لعيون العضوه احلى فدوكه... دروس بسيطه للجوخ

[بنوته@كيوته]

السلام عليكم ورحمة الله وبركاته
اتشرف باني اكتب اول موضوع لي واهوه عن الجوخ وشلون تسوون تصاميم بسيطه من الجوخ

للامانه صحيح اهيه اشياء من الانترنت بس من بحثي في المواقع الاجنبيه وتجميعي وتنسيقي عن طريق الفوتو شوب

واتمنى الكل يستفيد وبالأخص العضوه احلى فدوكه .. ومابي منكم إلا الدعاء لي ولزوجي لقضاء حاجتي

الدرس الاول- الميداليات

ميداليه على شكل كره



عشان تسوين كره مكركشه نفس اول صوره من اليمين تحتاجين
4 قطع جوخ دائريه نفس الحجم - شريط

الخطوات
1- اطوي الشريط وثبتي داخل بين قطع الجوخ الاربع نفس ثاني صوره
2- سوي خياطه طوليه تقسم الدوائر نصفين
3- ضمي اول شريحتين من الوسط وضميها مع الشريحه إللي بعدها من الاطراف فوق وتحت نفس الصوره إلين تخلصين
كل الكره وتصير نفس الصوره


.........................يتبع الرجاء عدم الرد.............................​

 

[بنوته@كيوته]

تابع الدرس الاول

ميداليه على شكل ورده



تحتاجين: حلقه للمفاتيح - شكل ورده من كرتون مقوى وزر ورده من كرتون مقوى - ورق فازلين (مادري هذا لما الحين موجود بالحياة؟)

الخطوات

1-رسمي من كل شكل اثنين عشان يصير ويه وظهر على ورق الفازلين
2-اكوي الفازلين على الجوخ عشان يتثبت ويصير اسهل بالقص
3-ثبتي زر الورده على الورده مثل الصوره
4-حطي الحلقه داخل الشريط وثبتي على ظهر الورده الأولى وبعدين غطيها بالورده الثانيه

........................ يتبع الرجاء عدم الرد.......................​

 

[بنوته@كيوته]

تابع الدرس الاول

ميدالية الفراوله



تحتاجين: باترون على شكل ثلثين دائره + الفرع الأخضر - خيط وابره - جوخ مناسب - شريطه - وحلقه

الخطوات

الصوره وااايد واضحه من اليسار لليمين بس الصوره رقم 6 متكرره

............... يتبع الرجاء عدم الرد .........................​

 

[بنوته@كيوته]

تابع الدرس الأول (و يا رب تكون الصور طالعه :cxxxp

ميدالية القلب



تحتاجين : قطعتين جوخ وحده ساده ووحده مزينه ( بالصوره مزينينها بقلب احمر وزرار تقدرين تزينينها على ذوقج)
وتحتاجين شريط - خيوط - قطن - حلقه المفاتيح

الخطوات

1-تطوين الشريط على الحلقه وثبتين طرفها بخيط مثل الصوره الثانيه
2-تخيطين الشريط بين القطعتين الجوخ وتخيطين داير ما يدور وتخلين جزء مفتوح
3-احشيها بالقطن من خلال الجزء إللي مو مخيط وتالي كملي الخياطه
4-الشكل النهائي اخر صوره

.................... خلص الدرس الأول يتبع الجزء الثاني البروشات والوردات............... ​

 

[بنوته@كيوته]

الدرس الثاني
البروشات والوردات

البروش البسيط



اول صوره عباره عن الباترون

1- تسوين 12 قطعه من البتله الكبيره و 6 من الصغيره
2-كل 6 تجمعينهم بروح نفس الصوره
3-تثبتين الدبوس وتخفينه بقطعة جوخ مدوره ومستطيله نفس الصوره
4-الشكل النهائي ممكن تزينينه بكريستال او خرز​

 

[بنوته@كيوته]

تابع الدرس الثاني
بروش الفيلترو



1- اول صوره الادوات اللازمه
2- لفي المتطيل الاول (المشرشر) عشان تصير عندج اول ورده
3- نفس الشي مع المستطيل الوردي الفاتح اول شي اطوي وثبتي من الطرف التحتي وقصي الطرف الفوقي
نفس الصوره (عشان يصير مشرشر نفس اللي قبله)
4- لفيها على الورده الاولى وثبتيهم بدبوس
5- ثبتي اوراق الورده الخضره في الاسفل وعليها الدبوس (المشبك) وزنيها حسب ذوقج انا عارضه لكم صورتين عشان
تاخذون فكره

تابع الدرس الثاني

بروش الورده العوده :080402ask_prv:




هذا البروش شوي احسه معقد بس اهمه عارضين بس باترون الورده العوده للي حابه تجرب

........... يتبع الدرس الثالث والاخييير .................​

 

[بنوته@كيوته]

الدرس الثالث والاخيييييييييير
أشياء متنوعه تنفع للتوزيعات او للديكور

طريقة عمل ابواك صغيره للنظارات او الموبايلات



إللي باليمين باترون يدوي والمظلل هذا راح ينقص

راح تطوين بقية الاجزاء وتزينينها على ذوقج وممكن تحطين زرار او الصنفره الخشنه (مادري شنو اسمها :050103nbh_prv


تابع الدرس الثالث

كب الحيوانات animal cups





تحتاجين علبه بلاستيكيه (نفس علبة السانكيست)

1- خلي فتحة العلبه إلى الاسفل ولفي عليها جوخ ابيض
2- راح تثبتين قطع سوده اشكالها مو منتظمه عشان تسوين الرقط و من نفس الجوخ الاسود والاحمر تسوين الفم واللسان
3- للأذن لازم تلزقين طبقتين عشان الجوخ يصير مقوى وثبتي اطراف الأذن على اطراف الراس
4- الشكل النهائيممكن تسوين اي شي على ذوقج ( بقره - فرفور - دبدوب)


........................ يتبع الدرس الثالث........................​

 

[بنوته@كيوته]

تابع الدرس الثالث (و يا رب الصور تكون طالعه و ما يعلق الموقع علي :cxxxp

الكب كيك

بس راح اعرض صور عشان تاخذون فكره وتجربون لو حابين نفس خطوات الصور

كب كيك



إللي فوق هذا الباترون وللي على اليسار تحت هذا الشكل النهائي


ميني كب كيك






ايس كريم يمميييي







خلص الدرس واتمنى ان الكل يستفيد والعضوه (احلى فدوكه) تستفيد

واللي حاب يبحث اكثر يكتب

felt, or, feltro

بالقوقل
او اليوتيوب

ابي تفاعلكم ودعواتكم وسامحوني لو طولتها عليكم

:33_1185028183:​

 

[أحلى عيون]

رد : لعيون العضوه احلى فدوكه... دروس بسيطه للجوخ

عساج عالقوه يا قلبي



وكل الصور عندي بارك الله فيج يا قلبي وماقصرتي

 

[بنوته@كيوته]

يا بعد عمري يشرفني مرورج والله يقويج يا رب

 

[ام فهد24]

افكار حيل روعه
يعطيج العافيه صج

 

[بنوته@كيوته]

الله يعافيج يا ام فهد مشكوره على المرور الرائع

 

[بنوته@كيوته]

عفيه عليكم يا بنات
اكثر من 50 مشاهده وردين بس:080402ask_prv: :eh_s(11):​

 

[شوفو الجمال]

مشكوووره خوش دروس والله يعطيج العافيه

 

[BaNoTa-TeKaNa]

مآشآءآلله عليــج الافكآر وآيــد حلويـــن ..
تسلم إيدج ع آلموضوع آلنـآيس

ويعطيـج آلعآفيـه حبيبتي

 

[بنوته@كيوته]

شوفو الجمال
بنوته تكانه
مشكوريييين على مروركم الرائع شرفتوني

 

[..ShoaQa..]

وناسه .. روعه تسلم الايادي حبوبه

يبيله اعطي هالدروس حق خالتي تستفيد منها

 

[AngeL-q8a]

يسلمـــــــــوووووو تسلـم الآيـــادي ....

 

[chunky274]

رد : لعيون العضوه احلى فدوكه... دروس بسيطه للجوخ

يسلمووووووووووو الصراحه شي حددده يونس

 

[[ Ms RoRo ]]

رد : لعيون العضوه احلى فدوكه... دروس بسيطه للجوخ

يشوقون
سيفتهم عندي عشان بجربهم ان شاء الله

مشكوره و ما قصرتي