسون اهم شي اخرتها مخاشم ههه يعني الامور طيبه هع

 

[رانيا2]

وناسه عاد انا من زمااااااااااااااااان امنيتي اعرف معنى يترمسون والحمدالله عرفت

 

[عسلاتي]

رانيا,,

فديت روحج جان خبرتينا..

و اي كلمه ما تفهمينها قولي لي وانا بالخدمه ,,,^^ وحياج يا عمري بالموضوع

 

[جيتارا]

رد : لــــعيون الرمسه الاماراتيه ,,(( مس عسوله للاستفسارات اللغويه ))

خخخخخخخخ

والله الرمسه فنتك

ألفاظ ولا أحلى,,,