%%لعيون بنات الكويت----خلطه خطيييره لشعر الجاف%%

[حامله الرايه]

السلام عليكم ورحمة الله وبركاته



و أنا أحوس بالمنتديات لقيت هذي الخلطة للشعر .. و أحس إنها مفيدة مره .. قلت أجربها ..

و أنقلها لعيونكم ... و أتوقع إنها إن شاء الله مضمونة و آمنة ..

وهذي التجربة كما ترويها صاحبتها ..



كان شعري جاف ومقصف وخفيف يعني بالعربي تالف

وما كنت اهتم فيه يلا يلا اغسله بالشامبو واحط شوي كريم صانسيلك عشان ما ينتفش

بس فترة انتبهت لهالشئ ان المرأة جمالها في شعرها .. ومهما كانت جميلة ورشيقة شعرها يخرب عليها اذا كان خفيف وجاف وباهت واطرافه خشنة

فبديت استخدم الخلطة اللي هي عبارة عن


مايونيز + ملعقة عسل + ملعقة زيت زيتون + ملعقة زيت خروع + بيضة + قطرات ليمون

حركي المكونات حتى تتمازج وحطيها بشعرك ساعة او ساعة ونص بالكثير وبعدها اغسليه بشامبو دوف وجففيه بالمنشفة بخفة ورقة وبعد كذا مباشرة حطي شويه كريم براشوت الازرق في ايديك وادهنيه على كامل شعرك وهو لسه مبلول

مرتين بالاسبوع استخدمي الخلطة
ورح تتفاجأون مثلي بالنتيجة ........... شعري صار لامع ..... وصحي رغم انه كان قبل مموج لاحظت بعد الخلطة انه تنعم بشكل ملحوظ وخاصة الشعر اللي نمى جديد كان حرير ويلمع بشكل فظيع وكثيف وقوي وطال كمان بس مو بدرجة سحرية

وصدقوني ان الشعر جماله مو في طوله

جماله في لمعانه وصحته ونعومته وكثافته ولو كان تحت كتوفك


وصح نسيت اقولكن ان النتيجة ظهرت في غضون شهرين من الاستخدام
ونصيحة لا تنطروا النتيجة بسرعة فائقة .. ابدا استخدموا الخلطة كشئ روتيني وكملي حياتك عادي وبعد كذا رح تسعدي سعادة مالها مثيل لما تشوفي شعرك صار كذا


ومشكورين

منقول وجزاها الله خير اللي كاتبتها​

 

[حامله الرايه]

وش دعوى 30 مشاهده

ولا وحده دعت لي


ما ابغى الا دعواتكم الصادقه

 

[MNOoO ksa]

:ggdw:

ماقصرتى ياعسل مشكورررره ع النقل

 

[حامله الرايه]

وين الباجي ماشاء الله اشعوركم ناااااااعمه!!!!!!!!!!!!!!!!!!!!!!

 

[عبقرية]

تجنن انا مجربتها حلوة

 

[اعسابي بارده]

مشكوره